之前同小學同學食飯，韓劇迷同學 KL 同 Y 講開有咩韓劇好睇
嘅時候就介紹咗尼套新韓劇：– “Nine 九回時間旅行” ，男主角
係“需要浪漫 2012” 果位이진욱譯音李真旭∕ 李陣旭。（唔知大家
鍾唔鍾意“需要浪漫 2012”尼套劇呢？吓…你同我一樣都係鍾意
咖啡店老闆김지석譯音金知碩∕金智錫多 D？…）
其實尼套劇都好好睇，劇力緊湊，有少少似當年果套 “ The
Butterfly Effect 連鎖蝶變”，不過尼套劇嘅故事骨幹係由親情引
起嘅尋找真相嘅時間旅行……
男主角朴善宇（李真旭）是位電視台資深記者兼新聞主播，由
於佢發現自己患上末期腦腫瘤，所以答應了與暗戀自己多年的
後輩朱敏英（조윤희譯音趙胤熙∕ 趙允熙）交往……
另一方面，佢收到哥哥朴正宇（전노민 譯音全盧民）的死訊，
以及遺物 – 一支香……一個改變現實嘅時光之旅正展開……
同時間，佢要用自己所剩無幾的時間去找出明世醫院集團
會長崔正哲害死爸爸的証據……究竟真相係……
最終結局會如何呢？有能力去改寫命運係咪一件好事呢？
還是係「唔變好過變呢？」
人有時好得意，成日係道諗：「如果我當年唔係咁咁咁…
我今日就唔會咁咁咁」又或者「比多次我簡我條路就唔會
係咁樣行」，不過佢自己永遠唔會相信，毎個人都有佢自
己嘅命運軌蹟；就算比多次佢簡，以佢嘅智慧、性格，相
信結果都係一樣！因為？性格改變命運丫嘛！
或者人都必須要經過失敗，會學識吸取教訓才！所以唔想
做錯決定，就要認識自己性格上嘅缺憾同埋諗清楚先好做呀！
P.S.: 後生版嘅朴善宇（朴炯植）係咪好可愛呢？
沒有留言:
發佈留言