LGB - 嘆下午茶

原先我同阿 J 想試佢哋嘅 cake 但比起係 Chez Shibata 嘅cake, LGB

都係 D 咖啡香吸引 D, 或且下次有機會我哋會試試佢哋嘅榛子蛋糕。

由於我同阿 J 剛剛食完蛋糕，於是佢哋嘅 tea set for two 吸引唔到

我哋！（英式蛋糕、手指三文治架下午茶 約$268/ 2 個人包飲品,

$168 / 1 個人）.

我哋點咗個 Full English Breakfast  英式早餐 $85 包飲品（茶/咖啡）,

另外，再加杯 cappuiccno 約 $45.

個英式早餐有：少少沙律跟(可選菜或且生果)，磨菇、一杯茄汁豆、

兩隻蛋、兩隻豬肉腸、兩塊煙肉及兩塊麵飽。味道唔錯，但偏鹹。

而尼道 D 咖啡的確好香，响出面啇場都聞到，雖然我叫嘅係泡沫

咖啡，但係都好香幾好飲。
Full English breakfast $85

LGB

shop 2009, 2/f., (Zone Fire 火區)

Elements 圓方
 
Tel.no.: 21968488

Chez Shibata - Elements 圓方， Cake~我o岩！

Chocolate Banana

Macaron emotion


今次好友 J 請我食 cake, 佢仲叫我諗諗有邊間想去，想來想去除

o左文華東方酒店間 cake shop之外，我最想試就係係 Elements （
圓方）尼間Chez Shibata 同 LGB,  所以今次我哋決意去會一會佢

，cake I'm coming！

尼間Chez Shibata 响火區（Zone Fire），我同 J掛住傾偈，响對

面四周張望見到個 Logo 又唔似, D 英文又細結果行過o左先知！

間 shop 嘅蛋糕太吸引啦！我哋先簡o左, chocolate banana
朱古力香蕉蛋糕同 Macaron emotion 士多啤macaron, 諗住試試

O 唔 ok  先至再 order.

結果連超怕甜嘅 J都覺得佢哋尼件大型嘅士多啤macaron，無論面頭

 

嘅 cream至到裏面嘅吉士都唔會太甜，D cream 又滑，加埋 D 微酸

 

嘅士多啤連 macaron嘅皮一整食好好味。而朱古力香蕉蛋糕嘅朱古力

 

味好香，但香蕉味唔會太濃，淡淡的，個味好夾，總括嚟講又香、又滑

 

、又唔會太甜，正！

反而佢哋送果兩粒小型紅、黃色嘅 macaron, 就麻麻地，仲甜到漏！

之前本來想再去 LGB 試 cake 嘅，但阿 J 去眅過，覺得果道 D cake

 

 一般，不過坐就好坐 D，所以我哋解決响道再試多件蛋糕同麵飽；

 

於是，我點o左件又怕但係個買相又好吸引 嘅鹽味蕉糖泡芙，至於

 

另一件心型嘅紅桑梅蛋糕都係算了，因為總係覺得佢外表個種‘鞋鞋’

 

的質感，食落口會怪怪的！（阿 J  都話係。）

丫！又估唔到尼件連裏面都有蕉糖嘅鹽味蕉糖泡芙，竟然會唔甜喎！

 

（因為蕉糖通常都甜到漏嫁嗎！）而且 D 泡芙本身唔太脆仲略偏鹹

 

味添，但夾埋 D蕉糖就好正囉！（連阿 J 都話 ok！）如果夠膽嘅

加埋果粒面頭有鹽嘅牛油一齊入口，果種又鹹又甜又滑嘅口感，

 

真係特別得嚟又正！

反而個甜味裏面又有吉士嘅紅桑梅牛角飽就真係麻麻，話牛角飽

 

~都係鹹嘅好！

尼餐我哋食o左三件 cake 一個飽，無飮野加埋一約$150蚊。

 

（多謝 J！ ^∪^）

尼道有 4 張 2 人枱， cake 嘅價錢飽$30 幾蚊，飽約$20 蚊

 

。堂食加一。
鹽味蕉糖泡芙

Chez Shibata

Shop 2003, 2/f., Zone Fire (火區)（對面係戲院）

Elements  圓方

Tel.no.: 21968921

 

 

