高流灣–不一樣的新年

              高流灣–我老公的家鄉，一個簡單寧靜的海島！天氣好嘅時候，風景

仲好優美嫁！熱天都幾多人釣魚、潛水及食海鮮嫁（不過，係要訂位嘅！而且

，此只一家。）！其實因為尼道好近黃石頭碼及塔門，以前仲有好多魚排添！

不過而家因為養魚太難為生啦、又咁大體能勞動，所以已經無後生仔繼承啦！）

這些相片都是上年從老公的家中影出來的！可惜因為落雨，所以先至影得幾張。

又快到農曆新年了！今年再影多 D 相同大家分享吧！

              每年嘅年三十，老公一家人都必須回到高流灣嘅祖屋過年，這是傳統

習俗，所以我們一家大小便會坐車坐船的回來！（有兩次仲試過搭快艇添！果

種船頭有一半升起，在大風浪中奔馳嘅刺激感覺，並不是人人承受得了！唔知

係咪人大咗，心血少呢？我同仔仔就怕了這種在海浪中，逆風而行嘅高速跳動

感官！這太刺激吧！又沒有安全感！奶奶就勁啦！佢真不愧為靠海為生的兒女

，她竟然能夠在這種大風浪當中，站穩在快艇的船頭。嘩！真是經得起大風大

浪呀！）

              經過那些快艇的洗禮後，我們還是乘搭那首固定航班的大船吧！因為

還是安全感較為重要！其實在高流灣坐快艇，我還有一個愉快的經驗。那年

英國的朋友 E，因為要回港結婚；而他的丈夫 P是高流灣人；所以他們便邀請

我們到高流灣作客。因有 P 船牌，所以 P夜上便駕駛快艇載著我們在海邊漫遊

，那天沒有月亮；但是夜靜的海上卻出現了一個美麗的境像，因為當船身停在

潻黑的海面飄動時，船身的四週竟然出現了五顏綠色的螢光圍遶著！我還忍不

住申手到水中渤動，怎知那水花又在潻黑的海面激出一點點發光的顏色；那美

麗的境像，似是一幅仙境畫，深深的印在我腦海中。後來，我才知道，那是海

中的一種浮游生物；而且要在極黑中才能發現，至於是否一定在黑夜看見，那

就要配合大自然因素。可惜，我同老公就未能碰見！）

              在這裏過的新年是很不一樣的–年三十晚的晚上 11:00 開始每家每戶

都會在準備拜神，當一踏入 12:00 後；大家都會點起一大串兩層樓高的炮長，

有的甚至會燒成個盆闊的炮長！真是喜氣洋洋、非常熱鬧！而老爺及男人們便

會忙於拜神，奶奶就會在廚房忙於煮宵夜。唔…真的很美味！吓！宵夜食咩？

有炒得很香的蔬菜湯粉絲、蒸茶粿及煮湯圓嘅！食飽之後做乜？就係收利是啦

！奶奶同老爺各自都會派兩封嫁！嘻嘻…

             到了初一，男人們就要去奉茶給天后娘娘，而奶奶又要忙於準備午餐了

。由於，大年初一係唔殺生嘅！所以大家都要食齋嫁！不過，到了晚上，奶奶

又會劏雞、蒸魚呀咁！（但我嘅娘家嘅習俗係要食一整天齋嘅！）再夜 D又要

準備食晚餐及開年宵夜嫁啦！咁當然，開年宵夜除咗仍然有好好食好香嘅蔬菜

湯粉絲之外、仲有雞同奶奶嘅拿手好戲–生炒糯米飯啦！嘩！超正嫁！（仲有

奶奶炆嘅砵仔豬肉都好正嫁！唔…諗起都想食呀！）E！大家係咪好奇怪，我

講來講去都只係食呢？！係呀，因為响尼道，中午 12點鐘就食午飯；下午 6

點鐘就食晚飯嫁啦！咁早？係呀！所以咪要食宵夜囉！

         除咗咁，我每年仲都帶備大量嘅零食返去嫁添！因為尼道係無士多嫁

