有晚同朋友到荃灣食飯，路經一個日本食物推廣攤位，嘩！我嘅眼睛立
刻“chin chin”咁閃亮著，然後就急急腳咁入去打個轉；心入面諗住唔知會唔
會再比我同「午後 の紅茶」出嘅紅茶 cookie 重遇呢？ㄚ！果然超 lucky！比
我搵到久遣了的紅茶 cookie，既然咁難得搵到佢，我又點會捨得買一盒就罷手
呢！於是，我好唔理智咁掃 咗幾盒！唉…連仔仔都問我係咪儍咗？買完之後…
諗諗吓我又真係好似衝動咗 D！不過我咁難得先出街，仲要…唉…女人…又要
買又要煩……
哈哈…除咗紅茶 cookie 之外，我發現到原來有幾種新口味嘅餅乾，於
是買吓買吓，不經不覺就掃咗一袋貨回家。噢…終於可以跳出超市那沉悶的選
擇了，但是買日貨也代價不菲呢！
前果排，由於非常想念紅茶 cookie 嘅味道，行經奇華嘅時候，嚇然比
我發現到原來佢哋都有出茶味 cookie，監於佢哋出嘅腰果曲奇都非常看脆好味
（但俞買俞貴）；咁我咪買咗兩種口味返去試試囉！（其實，佢哋嘅芝士吐司
同椰絲吐司麵包都好好食嫁！）
果然，佢哋嘅茶味曲奇同我想像中真的有分別；雖然同樣是香脆，但是
我還是喜歡厚一點、細塊一點嘅曲奇！至於，茶味方面，仍是偏向中國茶味，
稍久了西方紅茶獨特的香澀味；而香片口味曲奇，雖然是入口較為甘香，但是
相比之下，還是及唔上「午後 の紅茶」出嘅紅茶 cookie 咁香脆吸引；或許
是日本食物的香料吧！還是歸功於茶葉的混配呢？
雖然，今次食「午後 の紅茶」嘅紅茶 cookie 覺得佢嘅味道偏甜了、
茶味也沒之前初嚐時的驚喜，但是還是較本土的紅茶 cookie 優勝！
另外， 「午後 の紅茶」(MORINAGA)出嘅檸檬紅茶 Pie，味道都幾
得意，雖然唔係真係有檸檬夾心，但係塊餅乾出面包咗一層檸檬紅茶味嘅
creamy 糖衣，一啖咬落去真係覺得食緊檸檬紅茶餅咁嘅味道，或許頭第一次
食，你會覺得又甜又澀又 creamy 好似怪怪地；但之後，你會慢慢愛上佢嘅味
道，自自然然一包接一包咁食，不過食得會覺得太甜，所以最多都係食二包好
啦！（佢一盒有 5包， 1包有 2塊。）
而 Tohato 嘅牛油脆餅真係幾好味喎！（圖二，黃色錫紙包裝。）佢 薄薄地一塊，面頭舖咗少少糖粒，咬落好香脆；佢鹹鹹地、甜甜地嘅味道好特
別，就係咁唔覺唔覺食咗半包，$16 蚊包餅，好易就食晒嗱！話時話ㄚ！佢嘅
味道有 D似層相識，好似我小時候食過嘅一種餅乾嘅味道！（個時慈雲山有小
販响街‘瀝住’一筒筒嘅餅乾散買嫁，仲好多種類添！）不過，好味歸好味，
佢嘅成份係含有花生及大豆嫁！雖側佢唔係太甜，只但係佢含糖量都好似幾
高喎！）果然好味嘅野，大都係唔健康嘅，So，請小心控制餅乾、小食的含糖
量及含油份嘅陷阱呀！
「FUJIYA」出嘅牛油酥，咬落有牛油香味，面頭亦係有少少糖粒；而
餅乾本身又有查了一滲薄薄嘅麥牙糖，不過唔會太甜，脆脆地幾好味嫁，味道
有 D 似蝴蝶酥咁！（圖三，橙色盒果隻。）當然，一定無新鮮嘅蝴蝶酥咁正啦
！$17-8 蚊盒，裏面有5、6包，每包有 2 塊。
ㄚ！唔知你鐘唔鐘意食有牛奶味嘅朱古力餅乾條呢？仔仔就好鐘意尼隻
「meiji」出嘅 HORN 朱古力餅乾條嗱！佢中間夾住果 D牛奶味奶粉，幾好
味，但係我就嫌佢甜咗少少，仔仔就話啱啱好喎！
如果，你好芝士嘅話，尼隻「 i-PACK」嘅條裝濃厚芝士味米餅就啱晒
你！夠脆又夠芝士味！
↓同樣係 Tohato，尼隻芝士辣味薄脆片就有超勁多味精粉响面嗱！No good↓
沒有留言:
發佈留言