凍咗咁多日，今日終於暖番 D 啦！不過，聽講星期日及下個禮拜又凍番
喎！你有冇諗過買番 D 保暖用品呢？話說聖誕節收到朋友 U 送嘅電暖袋
（$59）， U 仲怕份禮物 cheap，但係我就不知幾咁鍾意、又實用！其實送禮
物係在乎誠意，又點會注重禮物嘅價值呢！
果晚我哋即時試用，佢都只係雖要叉 15~20分鐘啫，就可以用到 3~4個
鐘！（叉滿電，佢會自動關閉添！個插口係心型嫁！）
而佢嘅熱度適中，唔會驚熨親啦！好怕 D 暖蛋，初初就慢慢加熱，然後
就熱到癲咗！（仔仔細個果鎮仲比佢差 D 熨親添！自此之後就怕咗！）
雖然佢（電暖袋）係街邊貨，但係絕對好用！唔駛怕用電暖爐太熱、電暖
毯折斷電線嗱！因為你只要叉一鎮間電，佢就可以陪你周圍去，睇書、暖腳同
放入被內預熱；唔駛焗到乾晒，又或者拖住條線啦！
係邊道有得買？朋友 U 就話係北角街邊買嘅（我仲叫佢幫我買多兩個添）
！妹妹就話响花園街見過喎！
$59 個電暖袋（仲有 4 隻色添！）下次見到記住買番個啦！好 warm呀！
沒有留言:
發佈留言