與第三者碰面

今日為咗响醫院等爸爸做完手術出嚟，結果飲咗成 3 杯咖啡，攪到

家鎮眼光光，瞓唔著添！不過，或許媽媽也因為羅羅攣攣瞓唔著都未定！

不竟一直都放唔低嘅感情，突然間要咁殘酷咁去面對！硬生生咁响現場，

接受 D 咁震撼嘅事實真相！心血少 D 都支持唔住！不過尼個係佢要嘅選擇

，無論好醜佢都要受。所以話，有時候人哋幫你去避過一劫，你又何須要去

硬食呢？若是，受唔住刺激，最終傷了的只有自己！

      「好奇害死貓」，但係卻有好多人偏偏要去知、要去見“第三者”嘅

樣貌，要去看看為甚麼會輸給對方；看到了，那又怎樣？！尚若見到對方

不論樣貌、身材及條件都差過你、醜過你，那又如何呢？！你真的會高興

嗎？千祈唔好太過高估自己嘅能力，萬一你接受唔到他們的親密，你只會

傷得更深！有幾多人能夠在受完尼 D 震撼教育之後，會忽然間醒覺到自己

愛錯了，要從新振作ㄚ！既然如此，又何必執著於“事事但求真相”呢？

        放過別人，也等於放過自己！學懂放下，就會學懂珍惜！媽媽真心

希望您有天也能學懂放下，咁樣您過嘅日子就唔會再覺得咁辛苦！

        但凡事都有兩面，今日阿媽親眼見到爸爸做完手術醒返，第一個要見

的是他的情人；而當爸爸情深款款的捉住個女人隻手果一刻，在媽媽嘅眼中

閃過一絲悲傷，相信尼個原子彈嘅威力，慢慢就會浮現在我們兩姊妹的生活

當中，唉……睇怕我哋都有排受……！

        不過，今日卻比我見識到爸爸與情人之間的愛情，雖然我仍然係唔能

夠認同佢哋！But, so what！一個儍咗嘅人，連家人都唔認得，但唯獨是

無忘記尼個男人，為咗佢努力去醫病；為咗佢一天到晚在苦等，明知手術進

行中，都苦苦守候在呆等；食唔安、坐唔落，明知我討厭她，也努力和我相

處，真切地去關心個男人的一切。看見那樣的她，你會不心軟嗎？

        而當爸爸清醒的第一刻要見的也是她，這樣的事實還不夠清晰嗎？

不管世俗眼光如何，他為了她拋棄了家庭及一切的；這就是命運，不論你們

接受與否，誰也改變不了！

            今天唯一令我安慰的事，是媽媽如我所料，不理爸爸拒絕，堅持要帶

同婆婆嚟探病；以及見到個女人之後，沒有大吵大鬧，表現得很大方！（At

these moment！）這點很值得讚的，不竟這啖怨氣她屈了 10 幾年了！

        另外，擔心了一爸爸整天，見到佢做完手術之後，雖然個傷口流咗好

多血；呼吸又唔多暢順，但總算精神及清醒了，這樣便好！希望你早日康復！

Tutti Frutti 自坐 yogurt 店

            果日去紅磡 都會海逸廣場 interview 完，（interview？係呀！家鎮

報讀僱員再陪訓，都要 interview 嫁！報唔報到？！Of course 啦！我梗係

qualify 啦！咳咳……ok 謙虛少少…）

        既然報讀到個 course，我就去咗尼間 Tutti Frutti 自坐 frozen

yogurt 道，自我慶祝一下！

        雖然近 tea time, 但人流並唔多，我簡咗 orginal 口味同朱古力，再

配上我至愛的芒果同荔枝爆珠、生果就係士多啤梨、及芒果，同少少朱古力

片與脆脆等，埋單 $ 36。尼道嘅 yogurt 口味約有 8 款：荔枝、香芋及芒果

…等，而配料方面，都算有幾多選擇；生果、爆珠、脆脆、橡皮糖及朱古力…

…等，約有 20 款。

       至於味道方面，屬 ok 啦。朱古力味 yogurt 唔夠濃，orginal 口味又

唔夠酸，yogurt 又唔夠凍，可能係自坐機嘅關係吧！不過亦都係自坐

yogurt 店嘅感覺比較 feel D，自己鍾意簡幾多都得，又有得坐，若然我係道

返工返學，都會响道“hea”嘅。哈…查實發明張各種配料加响 yogurt 上面

食嘅人真係聰明，除咗調和番個味道又健康 D 之外，仲無咁悶添！但講到味

道方面，我個人還是偏愛加連威老道果間嘅朱古力味yogurt, 而 orginal 口

味嘅 yogurt, 老實講我覺得我介紹過旺角 家樂商場對面果間就最正宗！
 

 