。汽水都仲有得買嘅！早幾年都有間舖仔煮奶茶同公仔麵嘅，但而家因為婆婆

老囉，所以未必有開舖嫁！E！咁我返去過年咪係做大懶蟲囉！係！無錯，我

响尼道嘅 job duty 咪就係食同埋食囉！哈哈…係咪好歎呢？其實，我都有供

獻嫁！咪就係捱夜囉！因為要代替老爺睇住對香燭燒完為止（成個個程都要

成 2個鐘嫁！）係咪好勁呢？ （嘻嘻…其實我並唔係齋坐响道嫁！我都要左止

 D 獵滴落嚿木個洞道嫁！）哈哈…講正經，因為衆所階知，我嘅活動能力有

限（健康問題）；由其係係凍嘅天氣，同潮濕嘅地方（海島嘅濕氣太重），

大家都見到我郁到成個機械人咁，試問仲邊有人會勞役我ㄚ！

            以往响高流灣過年，我最開心嘅活動就係係大年初一晚飯後–放煙花！

但近幾年因為我走唔郁，所以咪唯有睇仔仔地放煙花囉！至於而家我嘅活動係

乜？咪變成咗同老爺打麻雀囉！

            到咗大年初二，就係全個高流灣最熱鬧嘅日子，因為所有外嫁女及搬了

出去住嘅人，都會返嚟高流灣拜年及食開年飯嫁！而未結婚嘅朋友就最開心啦

，因為逗到嘅利是係一叠叠計嫁！

 

 

派利是

好快又到農曆新年，相信已婚嘅人仕除咗要辦年貨之餘，仲要忙於張羅紙幣派

利是吧？如果要換新銀紙嘅朋友，就要練好腳骨力囉！話時話，我都有成兩年

無去排過隊囉，因為迎新紙幣都 okㄚ！本來都想用番舊紙幣，但係$10膠紙幣

還可以，$20 就太殘舊嗱！七除八扣，簡剩一半都唔夠可以用得，唔怪得以前

幫爸媽封利是果時，爸爸總係話 D 銀紙好“烏糟”！（的確係萬惡金錢）

不過，當年真係好有新年氣氛嫁！我仲記得，果 D 一叠叠、新簇簇嘅直版$10

紙…啍！我同弟弟仲儍到去聞吓佢添！哈…  （星期一，我都去咗排隊錢！）

        嘿！唔知身為女仕嘅妳，會唔會好開開心心咁去選購利是封呢？（由其

係新婚頭一年）但係，身為老公嘅佢，又會唔會對妳講『派錢之嗎！仲駛唔駛

咁開心ㄚ！求其買咩利是封都係咁派嫁啦！最好 D利是封唔駛錢！ 』尼 D之類

嘅說話呢？！（瘋 show 快活人嘅豪仔上次都有同佢老婆講過 D類似嘅說話。

不過，佢就講得 sweet D！）

        其實，有時男人真係唔明白 D 女人諗咩嘅！新婚嘅女人為派利是而開

心，係因為代表佢嘅身份已正式升格為太太啦嗎，那種喜悅就似戀愛後收成正

果一樣，能夠派利是就身份嘅像徵。不過，隨住年月嘅洗禮，尼種喜悅就會慢

慢減淡了！還記得有一年，我們經濟嵌入谷底，那年層經因為無錢過年；而要

躲在家中，不感外出避免派利是……那艱難的日子過去了！現在，雖然不是經

濟好好，但是我已很滿足了！

           派利是，雖然是要將自己副身家派減 D 出嚟！不過諗返，當年自己都

層經非常開心咁逗過利是ㄚ！果時簡直係好似年尾出多次 bonus 咁呀！未結

婚嘅朋友，而家就要好好握逗利是嘅時間嗱！

           我認派利是係一件喜慶事，所以我會選擇開開心心咁派，同埋會 enjoy

選購利是封嫁！（當然，我一直都有從用舊利是封嘅習慣嫁！能夠用的就唔好

浪費ㄚ嗎！）

       還有希望大家於送禮嘅時候，盡量避免用花紙包裝。（環保一點吧！）

 