去旅行事件簿

果晩同朋友 T & Y 食飯，傾傾吓講番起朋友 Y 之前同囡囡去韓國旅行，

點知因囡囡病、又响醫院同 D 醫生發生言語不通等等問題，所以無奈

要提早回港；於是精明的 T 立刻諗起朋友的旅遊保險唔知有無包埋

尼點：家人至親如果因病而要提早回程返港，又或因家人發生突發

事故而無法如期去旅行或乘搭飛機，都會獲得賠償。

 T 講其實這點真的很重要，但係未必毎份旅遊保險都有包，所以

就要自己 check清楚！另外，最重要留意之事項還有行程中如須

接受當地醫療診治，必須要用國際語言 – 英文寫信件至可以

clamis 到保險（因為一般旅遊保險大部份都會包含這點，但係

購買之前就要問清楚！）（另外記緊要醫院另外準備一封信給

航空公司，以便更改航班用。）

今次朋友 Y 之囡囡因為發高燒入院，而响韓國嘅醫院竟然無一個

醫生聽得明一 D 簡單嘅英文句子，例如：冰（ Ice）咁！攪到朋友

無論出動身體語言，甚至連公仔都畫埋，都難以同對方醫生溝通；

囡囡又發緊高燒，但係個醫生又好似賴賴閒咁望住朋友（好似覺得

你駛唔駛咁緊張咁），只開藥給朋友就打發她們出院，朋友想攞

塞肛藥，佢哋又話無；只叫朋友幫囡囡用冰水抹身，想搵一點温

水送藥，結果成間醫院只得凍水（因朋友囡囡有發冷狀況）！

正當她徬惶無助，眼眶都紅了在與醫生交涉之際，有個路過嘅韓國

大叔突然响佢面前放下一支“玄米茶”。當時朋友正講到火紅火綠之

際，於是就怒啤了對方一眼……後來朋友無奈只能用尼支“玄米茶”

給囡囡食藥，還向對方禮貌地講聲多謝！原來尼位韓國大叔只是位

等候兒子睇醫生的路人甲，而且支“玄米茶”仲係韓國大叔自己付費

買給朋友囡囡食藥用，所以朋友大讚真係人間有情。

事後朋友碰到個香港太太帶同仔仔、翻譯到醫院睇醫生，才知道

當地韓國人原來對處理發燒係唔用塞肛藥，而食藥真係用“玄米茶”！

回來後朋友好感嘆，韓國作為一個堂堂大國，係語言方面真的非常

落後，估唔連醫院 D 醫生同翻譯嘅英文都……唉……！（香港真的

太好了！）

仲有係以後去旅行真係要帶定“快譯通”，而朋友 T 就話點解仲未有

人發明一 D 好似“快譯通”咁嘅 Apps 呢？如果有，去旅行果鎮就

可以方便好多，仲可以避免發生尼 D 言語不通嘅問題啦！
P.s :  温馨提示：–
買旅行保險除了要留意保障有無包括以上的：取消行程、提早回程

、國外醫療（記緊要有醫院發出之英文信件，還有如果須要趕及

更改∕ 提早航班機位，便須要準備多一封信件給航空公司）……等

等之外，仲要留意自己會唔會參加危險活動，如： – 滑水、滑雪

、浮潛及高空活動……等，因為有些旅行保險係唔包嫁！

“原燒” – 再去鳳凰村食串燒

正

 

之前因為要同仔仔去慈雲山 鳳凰村孖指（盧修輝醫生）道睇皮膚，

所以先至發現原來隔鄰小巷開了一間日式串燒店“原燒”，據盧醫生

講，尼間食店原來有好多人等位嫁！果晚仲要係星期五添，不過

可能係 7 點幾太早掛，而訂位嘅人又未到，所以我哋有幸試到。

不過，由於小舗坐位有限，所以我哋要好有風味咁坐响街邊食，

（當時天氣仲未熱，所以 ok 呀！）仲有 D 小時候嘅 feel 添！

當係從溫番同阿媽响慈雲山食宵夜曪！

睇吓張 Menu，D 野都唔貴ㄚ！（記得之前同仔仔响將軍澳食

果間就好貴，有 D又燒得燶咗，味道仲一般添！）

我哋叫咗牛肉、羊肉、雞肉串、雞軟骨、雞中翼、芝心丸、

豬頸肉及焗黃金蠔（一碟兩隻）。ㄚ…原來飮品個 list 除咗

罐裝飲品、酒同 Sake 之外，仲有幾種咖啡添！於是我叫咗

杯榛果咖啡。

E…食物終於上枱啦！等食物嘅時間唔駛太耐，都算快！

（因為佢哋專門訂了大嘅串燒爐，可惜師傅話唔可以影相。）

食物燒得恰度好處喎，色澤又好好，味道…唔…好好味，

又唔會太鹹！杯榛果咖啡味道都幾好！當我哋食得好開心

之際，仕應妺妺突然放底咗碟鵝肝多士…E？！但係我哋無

叫喎…見仕應妺妺唔知點算之際，碟鵝肝多士又發出誘人

香味，於是佢問我哋試唔試吓，因為係招牌菜之一…連一向

唔鵝肝嘅仔仔都竟然話想試吓……ok…結果佢一試之下就

立即愛上了，仲問我佢可唔可食埋令外果塊，而我因為怕

食完鵝肝之後隻腳又腫痛，所以只係食咗少少，但無可否

認佢的確係我暫時食過嘅鵝肝多士同串燒之中最好、價錢

又合理嘅一間。

之後我哋再叫咗碗讚岐手打湯烏冬及幾串串燒，倆母子總

共食咗十幾串、兩碟、一碗及飲品，埋單約hk$370。

下次有機會要再試試。

原燒

黃大仙，鳳凰新村，崇華街 44號地下

Tel.: 23213866

6/26/2012 P.s. : 