 

傷口黏合劑後記

今日見到朋友，原來佢個傷口真係好細至喎！不過果日佢就流咗

超多血，佢話受傷嘅時候仲流到血流披面添！真係超恐佈ㄚ！唉……

黑仔強，妳快 D 好返啦！

        朋友話超邪，皆因佢個同事無幾耐之前，先講過李丞責本 2011

生肖運程過佢聽；話佢今年無吉星、有血光之災及犯官非，點知家鎮就

應咗！都唔知係應該多謝佢同事好ㄚ，定係講乜野好！（上次我同朋友

們燒烤，先啱啱講起話李丞責連日本地震都測到，睇怕佢出年本運程書

實大賣，點知話口未完，今次又印正佢準成咁……我另外一個同一生肖

嘅朋友，都不惶多樣，一樣黑到爆！咁準，都唔知出年感唔感買嚟睇！）  

       講番朋友用果隻傷口黏合劑 嘅感覺，佢話黐嘅時候其實都有 D 痛，

因為吱果支膠水嘅時候貼得太近個傷口，但係痛還痛；點都唔夠手臂打果

支破傷風針咁痛，因為打完足足痛咗一日！不過朋友家鎮都好，起碼唔駛

拆線痛多次喎！依……小姐家鎮 D 線多數都唔駛拆固喎？！

撞穿頭黐膠水？醫療新科技–傷口黏合劑

朋友今云真係黑仔！今年做完大手術無幾多個月，傷口都未完全康復；

上次又為咗請半日假，就比人撬咗張大單！唉…世途險惡！人家都係搵啖苦飯

喫吓啫，咁都要搶！D人真係勁 cheap 囉！為咗分 commission 乜都做得出

，都係以前 D 人講道義 D！我以前不論係做客定係做 sale 都唔會咁做！尼…

今次仲弊，响放長假前撞穿咗個頭！唉…真係可憐！希望佢快 D 好返同唔再黑

仔啦！God Bless you！（Anyway, 記得要 claim 番工傷呀，老友！）  
      
        ㄚ！今次慰問佢，先知原來最近 D 醫學咁先進喎！出咗隻醫療膠水，我

都以為聽錯添！朋友話被送到急症室之後，原本諗住撞到個頭流晒蚊飯又要捱

幾針，點知急症室嘅醫生問佢「黐膠水好唔好？」吓？朋友以為自己聽錯，再

問醫生「吓！黐膠水？」醫生答話「係ㄚ！依家有新科技，傷口唔係咁大可以

唔須要縫針，改為用傷口黏合劑就得啦！可以快 D 好返又唔駛痛！」「點ㄚ？

妳用唔用ㄚ？定係妳要捱痛ㄚ？」咁有得簡，朋友無理由會攞苦嚟辛o架？所以

朋友咪選擇用傷口黏合劑，而且仲好快就出院添！果然係快、靚、正呀！（雖

然佢要忍受幾天無得洗頭。）

        哦！原來依家科技係進步到人都可以「黐膠水」！為咗要滿足一下本人

嘅求知慾，我就上網 check 吓。ㄚ！果然係醫學昌明呀！遲 D 可能連部份內

臟手術都可以用到添！

       有興趣認識醫療新科技嘅朋友，以下係我响網上面搵到關於尼隻「傷口

黏合劑」嘅資料，係咪同醫院用嘅質料 exactly 一樣，就不得而知，不過都

當係學多樣野囉！唔知滿唔滿足到你呢？



        東方網4月21日消息：俄羅斯的科研人員最近開發出一種能殺菌消毒的

        新型傷口黏合劑。研究人員稱，與傳統的黏合劑相比，它提高了處理

        傷口的性能，並能防止發炎，可以更有效地促使手術傷口愈合。

        據俄《２１世紀化學與生活》雜志報道，目前世界各國的部分醫院已使

        用傷口黏合劑來代替手術用縫合線。以丙烯酸酯為主要原料的黏合劑能

        使傷口邊緣牢固地粘在一起並逐漸愈合，從而免除了縫針、拆線等操作

       。但是多數醫院仍偏愛縫合傷口，其原因在於，與傳統方法相比，用黏

        合劑處理過的傷口更容易發炎；而且黏合劑凝固後所形成的薄膜質地硬

        、脆，不利於傷口愈合。

                   為了解決這些問題，彼爾姆市工藝化學研究所的專家向傷口黏合

        劑中添加了軟化劑和特制的藥物。實驗結果顯示，新型黏合劑的凝固

        時間較長，達３０秒至１２０秒。醫生可以使塗有黏合劑的傷口邊緣

        更緊密地接合在一起。黏合劑凝固後形成的薄膜牢固、柔韌，可使傷口