大圍–新強記

             1月又是新一年食生日飯嘅時候，今次我哋簡咗大圍新強記，本來朋友

E 建議去河畔花園果間，又或且係大圍內街果間；但因為個 location唔方便，

內街果間又唔好坐，而朋友 Y 說這間嘅食物味道都 Ok，所以便在這裏一試。

        因為我哋係未到飯巿時間已經到咗，而且又 book 咗位，所以可以坐得

好他條；不過尼道原來一到晚巿、宵夜時段係勁多人，所以下次要响道食飯記

住要 book 位呀！

       我哋頭個 round order 咗 1 碗雞粥、1 窩蟹粥、竹笙豆苗、豉椒炒蜆

、南乳吊燒雞半隻、琵琶豆腐、蒸魚腸、炒水瓜及羊腩煲（送生菜）。

        第二 round order 豬頸肉、花枝片炒西蘭花及一個餸（忘記了！因為

掛住食，又要傾偈，太忙了！），連埋飯及氣水埋單合共HKD991（成 10 個

人食都幾抵ㄚ！）

        佢哋嘅蟹粥味道都錯ㄚ，粥底又夠棉；南乳吊燒雞都幾入味、雞又夠

嫩；朋友個仔仔就好喜歡個豉椒炒蜆，我就覺得佢哋炒得夠辣夠香口；同埋

我最鐘意係碟豆苗，好味又夠嫩。至於個羊腩煲味道 ok 呀，不過 D 羊肉都

唔夠佢入面嘅枝竹受歡迎！仔仔話個琵琶豆腐最難食，但我就覺得個味道 ok
 
呀！成餐飯整體嚟講都幾好，果然係唔錯。（不過，想試就要早 D；或者記

得 book 位，因為晚飯都好多人。 ）
       
笑話一則：–當我哋叫完氣水，送上枱嘅時候，由於我哋以為個 waiteress

                開錯咗支可樂，準備叫佢收番；點知個 waiteress就話『唔緊

                要啦！“和 kai” 咗（我開咗），尼個唔駛落單啦！』 之後

                ，阿仔係咁笑話『佢話佢自己“kai” 咗喎！（因為個“kai”

                與“凱子”同音，而“凱子”嘅意思係話人好蠢，成日被人佔

                便宜，等於廣東話嘅“水魚 ”、又或者而家嘅“儍仔”咁解！

                ）』，個衰仔又學佢响道重複講喎，攪到我同阿 sa 都忍唔住

                笑！

新強記

大圍，海福花園 47- 50 號

Tel.: 26061197

（大圍火車站 E、G 出口）

Main St. Cafe - Easton Hotel

 

              久遺了的咖啡香及朱古力酥，Main St cafe 我哋終於重聚了！

上次朗豪坊一別，仲以為唔可以再試到佢哋嘅咖啡同我至愛嘅朱古力酥添！

              其實，自從我同 J 開始咗星期二嘅約會以後，一直都迫住忍受 Star

–bucks淡而無味嘅奶水咖啡（正確嚟講係奶味糖水，even 叫咗佢哋係走

甜）；但上次竟然比我响 open rice 發現到，原來 Easton Hotel 裏面係

有間Main St cafe 嫁喎！噢！我同 J 以後唔駛再忍受Starbucks 果 D 極

難飲嘅咖啡啦！

              雖然，Main St cafe  嘅咖啡種類係無 Starbucks 選擇咁多，但

 佢勝在有咖啡豆嘅香味。（係一杯真正嘅咖啡）而佢哋嘅朱古力酥面頭佈


滿糖霜，裏面有原原整整一條嘅朱古力；唔似 Delifrance嘅朱古力酥咁孤

寒，D 朱古力愈來愈少。哈！唔知佢哋嘅牛角酥有冇 Starbucks 叮熱咗 D

 咁好味呢？仲有果佢哋嘅 cake 都有幾款嫁喎，唔知又好唔好味呢？下次

試吓先！

        環顧四週，尼道都幾好坐喎，又夠靜。下次同阿 J嚟坐坐先。

Easton Hotel 逸東酒店

佐敦彌敦道 380號，

LG 層

Tel.: 27101864

國金軒 Cuisine Cuisine– 米芝蓮 2 星級食市

 

