若是你問我點解咁喜歡食半島酒店嘅迷你奶黄月餅，我除咗答你因為
N 年前爸爸敎識我食，從此我就深深記著這個味道…直至朋友 D&D
令我再次戀上奶黄月餅。
唔知係怕甜定係咩，總覺得成＄200、300 蚊盒月餅，如果唔食晒會
好浪費，但食晒又會好漏、又滯；不過如果係奶黄月餅又唔同，因為
細細個，用焗爐焗熱佢，嘩…奶黄香氣四溢，一啖咬落 D 酥皮奶黄月
餅道，令人回味，絶對想再 encore…雖然今年半島奶黄月餅的皮較
去年油了點！不過，佢仍然係我同阿 J 嘅首選！
原因？因為舊年我哋試過九龍酒店，嘩…價錢又唔平！同樣都係上
網買，我仲同阿 J 親身去九龍酒店攞添！當其時酒店職員仲強調佢
哋酒店 D 月餅係無落防腐劑，所以唔可以放太耐，要冷藏！
結果，我同阿 J 即時係佢哋 Lobby 嘅 coffee shop 叮熱嚟食…唉
…果然跟佢嘅外表一樣：又實、又硬、又乾！！！
從此我哋只會繼續上網買半島酒店嘅迷你奶黄月餅現貨！Why？！
因為本身個網好難訂囉！會唔會買到假貨？Touch wood！暫時尼
3 年個味道同一樣，Packing 又無咩古怪囉！
以下嘅相係兩間酒店嘅迷你奶黄月餅比并，你自己睇睇！
↑↑半島酒店嘅迷你奶黄月餅，超正！↑↑
↓↓另外，2012年 九龍酒店嘅迷你奶黄月餅，係咪又實、
又硬、又乾呢？↓↓
↓↓而2012年 半島嘅迷你奶黄月餅，係咪好 Fresh 呢？↓↓
沒有留言:
發佈留言