 

 

今晩與好友 T & Y 再去“原燒”食晩飯，佢哋嘅串燒上得仍然係又快、

 

又好味！

今次我哋試咗個撈烏冬（麻醬味好香，味道好 ok）、燒芝士飯團、
燒菠蘿（正）、蜜燒啤梨（好正）、燒羊架（好好味）及燒墨魚咀

（ロ感幾得意）！

 仲有佢哋嘅鵝肝多士仍然係好好味！

 

OK

正

正

正

 

 

自制冷鳥冬

夏日炎炎，無乜胃口？不如自己整番個冷烏冬食吧！方法簡單又易整，

 

真係正！

之前因為受到朋友 U 嘅照顧，佢整咗尼個既簡單又好味嘅冷烏冬比我

 

食之後，一食便上瘾了，所以回家便試整一下；結果仔仔都愛上了，

 

仲大讚一餐添！

不過，所唔同嘅係我尼張相所用嘅係一隻又平又彈牙嘅“韓國冷藏日

 

式烏冬”，係响一間連所店“家寶”道買hk$19.9 /1 包有 5 個（不過最

 

近佢哋好似無入貨！）而朋友 U 整比我食嘅係用日本嘅“真打” 牌

 

（稻庭冷藏烏冬），分別在佢更彈牙、較為幼細及扁身，一包價錢

 

約為hk$43~$53 /1 包有 10 個（但係會較為細個 D ）。但佢哋

 

同樣可以放湯或凍食都咁好味，不過切忌“淥”得太耐，否則烏泡水

 

大耐會變到瀉晒身（太淋），咁就唔好食啦！

仲有記得，買咗 D 冷藏烏冬番嚟，就算放响冰箱都唔可以雪得太耐

 

，總之，開咗之後一定要封好！


Ok，而家講一講煮冷烏冬嘅方法及材料：
1）冷藏烏冬

2) 日本冷麵湯 ∕ 汁  1 支

3) 日本麻油 1 支（相中嘅麻油响“樓上”燕窩舖買，約hk$40 幾蚊

  ，好香好正！）

4)日本 “大吉”牌 蟹柳  （約hk$39 蚊包）

以上材料可以在日式雜貨店∕ 超市搵到。

煮冷烏冬方法：
1) 先放張水放鹽煮滾，

2) 水滾後，再在冰箱取出烏冬及蟹柳，放入滾水中快速淥
    一淥，最好用筷子一邊攪動烏冬至散開；

3) 張煮好之烏冬及蟹柳倒入筲箕中，攤凍約 15 分鐘，
    之後再放入冰箱雪凍約 15~20 分鐘；

4) 在冰箱取出雪凍了的烏冬及蟹柳，放適量冷麵湯汁及加
    少許麻油，攪均就可以食啦！若想增強味覺，可以加少
    少 日本芥辣 wasabi。（不過，我覺得太搶味啦！）

＊＊咁咪要等？！係呀！想食好野咪要囉！其實，若然你

   太心急嘅話，都可以等 D 烏冬在筲箕攤凍後直接加

   麻油同冷麵湯嚟食嘅~不過，我都係覺得雪凍咗之後

   會更加更加好味囉！

＊＊另外，假若想煮其他料，就一定要先放 D 要煮得耐

    嘅餸（如：餃子）；待餸料差不多熟透後才放烏冬

  ，否則烏冬淥泡太耐，就唔好食！

↑尼支“蕎麥 ”冷麵湯一般在日式超市有售。另外尼支日本麻油，我係

 

  响“樓上”燕窩舖買，$40 幾蚊，好香、好正嫁！）↑       

↓尼包就係日本嘅“真打” 牌（稻庭冷藏烏冬），價錢約為hk$43~

 

$53 /1 包有 10 個。↓

 

↓尼包就係“韓國冷藏日式烏冬”，價錢約為hk$19.9 / 1 包有 5 個。

 

↓好好味“大吉”牌蟹柳，約 hk$39蚊包↓

 

 

我的英國之旅 - Day 4

Day 4：（ 蘇格蘭 Scotland）Glasgow 格拉斯哥（Greenock）Hotel→

Loch Lomond（羅夢湖）→High Land（高地）→Loch Ness（尼斯湖）→

福托威廉→Edinburgh愛丁堡（Dunfermline 區) Pitbauchlie House Hotel.