              上星期 J book 咗尖沙咀美麗酒店果間國金軒，諗住同我去試吓尼間

米芝蓮 2 星級食市，因為佢哋有個任食點心$198/位咋！而且阿 J 上次試過

中環國金果間嘅小菜，覺得幾好味。於是尋日，我就懷住興奮嘅心情去試啦！

          由於我哋係由 lobby 入去，所以要行過九曲十三灣先到…嘻嘻…其實

唔係真係咁遠，我只係覺得佢嘥咗好多位响走廊啫！當我哋以為就到嘅時候，

點知又見到一排三張嘅仿鱷魚皮紋嘅櫈，正當我哋好開心响道討論緊張櫈嘅時

候，前面突然出現嘅男人就問：『兩位小姐係咪去國金軒呢？』『請到前面ㄚ

！』哈！原來仲要經過張 designer chair先到。（唉！我仲想影番兩張相添！

點知佢又响道等我哋喎！）（到走果鎮我哋先到發現原來有部 lift 可以直達

金巴利道口嫁喎！行遠咗添！）

        入到去，原來佢哋都係用番深啡色木嘅 design，所以就算有一排玻璃

大窗；同玻璃吊飾，但仍然都係覺得間酒樓太暗。（唔…阿 J 話，尼D 深深沉

沉嘅色 tone 都係啱外國人口味多 D！）

        Waiteress 小姐開始介紹個 menu 同問我哋嘅選擇，因為佢哋尼道原

來有套餐同 點心餐可供選擇；而套餐最低嘅價錢係 $160同$280蚊，套餐裏

面包括有點心、小菜同炒粉麵飯（$280 果個仲有多多一兩樣及甜品添！）。

由於，我哋唔係太肚餓，於是我哋簡番 $198∕位；有 26 款點心及 6 款甜點

任點任食嘅餐。

        我哋先選咗蟹籽波菜蝦餃、青芥末蟹籽燒賣、醬爆炸蝦丸、瑤柱炸兩及

法國鵝肝荔芋角等…嚟到嘅時候，覺得個買相 ok，而味道方面以蟹籽波菜蝦

餃及法國鵝肝荔芋角最好味！蝦餃淺綠色嘅皮夠薄、又唔會太黏、餡料又夠味

，正！荔芋角夠脆、又有一粒鵝肝比你，ok好味。不過，個炸兩就太過虛有其

表啦！油炸鬼脆就夠脆，但係咪就係得個脆字囉！油炸鬼–點為之正呢，就係

要外脆內軟ㄚ嗎，裏面嘅麵粉要有 D 軟得嚟、又要煙韌嘅質感；並唔係只得個

脆嘅外殻，而裏面乜都無囉！另外，醬爆炸蝦丸除咗會爆汁之外，就無乜特別。

        第二輪，我哋 order 咗瑤柱賽螃蟹餃、露筍帶子鳳眼餃、 沙律明蝦

角、蒜蓉瑤柱春卷、X.O.醬炒蘿蔔糕、薑蔥牛栢葉及生煎菜肉窩貼，由於是

任點任食嘅關係，所以大部份嘅點心都會按照人頭計；一人一件，不過部份點

心，如：炸兩、炒蘿蔔糕及腸粉…等就要成碟上。尼道最值得讚係 service，

因為不論係 wariter 及 waitress 都會常常幫你斟茶嫁，又有禮貌，而且仲有

個暖爐暖住壺茶！講返 D 食物嘅味道，我同阿 J 都發覺，佢哋 D 用蝦嚟做嘅

食物真係唔錯，D 蝦又夠爽口彈牙；炸野亦都夠脆、又好味，唯一除咗個生煎

菜肉窩貼！因為佢個外皮煎得唔夠脆、又韌，你有無食過熱得嚟又韌嘅窩貼ㄚ

！（連阿 J 都話覺得自己煎嘅急凍餃子煎得仲好過佢！But, 阿 J 嘅廚藝係有

限嫁至喎！哈哈！So, what do you think about this？當然係–not

