街食果 D 綠茶冷麵又淡而無味,於是就係超市買番包日式綠茶麵同去
(樓上)買支“鰹魚露”,返屋企試吓整番個自家風味嘅綠茶冷麵,依……
原來可以唔駛雪凍都好好味喎


我發覺要好好享受綠茶冷麵,個重點係一定要加少少“鰹魚露”,咁樣等
同於畫龍點精一樣!仲記得第一次整嘅時候只放了“冷麵汁”,然後食食
吓總係覺得決少咗 D 乜,後來醒起阿 J 話佢好喜歡食冷烏冬果鎮落 D
“鰹魚露”,於是放咗少少吊味,嘩…即刻成件事唔同晒!(不過千祈
唔好放咁多呀!)
雖然綠茶冷麵做法好簡單,但係我都講一講:–
1) 只須水滾後放一束綠茶麵淥至軟身,拎起隔水備用。(假若你
想食果時再涼快 D,可以放入冰櫃雪一鎮。)
2) 如果你想加菜肉餃一齊食,記得要先淥餃子至半熟,然後再放
綠茶麵一起淥…隔水備用。(我自己覺得最夾冷麵嘅食材係餃子
,但如果要雪凍食,咁芝士腸同蟹柳都係唔錯嘅選擇,又可以一
齊雪凍。)
3) 食時就可以加“冷麵汁”同少少“鰹魚露”攪均食。

汁”都係尼間「樓上」店買嫁!)



沒有留言:
發佈留言