由於漸漸覺得高達模型的新型號模型愈出愈唔靚，所以都無乜意欲去行，
上星期六因為要去紅磡攞番台灣的朋友給我的絕版香水；於是便經過高達模型
展，而今次的展覽仍然係令人失望。
橫掂都經過囖，咪順便幫仔仔睇吓囉，結果見到仔仔睇中嘅 00 戰魂都係
買唔落手($440)，而尼款 1: 144（$175）又買晒！會場特別版嘅 BB 透明版
獨角高達，雖然只係買（$120）；但係又唔靚喎，個變身仲要係自己幫佢換角
嘅添，咁買嚟做乜呢？So，唯有影多幾張相比佢睇算啦！
今次，佢哋連 Display 都無乜新意，我淨係見 D 影迷（攝影迷）追住果
兩個 Cos play girl 嚟影，就知今次個展覽有幾咁吸引 嗱！比我簡，我都令願
影吓 D 青春嘅妹妹仔啦！唔怪得知星期六仲要係下晏都無乜人嚟行啦！
不過，End up 我都買咗個 白色高達（$145）嚟氹吓屋企個大人（蝦子
餅），以禰補一吓無買聖誕禮物同王菲新 CD 嘅罪過！哈哈…（喂！老老實實，
我真係覺得王菲 D新歌唔好聽喎！仲要我比 $150買？唓！咁妳又買隻 $95 嘅
Justin Bieber 比仔仔！唏！咁又點同呢！仔仔無 JB 嘅精選 Cd ㄚ嗎！啃…
偏心就偏心啦！‥‥＞＜"）（胡私亂想交戰中…）
Anyway, 砌起咗嘅 白色高達又幾靚喎！（可能佢今次用嘅膠料係呤呤哋
掛！）
沒有留言:
發佈留言