good 啦！）

         而X.O.醬炒蘿蔔糕，你係食唔到有 X.O.醬之餘；仲食到你成口粉，

咁有“蘿蔔”味嘅粉，你仲會唔會食呢？個薑蔥牛栢葉，無嚟彈性又唔爽；

淋 pat pat 咁，D 醬汁嘅味又令到你好似食咗啖攪唔均 D 粉嘅茨汁一樣，

包你唔想再挾第二嚿。唉…雖然用 D 蝦嚟做嘅點心好好味！不過，當你食嚟

食去都係差唔多味嘅餡料果鎮，你就會覺得食之無味！我突然覺得，以前 D

中式酒樓嘅點心點解咁好味呢？！就係因為人哋每種點心都有屬於佢哋各自

嘅配料，那時嘅點心師父真係有用心去做；反觀而家 D 點心，精緻就精緻，

但只可惜係空有其外型分別，而內裏之餡料都係一式一樣；令人覺得食一樣

同食兩樣都無乜分別，食到個口都寡晒，咁真正嘅點心精髓何在？

         係越食越無癮嘅情況之下，我同阿 J 決定食完甜品就埋單走人，所以

就點咗 4 個甜品：紅豆沙、焗燕窩蛋撻、芝蔴糊豆腐花及呂宋香芒布甸嚟做

last order！至於甜品嘅味道，唉……其實，你睇到 D相嘅色澤就係 exactly

同真品一樣嫁嗱！吓？！無錯，尼 D 就係米芝蓮 2 星級食市所出品嘅甜品啦！

除咗紅豆沙嘅味道係正常 D 之外，焗燕窩蛋撻–個樣完全唔吸引，色澤又啞、

味道又太騷，牛油味及奶味太重，完全唔覺得佢係用蛋漿整出嚟！個口感十足

十酥皮布甸！蛋撻嘅酥皮完全係唔掂，旺角金魚街嘅康年做得仲好過佢！

        呂宋香芒布甸–味道就像普通布甸一樣，芒果都有幾粒嘅！總之許留山

一定好過佢囉！起碼有芒果嘅香味。嘩！全場最差嘅甜品就係芝蔴糊豆腐花嗱

！芝蔴糊，苦嘅！D芝蔴嘅粗粒好似無隔過一樣，再加响無味又唔滑嘅豆腐花

上面…唏…真係超難食！若然唔係係酒店，阿 J 幾乎想吐返出嚟添！

            其實响尼道當普通酒樓飲茶，大至上係 ok嘅！不過，佢貴為米芝蓮 2

星級食市，我同阿 J 當然對佢嘅要求會高 D 啦！而且，點心好唔好，真係好

睇個點心師父放咗幾多心機落去嫁，但係係尼道我哋就睇唔到囉！所以我哋

就覺得佢唔值 2 星囉！Maybe, 小菜可能好 D 啦！因為其他人都有點小菜，

若你都係想一嚐佢嘅點心，我建議你可選擇佢哋嘅套餐，因為裏面都有幾款

點心嫁！

        埋單 $450 兩個人，唉…早知我哋就簡套餐好過啦！唔抵！ㄚ！今次

又一証明我哋米芝蓮級數同外國人嘅米芝蓮級數係唔相同嘅，階因我哋注重

嘅係食物本身嘅質數多過：環境、氣氛、serivce 及 dish set 囉！所以我哋

為咗一嚐心頭美食，可以走去地茂大排檔，也不介意。不過，阿 J 話相信中環

國金（國際金融中心 2期）應該會好 D 掛！



P.S.：–

$198+10% 嘅任點任食點心只限星期 1~5 嘅 12:00p.m開始咋！其餘時間

嘅點心價錢由 $48∕碟，起跳嫁！

↓厠所個水嚨頭有燈嫁！都幾得意ㄚ！↓

國金軒 Cuisine Cuisine

尖沙咀，美麗酒店 3∕f

Tel.: 23155222

 