        不怕沾水。黏合劑中添加的藥物能夠持久殺菌、消毒，顯著降低傷口發

        炎的可能性。

                 據專家介紹，新型黏合劑不但可以粘住體表的傷口，而且能將心臟

         等部位的復雜傷口接合在一起。目前這一黏合劑的工藝已獲得了專利。

         莫斯科、聖彼得堡、新西伯利亞市的數家診所正在對這種新產品進行試用。


資料來源自：

http://news.eastday.com/epublish/big5/paper148/20020421/class014800014/hwz651760.htm


--------------------------------------------------------------------------------------------

文／林靜芸

因此傷口黏合劑在 1949年開發出來時，大家對它寄予厚望，2000年嬌生公司

產品上市，它的成分是2 —辛基—氰基丙烯酸，具有 3分之 1 的外科縫線張力

，適合 5-0以上尼龍縫線的傷口。

◎傷口黏合劑的好處是：

● 不必縫針，不必拆線。

● 不需局部或全身麻醉。

● 有殺菌作用，傷口密閉，可以防水，防感染，術後可以洗頭、洗臉。

● 可能降低醫療費用，每支藥物的費用約是美金58元。

● 降低治療時間，平均只需 5分鐘。

◎問題是，傷口黏合劑上市之後，大多用在拉肚皮，補皮等，需要大量縫針

的地方，急診很少使用，原因是：

● 黏合劑只適合淺層裂傷，急診的傷口若張力很大，位於關節或是深層，

   僅能傳統縫合。

● 有感染可能的傷口，例如人咬或動物咬，無法使用。

● 需時常碰水的區域，黏合劑會提早分解，所以手、腳、口腔黏膜無法使用。

● 台灣的健保不給付，傷口黏合劑需要自費。

簡單說，現今急診對於裂傷的處置，仍以外科縫合為主軸，家長平常照顧小孩

，仍應多加小心！


（作者為台北聯合整形外科診所醫師）

http://www.libertytimes.com.tw/2009/new/jun/28/today-health2.htm

自制–北海道牛奶布甸

             或許你會聞日本奶色變，even 佢係你一向最鍾愛、價錢又一 D都唔

平嘅日本 北海道 3.6 牛奶！Anyway, 我都係買緊貨尾啫！（老友 U 話「好

野噃咁都比你買到北海道牛奶，之前大盒裝要買到成幾十蚊一盒嫁！」甚至

連我妹妹都話貴！）不過，今次我係買細包 200ml 裝，$9 算唔算貴？咁同

local 野比咁梗係貴啦，一個 double 喎！不過算啦！都無乜得幾多得你飲咯

，咁有得飲同食咪食盡佢囉！就算第二時瓜咗，都叫做食過嘆過ㄚ！古語都

有云『人生得意須盡歡，莫使今樽空對月』ㄚ嘛！Right？

        自從上次食過北角果間甜品店嘅北海道牛奶布甸，而我又竟然神奇地

無肚痛之後，我就愛上了果種濃濃的“奶騷味”以及滑滑的口感。（係呀！

我大半世人，除咗細路哥同有咗阿仔果鎮可以飲得到奶之外，基本上係幾乎

縫飲必疴嘅！Even 係煲奶、花奶、中式嘅奶茶同咖啡，除咗即溶咖啡、

台式奶茶同雪糕之外。所以我晨早就放棄咗“奶”，由其係响街添！）

        為咗要再一嚐嘅味道，我就按照個 friend JL 教嘅份量試整，結果雖

然係放小咗魚膠粉同放多咗糖，不過我自己、仔仔同妹妹都話味道唔錯嫁！

        不過如果你都係怕咗北海道牛奶嘅話，都可以用牛奶試試嘅！


北海道牛奶布甸制法及份量（這個份量約有 4~5 杯）：–


i)    牛奶     400ml
ii)   淡忌廉   100ml
iii)  魚膠粉   7g   （朋友話用魚膠片的話，會怕個布甸制成品會偏黃，不過
                          跟據我嘅試驗，魚膠粉做出嚟嘅效果係無魚膠片咁結實）
iv)  糖        45g


