之前因為心情唔好，又比人入侵盜取咗 e-mail 同 yahoo
個 account 真係激死，果攪到今時今日先至update 個 Blog。
今次我終於完成心願走咗去港專讀咗尼個「TTA 創意工業
室內設計證書課程」，亦都畢咗業啦！真係好開心！因為
今次除咗學到好多野之外，仲識咗一班好同學。
初初我仲以為 D 傢俬有晒尺吋應該好易畫啫，再加上睇睇
埋埋有線個「空間大改造」同 J2 果 D 室內設計嘅節目，
應該好有 concept 啦！點知知道原來要度尺同計數，仲要
乎合晒咁多條件，又要自己唔好眼高手低畫到出嚟喎！嘩…
原來室內設計真係一 D 都唔簡單！
除咗要有心理準備捱夜畫圖之外，仲要有超強嘅記性同學習
能力，因為有時一日之內要上兩種唔同軟件嘅電腦堂；記得
尼 D command 之餘又要唔好撈亂，又要邊做練習。Auto
Cad、3D Max、A.I.（Adobe Illustrator）及 Photoshop。
所以如果自己嘅精神、時間、記性及英文都麻麻地嘅話
，就要認真考慮清楚，無為浪費資源之餘仲浪費自己嘅
時間；因為尼個 cousre 絕對唔係 hei 嘅，亦唔係玩玩吓
，我哋果班就有好幾位同學讀到半路中途就退學啦！
我自己雖然捱咗好多晚夜（因為畫離畫去都唔滿，自己
都改到暈！），又要學到咁多軟件，雖然有時仲會攪錯
D command，但係學完又考試 pass 之後就好有滿足感
！總之就讀得好開心啦！
至於讀完課程後，就業機會似乎唔錯（繪圖員），不過
返工嘅時間真係比較長；一星期返足六日工，最少要工
作 10 小時以上，仲有多數放勞工假添！但係我覺得要
响果一個行業發展，初初梗係要捱，有幾多人一出到嚟
就係天才？！（↓功課手稿↓）
（↓Auto Cad 功課↓）
（↓ 3D Max 功課↓）
沒有留言:
發佈留言