CoCo壱番屋–觀塘鱷魚恤中心

            今個星期忙於密會舊友，食完一餐又一餐，真係好似有食神降臨一樣。

星期一約咗好耐無見嘅 H 到觀塘鱷魚恤中心食飯，然後再緊接同阿 J 食 tea。

嘩！個胃細 D 都食唔落呀！由於兒甥通知我，上次當我同 J 去完米桶食飯之後

；班廚師已於逆日全部一起跳蹧，所以已經變得好難食。既然係咁，就不如試

試尼間傳聞中常常要等位、價錢又貴，但咖喱豬扒好好食嘅 CoCo壱番屋。

       我 12:15p.m.到達就剛剛好，唔駛等位。我 order 咗一個吉列雞扒咖喱

飯$55＋ $15芝士 ＋$15轉 set（即係有湯、飲品及甜品任簡兩款），而朋友

H 就簡咗吉列豬扒咖喱飯$65＋$15轉 set。

       因為朋友選的 set 是湯跟飲品，所以個湯先到，（而湯是沒有口味供選

擇的，只能是是日例湯）而當天是–雜菜湯。朋友嚐了一口，便說唔好飲，的

確單憑個湯嘅 look；我都覺得難飲，因為個湯底嘅色淡到跟清湯沒有分別。到

主菜–咖喱飯上枱時，個吉列雞扒芝士咖喱飯的確是較吉列豬扒差。其實朋友 

H 已於落 order 提我「吉列雞扒 D肉應該會好‘鞋’，因為雞扒應該用照燒或

煎的方法較為嫩口。」可是因為我想嚐嚐這兩款的味道，因此才 order的；而

朋友H 當然也張那脆香可口的吉列豬扒給我交換試試嗱，他還慷概地給了我 4

件之多呢！

        唔…吉列豬扒不愧係招牌貨，因為佢外脆內軟，好好味；不過個咖喱汁

睇落去似乎稀咗 D喎！我同H 不其然諗起果間好好味嘅咖喱。（講到至鬆化好

味嘅吉列豬扒咖喱飯飯就非尖沙咀及 Slivercord 那間莫屬了！）而我的吉列

雞扒芝士咖喱飯雖有香濃芝士味，吉列雞扒的確有點‘鞋’；而咖喱汁又太鹹

了，不過我都差不多食晒；唔係因為太好味，而係唔好浪費啫！（但$77 碟飯

，會不會太貴呢？）

       不過最令我驚喜，莫過於杯熱咖啡同有一整粒士多啤梨嘅士多啤梨雪糕

了！埋單剩為 $180幾蚊，抵唔抵？吓麻麻啦！一試就無防嘅！

       雖然今餐一般，但能夠跟好友共聚，還是很開心呢？朋友H 還跟我分享

了女兒的玉照呢！（很可愛啊！）

CoCo壱番屋

觀塘鱷魚恤中心, 1/F

 

皮膚勁 dry 點算好？！

               話說上次同好友 R 食完 tea，佢見我 D皮膚勁 dry，揸埋 LA ROCHE-

POSY 嘅溫泉長效保濕都急救唔倒，於是佢就用咗 Biotherm 嘅積分換咗套超

級保濕嘅 AQUA SQUARE Non Stop 同 Superserum 比我用！（多謝妳呀

 R！My buddy！）

         仔仔用咗AQUA SQUARE嘅 Non Stop 都話好正，而我就要用到

Superserum 先至無咁乾，皮膚又有番 D 光澤、乾紋又少咗 D；So，如果妳嘅

皮膚都需要急救嘅話，都可以試試 Biotherm 尼兩支保濕救星！

         不過其實，LA ROCHE-POSY 嘅溫泉長效保濕 Mask（Smoothing

Rehydrating Mask）都好好用嫁，只要 20分鐘就可以即時搶救我超乾嘅皮

膚，但係佢保濕 cream 就唔夠強囉！

         至於，手腳乾燥，我就於沐浴後用 AVON Care 嘅 Dry Skin SOS，尼

隻 cream 的確好保濕、又夠潤，佢含有 Rice Oil嫁，不過如果一洗手就會變成

滑殘殘咁！所以要成日洗手嘅 OL 就會好麻煩；而且，我唔知香港有冇得買（但

我又好似响萬寧定屈臣氏見過喎！），anyway,你想買就去望望啦！

        另外手紋多嘅朋友，就可以試試 Carabtree & Evelyn 嘅 Age

Defying 嘅 hand cream（RoseWater），用完之後除咗有好香嘅玫瑰花味

之外，對手仲滑番晒添！ 

        希望以上嘅保濕用品幫到你啦！

 