 晨早第一站就係去 Loch Lomond（羅夢湖）– 一個導遊話好靚嘅湖！
但係…唔知係關天色嘅事，定係因為仔仔唔舒服嘅關係，我哋見到嘅
羅夢湖同 poster 嘅相差甚遠！唯一令到我同仔仔覺得有趣嘅係，當日

昏暗嘅天空有幾度光從厚厚嘅雲層從天空射落湖面，仔仔話個感覺就

好似有天使降臨嘅 feel, 的確又幾似！可惜我哋嘅相機同攝影技巧都

表達得唔係咁好！（丫！最其怪係間買手信嘅地方竟然有“尼斯湖水怪”

嘅手信買喎！唔通好近？）
↓Glasgow 格拉斯哥（Greenock）嘅早上↓

↓ Loch  Lomond 羅夢湖↓

坐完一輪車終於去到另一靚靚景點 High Land （高地），可能係因為

 

今朝早酒店個孤寒早餐食唔飽；又再加上坐咗咁耐車嘅關係，仔仔又

 

有 D 發燒，於是去到都唔想落車。

可能位於高地吧！天氣有 D 凍，天色時暗時晴，由於要响道停留半

 

個鐘，咁啱又有部旅遊巴買熱狗同熱飲，於是我就好開心咁諗住買番

 

兩隻熱狗同仔仔兩份嘆！（其實預咗响道獨市都唔方平，熱狗要成

 

￡2 個幾一隻，即溶朱古力都要成￡3 個幾兩杯！的確係貴。）

最鬼激氣係我明明話要「Two Hot Dog, please!」但佢竟然話我要

 

「Two Hot Choc.(chocolate)」喎！仲話我講錯！

Hey~please~Dog 同 choc 嘅發音我無可能會錯囉~差咁遠！

好彩阿外國人私機都話我無講錯啫！By the way, 佢哋嘅熱狗又幾好

 

味嘅！

離開高地落山，沿路嘅風景都錯，仲見到有幾間類似民宿嘅地方，導遊

 

話尼個地點都幾多人去 camp。

↓ High Land 高地↓

↓離開 High Land 高地，準備去向 Loch Ness尼斯湖出發！↓

終於都嚟到我由細到大都感覺到好神秘嘅 Loch Ness 尼斯湖 啦！

但係當我親眼見到尼斯湖之後，所有神秘嘅感覺都無晒，只係覺

得尼道好寧靜舒服、風景優美，其餘甚麼感覺都無！好失望！

因為我對尼斯湖嘅好奇，於是決定遊湖，價錢為成人￡12.50/ 位，

小童￡8/位（船程約 30 min)。仲有快艇可供選擇，不過想舒舒服

服，梗係坐大船啦！
↓Loch Ness 尼斯湖 我們來了！↓

上到船除咗影相之外，仲有導遊（英語）全程為你講解佢哋用嚟 24小時

 

監察“尼斯湖水怪”嘅「河床探測機」同埋「熱能探測機」，大致係講番

 

咁多年來有關水怪嘅報告，真係交足功課嫁！旁邊仲有個小買部添！

 

喜歡嘅咪買番隻“水怪”公仔帶返去囉！（不過有 D 唔係好明？！點解

 

佢哋隻“水怪”嘅型像要係用淺綠色？仲要做到好似恐龍咁嘅？？）

唉…唔上船都對“尼斯湖水怪”仲有 fantasy, 結果…所有感覺幻滅了……

有圑友話反而之前去 Windermere 溫德米爾 遊湖仲抵喎！

尼斯湖 Loch Ness cruise 網頁資料

http://www.cruiselochness.com/

依……尼隻咪傳聞中嘅…“尼斯湖水怪”囉！嘩…影倒啦影倒啦…

真係做戲做全套，連貼紙都供應埋，百幾蚊就當睇場 show！

↓離開了尼斯湖， 在這個叫 “福托威廉”的地方作短暫停留，再向接近

 

“愛丁堡”的酒店出發！↓

↑ 收費厠所，約 20 便士。 ↑

其實由尋日開始我已經正正式式踏入蘇格蘭 Scotland境地，所唔

同嘅係開始見到好多特產買，如威士忌（Whisky）、格仔裙、風笛

…等。還要留意紙幣方面，雖然大家都係用英磅；但係係蘇格蘭找換

到嘅幣值，好多時都唔能响如英格蘭 倫敦等地方用到嫁！（尼點請

注意ㄚ！）

↓ Hotel 好正、好舒服！  ↓

 

↑ 我哋有幸撞到有蘇格蘭人攪婚禮，佢哋嘅男仕真係著住蘇格蘭裙嫁！↑

 

Pitbauchlie House Hotel

 

47 Aberdour Road,
Dunfermline,
KY11  4PB+44(0)1383 722282
http://www.pitbauchlie.com/