做法：–


1) 用一半份量嘅牛奶將魚膠粉及糖煮溶。（要注意由於牛奶好易滾及易燶，

    所以切忌用大火，只須用小火以及煮時要輕輕攪拌。）

2) 牛奶煮熱後，再加入另一半份量嘅牛奶及淡忌廉（這樣可以加快攤凍嘅速

    度）。

3) 入杯時記緊要過一過篩，待攤凍後便可放入雪櫃。

 

 

 

 

機密邂逅 ( The Tourist ) - 電影

            星期六煲碟日，睇完 Harry Potter 再煲機密邂逅（The Tourist）

……唔！我果然係無簡錯片，個劇情都幾緊凑！雖然租碟果鎮，睇到個 intro

就覺得怪怪地，因為好少片會介紹得咁簡短，不過套戲有 Johnny depp

（尊尼特普）同 Angelina jolie（安祖蓮娜祖莉） 兩粒巨星都應該會好睇∕

抵睇掛？！Yes, 套片果然係好睇！Johnny depp 終於完完全全擺脫了魔盜王

嘅影子重生啦！佢嘅演技，果然係–讚！

        我最喜歡結尾時阿局長對住個深深不忿嘅探員講果句『你拉皮亞斯咩

呢？拉佢偷黑幫錢？但係個黑幫死咗喎？！定係拉佢簡女人咁有出色嘅眼光？』

真係精境又鬼馬。另外，我都幾鍾意導演杜能斯馬克 (Florian Henckel von

Donnersmack) 嘅拍攝手法，簡單直接引導你進入劇情。（唔駛拍到跳來跳

去懶懸疑！）不愧為金像導演！他層經憑著「竊聽者 The Lives of Others」

橫掃奧斯卡及世界各大影展。

         故事講述 Elise（安祖蓮娜祖莉飾）為了避開追蹤，上了一班去威尼斯

的火車，在車上她邂逅了一位美國遊客 Frank（尊尼特普飾），Frank被這位

神秘又美麗的 Elise深深吸引……當 Frank 陶醉在 Elise的一吻中醒來，卻發

現自己身陷險境、被人追殺，Frank 才驚覺自己捲入了一場精心佈局的危險遊

戲！一次浪漫旅程演變為危機重重的致命佈局，究竟Elise為甚麼要接近自己

呢？結局會是……

        你會為了一次邂逅而深深愛上對方，甚至身陷險境也在所不惜嗎？單憑

一種感覺、眼神，你會同樣愛上一個人嗎？

以上影片資料及劇照均來自 Yahoo 及 VMOOV 電影網站

http://hk.movies.yahoo.com/movie.html?id=mcl_thetourist

 

http://wmoov.com/movie/details/2722

 

機密邂逅 The Tourist  HD 片頭介紹

http://www.youtube.com/watch?v=QhCUM2fp9FQ

今日學整嘅– 薄荷朱古力 mousse 蛋糕

             老公生日，我親手學整咗個薄荷朱古力 mousse 蛋糕比佢，佢未食都

已經好冧啦！Happy Birthday 呀老公！

        雖然個 cake 嘅 look 好好，味道都 ok，但係 5 個人食都覺得好漏；我

同仔仔都 feel 到薄荷酒味重咗 D，不過其實我只係放咗 30g 薄荷酒嫁咋！我

自己都係鍾意上次個黑森林嘅味道多 D。


7" 薄荷朱古力 mousse 蛋糕食譜：–


Step 1

朱古力脆脆底用料：–  i)  薄朱古力脆片   75g
                            ii)  黑朱古力        35g（混合脆片用之份量）
                                              15~20g（掃在脆脆面之用）
                           iii)  無鹽牛油        35g（我自己認為個脆脆底嘅牛油
                                                           味麻麻地，或許落少 D牛油
                                                           可能會好 D！）