 

 

金殿海景宴會廳–無敵海景酒樓

        果日同阿 J 想去尖沙咀 The One 飲茶，結果又 book唔到位，咁唯有

咪去 isqaure 睇吓食乜；因為大家都唔係太肚餓，於是就簡咗 26/f 嘅酒樓–

金殿海景宴會廳。一入到去，嘩！三面落地玻璃，無敵大海景（成個維港盡現

眼前），真係令人心擴神怡呀！雖然無得坐位窗邊，但係都只係相隔一張枱嘅

距離啫，正！ㄚ！不過，跟據過往嘅經驗，通常有靚景嘅地方；食物水準都只

係一般嘅啫，今次即管試試。（哈！The One開咗咁耐，一直都無緣到此一遊

，唔知幾時先至有幸呢？）

       由於我哋三個人都唔係太肚餓，所以只係叫咗五個點心：鳳爪、蝦餃、叉

燒飽、千層馬拉糕、金粟百花球同一個茄子炆伊麵。唔…個醬汁鳳爪好味，但

個醬太重味精啦！蝦餃嘅皮一 D 都唔滑、又太黏，不過味道又 OK 喎！叉燒飽

幾好！但係當個外表精美嘅金粟百花球一上， J 嘅姐姐 L 一啖咬落去果鎮…噢

…竟然是凍的！吓？咁都得！我哋都唔感再試啦！咪唯有取消 order囉！（好彩

之前食咗其他點心先啫！如果唔係都無晒胃口啦！）個千層馬拉糕嘅味道都 OK

，不過就係唔太熱；只係暖暖地、味道又唔似馬拉糕，咁當然亦係無千層啦！

唔…真係好懷念以前舊色酒樓嘅千層糕同馬拉糕嘅味道！千層糕–好味得嚟、

又有好多層（巧功夫），馬拉糕–又香、又好味，仲好彈添！（努力回味中…）

        不過，最估唔到係個茄子炆伊麵，真係好好味，茄子很香；個芡汁又

唔會太傑，值得一試！（而隔離枱班太太叫咗個籠仔蒸飯，色同香都夠嗱！但

        $200 幾蚊埋單（一碟野加 4 個點心），抵唔抵？相信係尖沙咀嚟講都

算抵！      

        尼道仲有值得讚嘅係有 view、又坐得舒服、又唔嘈。一邊食野， 仲可

以欣賞 D 鷹在四周飛舞！可惜部手機唔可以影到 D 咁靚風影相（唉…鷹呀鷹，

你哋係城巿生存空間真的太少了！你哋就愈飛愈低，D 樓就愈起愈高，真係適

者生存！）


P.s.: –見到近窗有對老夫婦，好相親相愛在飲茶，嘩！真係好 sweet又
 
warm，真係好羨慕！

isquare 國際廣場（尖沙咀）

26/F 全層

Tel.: 23683898

平野有好野–電暖袋

            凍咗咁多日，今日終於暖番 D 啦！不過，聽講星期日及下個禮拜又凍番

喎！你有冇諗過買番 D 保暖用品呢？話說聖誕節收到朋友 U 送嘅電暖袋

（$59）， U 仲怕份禮物 cheap，但係我就不知幾咁鍾意、又實用！其實送禮

物係在乎誠意，又點會注重禮物嘅價值呢！

        果晚我哋即時試用，佢都只係雖要叉 15~20分鐘啫，就可以用到 3~4個

鐘！（叉滿電，佢會自動關閉添！個插口係心型嫁！）

        而佢嘅熱度適中，唔會驚熨親啦！好怕 D 暖蛋，初初就慢慢加熱，然後

就熱到癲咗！（仔仔細個果鎮仲比佢差 D 熨親添！自此之後就怕咗！）

       雖然佢（電暖袋）係街邊貨，但係絕對好用！唔駛怕用電暖爐太熱、電暖

毯折斷電線嗱！因為你只要叉一鎮間電，佢就可以陪你周圍去，睇書、暖腳同

放入被內預熱；唔駛焗到乾晒，又或者拖住條線啦！

      係邊道有得買？朋友 U 就話係北角街邊買嘅（我仲叫佢幫我買多兩個添）

！妹妹就話响花園街見過喎！

       $59 個電暖袋（仲有 4 隻色添！）下次見到記住買番個啦！好 warm呀！

           

