便在那裏晚飯了。由於她的囡囡想剧扒，我們便去了 Queen's cafe用膳。
仔仔及朋友們均 order 了焗田螺牛扒餐 $200，由於我唔食牛、又怕魚
腥，所以 order 了一個雞扒餐 $120；朋友 CC 就 order了一個大蝦牛柳餐約
$200幾；而朋友 D則order 了一個粟米牛脷意粉$79（+$20幾蚊轉餐）。
飲完餐湯及食完餐飽之後無耐，頭盤就上枱了，可惜個大蝦沙律 D蝦
真係“太大隻”嗱！焗田螺可能無落太多牛油焗，又無用殼上，所以沒有平常
那香噴噴的味道；而且薯蓉又好像太少了，不過仔仔及朋友們都讚（其實明白
，現時一貫較為高級嘅餐廳都很少採用連殼上了，或許是衛生問題吧！而大部
份嘅薯蓉多慣採用薯粉開，所以總係覺得缺少了熱氣騰騰的香味）。Main
course 跟住頭盤之後上， timming 都算幾準。
朋友們大都選擇了 7 成熟，而 CC則簡了 5 成熟，從色澤嚟睇5 成熟的
牛扒好像真的較為嫩口很多，而且亦唔會有血水滲出。（以往愛食牛扒時，總
愛吃 7成熟；為的…就是唔想有血水滲出，那種一邊切血水一邊流的感覺太差
了，但朋友卻說這樣的牛扒太老了！）不過，這裏的 7 成熟牛扒，雖然看上去
好像是有點韌；但朋友們全都大讚牛扒又嫩又好味，連仔仔都話正都不了，可
想而知這裏出名的就是牛扒了！仔仔及 R 說唯一美中不足是黑椒汁有點辣！
但是，剛好相反的是我那份鐵板雞扒，熟得好唔均勻，中間的唔夠熟
（還有少少介符粉紅的色澤）；肉厚的部份又嫌熟過頭，變得很‘鞋’，總之
又淡又無味，仲要‘鞋’添，絕對唔值 $120的水準！唯獨個 sauce 黑椒汁
做得好！好彩之前無叫豬扒咋，否則都唔知切唔切得開！（唉……好味嘅豬扒
…記得當年爸爸成日帶我哋去兩間餐廳，佢哋嘅焗豬扒飯都做得很出色，一間
係佐敦紅寶石，佢哋嘅焗田螺同薯蓉仲要係超正嘅添！而另一間係係鳳凰村
投注站隔鄰，忘了名字。不過尼D 都係 NNN年前嘅事嗱！）
所以話尼有時貴野未必好味！仲有連 auntie都話唔好飲嘅凍檸茶，都
係麻麻，因為無茶味！
不過，既然佢哋牛扒、牛脷同湯都做得出色又好味，咁的確係值回票
價嘅！下次若想係又一城食超好味嘅牛扒就去試試啦！（晚飯時間要早 D，否
則要等好耐！）
今次又要多謝 D&D 請我們食飯，謝謝！
P.S.：–仔仔話生化危機雖然好睇，但係 3D 同唔係3D 無乜分別喎！
Queen's cafe
九龍塘, 又一城,
L1-18
Tel : 22658288
沒有留言:
發佈留言