做法：-

1) 先溶牛油、然後將溶了的黑朱古力混合，再放入朱古力薄脆片攪均。

2) 將混合了的朱古力脆片放入餅盤底，輕輕壓平均，再在脆脆面掃上薄薄一層

    朱古力（以免薄荷 mousse 滲入脆脆底，令到脆片變淋）；要預留約 1cm

    邊（如圖），放入雪櫃備用。

Step 2

Part I

薄荷 mousse ：   i)  薄荷葉         15g
                       ii)  鮮奶           120g
                      iii)  魚膠片         12g
                      iv)  淡忌廉       300g
                       v)  薄荷酒        40g (用“GET 27”法國葫蘆樽薄荷酒嘅
                                                    味道會較香，至於酒嘅份量可因應個
                                                   人酒量減半。）
                     vi)  白朱古力     45g（今次用 Lindlt 嘅白朱古力）

Part II

朱古力 Truffle :   i)  朱古力    40g
                       ii)  淡忌廉    80g

做法：-

1) 先用凍水浸軟魚膠片（放入雪櫃），待魚膠片軟後倒去水份，用熱水將魚膠

    片坐溶（記住要撕開一片片魚膠片，不要一叠溶）。

2) 將薄荷葉及鮮奶一并放入攪拌機打汁，再將汁煮片刻，隔渣，備用。

3) 淡忌廉打至企身（不能打得太硬，打到似軟雪糕嘅質感便要停），備用

  （不須雪）。 

4) a) 坐溶 part II 制作 Truffle 用的朱古力。      b) 淡忌廉打至 6 成（或可將淡忌廉份量加入 part I 的份量中一并打），

        先將 1/3 淡忌廉放入朱古力漿內快速攪均（以免朱古力漿凝固），再加

        入餘下之淡忌廉攪均，然後放唧袋剪角備用。（唧袋可用膠袋代替）

 5) 將白朱古力坐溶，加入薄荷奶中，再將薄荷酒混入攪均，然後再加入已溶解

    的魚膠片；及分兩次加入已打好的淡忌廉，快速攪均（因魚膠片會凝固），

    再將薄荷朱古力漿倒一半到入已雪好了的餅盤內。

6) 將 part II 的朱古力 Truffle唧袋，唧在餅盤內（如圖），預留約 1cm邊。

  （可加入少少朱古力脆脆豆，增加口感。）

7) 之後再將餘下的薄荷朱古力漿倒入餅盤，跟住垂直‘蹬一蹬’佢，等 cream

    裏面嘅氣泡浮出，然後整穿氣泡朝掃平表面，放入雪櫃。（最好雪 5 個

    小時）。


☆★不過跟據我哋嘅食後感，覺得朱古力 Truffle 嘅份量都係少咗 D，如果將

     朱古力 Truffle 換成薄薄的一片海綿蛋糕；或是制作 Tiramisu 用的餅乾，

     咁食落就會無咁漏；又或且愛酒人仕可以試試將海綿蛋糕∕餅乾浸少少

     薄荷酒（要小心索得太多酒會濕晒），方法跟整 Tiramisu 內層一樣，

     咁樣整唔知個風味又啱唔啱你呢？（海綿蛋糕制作方法在我上篇黑森林蛋

     糕內有教。）

     另外，“GET 27”嘅酒精含量都有成 21%，唔係太識飲酒嘅人仕要留意。

 
小貼士：–

☆★需要裝飾雪糕表面的，請準備：水果、免調溫朱古力、糖霜及少量打好的

      淡忌廉∕溶好的魚膠水（以用作黏水果等裝飾）。

◇◆由於免調溫朱古力較快凝固，所以請先量好雪糕之高度（一般模加突出之

     高度約 7cm 高），畫好在焗爐紙上；然後用朱古力漿畫出心目中的形狀，

     放入雪櫃雪一鎮，便可。

▽▲如果須要寫字，便要將朱古力坐溶放入唧袋剪角。請練好寫字，才直接寫

        在蛋糕面。（由於蛋糕經過雪藏，所以表面溫度較凍，因此寫字時要快及

        不要太貼蛋糕面，否則朱古力漿便會因凝固而塞住個嘴，或許再剪大少少

      個嘴試試。）

□■黐朱古力塊在蛋糕邊時要注意，要先將朱古力塊的底部輕輕貼在蛋糕底部，

     然後輕輕壓一下，這樣會無咁易刮花蛋糕。

↑愛心蛋糕作品完成 ↑

 