Safe Sex

男人 X ，身為你個 friend，今晚聽到嘅事真係令我感到非常憤怒！作為一個男人

，你不會覺得你的行為很自私和無恥嗎？作為一個文明人，總會明白甚麼叫

“安全性行為”（Safe Sex）吧！

          作為一個負責任嘅男人，唔係會有一“套”（condom）旁身嗎？做愛

唔帶套，若果你相信你的女人唔會有 BB 的話，除非是你的精子弱吧？！為什

麼呢？為什麼男人要咁自私呢？為了一時快感，而害到自己嘅女人懷孕；事後

又要自己嘅女人去落仔，你真的愛佢嗎？或者說，你有愛過她嗎？你應該知到

，墮胎，除了會傷身之外，還損害了一條人命！人命呀！如果你根本無諗過要

生 BB，做乜要作孽呢？這麼無責任，你還算是個男人麼？！

      女人，妳真蠢！為什麼妳要作賤自己呢？一次、二次都夠了吧！妳真的

那麼愛他嗎？愛到連自己條命都唔要嗎？今次竟然攪到自己得番半條命躺在

醫院，值得嗎？身體是自己的，連妳自己唔愛惜自己，他還會尊重妳嗎？若然

不能食“避孕丸”，那麼妳便要堅守最後防線，唔帶套就唔做愛吧！學識

“Say No”，也是要他學識對妳的尊重！愛惜自己的身體吧！

       No condom = No Sex！愛你嘅伴侶，就請記緊帶“避孕套”吧！

如果妳們那麼熱愛 freedom的話，還可以選擇打“避孕針”和食“避孕丸”

！切勿相信男人所講的“安全期”和“等鎮先至帶“套”等說話，否則最終

傷害的只有妳自己！試想想，若然男人要做墮胎手術的話，他還會講得咁

輕鬆嗎？

          Safe sex 就要有一套（condom）！

 

路過的 2010 高達模型展

            由於漸漸覺得高達模型的新型號模型愈出愈唔靚，所以都無乜意欲去行，

上星期六因為要去紅磡攞番台灣的朋友給我的絕版香水；於是便經過高達模型

展，而今次的展覽仍然係令人失望。

           橫掂都經過囖，咪順便幫仔仔睇吓囉，結果見到仔仔睇中嘅 00 戰魂都係

買唔落手($440)，而尼款 1: 144（$175）又買晒！會場特別版嘅 BB 透明版

獨角高達，雖然只係買（$120）；但係又唔靚喎，個變身仲要係自己幫佢換角

嘅添，咁買嚟做乜呢？So，唯有影多幾張相比佢睇算啦！

       今次，佢哋連 Display 都無乜新意，我淨係見 D 影迷（攝影迷）追住果

兩個 Cos play girl 嚟影，就知今次個展覽有幾咁吸引 嗱！比我簡，我都令願

影吓 D 青春嘅妹妹仔啦！唔怪得知星期六仲要係下晏都無乜人嚟行啦！

           不過，End up 我都買咗個 白色高達（$145）嚟氹吓屋企個大人（蝦子

餅），以禰補一吓無買聖誕禮物同王菲新 CD 嘅罪過！哈哈…（喂！老老實實，

我真係覺得王菲 D新歌唔好聽喎！仲要我比 $150買？唓！咁妳又買隻 $95 嘅

Justin Bieber 比仔仔！唏！咁又點同呢！仔仔無 JB 嘅精選 Cd ㄚ嗎！啃…

偏心就偏心啦！‥‥＞＜"）（胡私亂想交戰中…）

       Anyway, 砌起咗嘅 白色高達又幾靚喎！（可能佢今次用嘅膠料係呤呤哋

掛！）