星期三難得過去北角咁梗係捉住朋友 U 同佢仔仔 L 陪我食晚飯啦！
結果 U仲搵埋舊同事 C 一齊去港運城個 food court 道食飯，環顧四周都好
似無乜野好食，擔擔麵我又連食咗兩個禮拜，平日又食湯粉，so, 最後諗住
响 Delifrance 嘆番個法麭；但係計計吓佢無 set 又好似好唔抵咁，end up
我點咗豬柳磨菇炒扁意粉，諗住辣辣地可以開胃 D！（不竟佢九龍塘果間嘅
炒粉水準唔錯，尼道應該都 ok 掛！）
朋友 U 同仔仔 L 就點番慣常食開嘅越式店舖，佢話尼間野嘅食物水準
幾好又抵食，佢點咗個豬肉濕炒河＋個 drink 都係 $33 蚊，仲要又大碟又
抵食；而且個茨汁嘅味道唔錯，總之就好好味啦！（早知就食炒河啦！）相較
之下我果碟豬柳磨菇炒扁意粉就大縮水啦！（你睇下！似唔似比人食咗一 D？
）味道都算 ok 嘅，但係同九龍塘果間嘅水準就相差甚遠囉！
難怪尼個場响晚飯時間都仲可以搵到位啦！
雖然掛住傾偈忘了影個舖名，但係尼個 food court只係得尼間有越南
野食嫁咋！下次有機會試試ㄚ！
↓ Delifrance 大縮水嘅豬柳磨菇炒扁意粉↓
沒有留言:
發佈留言