熱次期待下個作品，希望可以响 Easter 啦！

今日學整嘅–黑森林蛋糕

               今日超開心，因為我學整嘅第一個黑森林蛋糕作品完成了，除咗得到

好多人讚賞之外，老友阿 E 仲話個好好味添！哈哈……我都覺得味道唔錯，

又唔會太甜！今次信心返晒嚟，希望星期二整比老公嘅薄菏朱古力 mousse

蛋糕都會好味啦！ㄚ！嚟緊我仲想學整馬卡龍（Macaron）、忌廉泡芙、朱古

力心太軟同芒果酥皮拿破崙……唔流口水 ing 中！我今日見到人哋整嘅

馬卡龍真係好似好美味咁！顏色又靚喎！

        當我一路整蛋糕嘅時候，竟然覺得好幸福……原來能夠被美食包圍及

制作美食都可以好開心嫁！

         想問黑森林蛋糕點整？Okok！唔駛心急，做法 & 食譜如下：–


Step 1 先要做朱古力海綿蛋糕：–

6" 朱古力海綿蛋糕材料     i)  雞蛋           3 隻
                                ii)  砂糖        80 g（最少唔好低過 70g）
                               iii)  低筋麵粉   55 g
                              iv)   谷咕粉     15 g（我今日用咗 17g）
                               v)   菜油        30 g（可以改用牛油，但我建議
                                                            都係用番菜油好 D！）
                                   (牌子係美國嘅 “Wesson”菜油)
                             vi)  花奶         2 茶匙

制法：–

1) 將雞蛋與砂糖放入盆內攪拌混合，（砂糖要分三次加入攪拌）即係要將蛋

    漿打至企身白色 cream 狀為止，泡沫要幼細便停止。（以 cream 可以

    在泡沫面寫字為準則）。

2) 將已篩過的低筋麵粉及谷咕粉分多次加入白色cream 狀之蛋漿，（最少要

    篩過 3 次），要注意攪的時候切勿太大力，要輕輕兜底攪均，否則會令到

    D cream瀉晒身！（記緊一定要將粉粒攪均，如果唔係個蛋糕焗起會有一

      粒粒。）

3) 當攪均所有粉粒後，再加入菜油、花奶輕輕攪均。

4) 將谷咕粉蛋漿倒入舖滿牛油紙的蛋糕模中，以 180℃ 焗約 30 分鐘。（記

    緊焗爐必定要預熱！）

  （請將模內之谷咕粉蛋漿，垂直‘蹬一蹬’佢，等 cream 裏面嘅氣泡浮出，

     然後整穿氣泡朝掃平表面。）

5) 海綿蛋糕必須要灘凍，才可切成三等份（面頭及底面唔要）。

6) 切的時候最好用刀切入少少沿住形狀慢慢切一圈，然後才慢慢切過去，

    這樣蛋糕才無咁易切爛。

Step 2  黑森林蛋糕材料（6"）：

   i)  植脂忌廉 300 g
  ii)  黑車厘子     1 罐 （6"約用 16 切開一半就夠。罐頭建議用“SW”
                                   好味得嚟又無藥味。）
 iii)  黑加侖子蒟篛   2 粒 （or 改用啫喱，不過啫喱要整略為硬。）
 iv)  生果、朱古力碎片或朱古力醬 （適量）


制法：–

1）將植脂忌廉打至企身變 cream狀為止，放入雪櫃雪凍備用。（攪拌方法與

    做蛋糕的蛋漿相同。）

2) 將蛋糕饀料（生果∕啫喱∕蒟篛）切粒備用。（黑車厘子切開一半。）

3）先將蛋糕放在轉盤上，然後將已雪凍的植脂忌廉平均塗上，再輕輕括平；

    然後將切好的黑車厘子及蒟篛隨意放在忌廉上；再塗上忌廉抆平，跟住再

    將第二層蛋糕蓋上，輕輕按一按；之後從覆之前步驟。

4) 舖上第三層蛋糕之後，將忌廉輕輕塗上再慢慢括平修飾。

5) 修飾好蛋糕後，可因應個人喜好加上各種生果、朱古力碎片、朱古力醬或

    糖霜……等。

如要整我張相嘅朱古力片裝飾圍邊，就必須要用“免調溫朱古力”溶醬後，量好

蛋糕嘅高度後畫好在牛油紙上，再按自己喜好隨意畫上，之後放入雪櫃，

雪凍後備用。（用“免調溫朱古力”溶醬，朱古力可快速凝固！）

↓與好友分享美味的成果！Good………↓