婆婆個肺容量真係好大嫁！當然身材緊係…“feel”‥“we”索ㄚ！哈哈！
記得當年跑得很快，而住响我個層大部份都係男仔，全部都大過我嘅！只有兩個
女仔，一個唔熟嘅住响過咗中間水喉（因為我哋座樓係 L 型，兩座樓相連嘅，所
以淨係上落樓梯都有4條，中間果條相當污髒；因為主要用來倒垃圾 及廁所所在
地）。另一個同我差不多年紀，可惜阿媽管得好嚴、又要瞓午睡（其實應該係佢
阿媽唔鐘意比個女同我玩，我覺得！），所以我多數自己一個人玩。
當然有時梗係比 D 大鬼點落街買野食（零食）嗱！但次數不多，因為當時小
朋友冇乜錢！
嘅然冇乜錢！出到樓梯口自然冇野玩！咁當然係走落街玩啦，瞻越來越大
落，咪越走越遠去到 46座搵 D 同學仔玩。（因為讀書間小學响 47座，D 同學都
住响果邊）念念吓都覺得自己幾大膽、走到咁遠！
阿婆出到嚟樓梯口唔見我，又“裝”過樓下公園都唔見我！自然响“騎樓”
大聲叫我個名嗱！哇！個種聲音簡直有如「獅哮功」、好氣之極、又雄運有力，
已經隔咗 40座嫁嗱！（要知道果時40座對于我們嚟講都幾高嫁嗱！因為有 lift 仲有
成十幾層，我哋個邊全部只得八層高、仲要冇lift、要行樓梯嘅！）
所以，以前住响40座嘅朋友你哋間唔中聽到嘅「千理傳音」係‥係無錯‥你
哋無聽錯‥係我阿婆 call我‥果個頑皮嘅我！ 你哋係咪覺我好勁呢？ㄚ！唔係、
係我阿婆好勁！哈哈！
By the way, 佢而家都仲好好氣嫁！
除咗佢有好氣功之外，佢仲好大力嫁！佢可以搬起一個滿滿的“樟木籠”！
還有佢可以將一條掛了 2 條濕嘅牛仔褲嘅“浪衫竹”插入窗出便嘅“竉”。
(話說， 果時唔興用洗衣機、又未有∕ 興 “浪衫架”嘅！所以 D 女人要打開
窗將 D衫“浪”係“浪衫竹”再“烏”個身出去插入响個窗出便嘅三個“竉”
度。亦因此當時“撻”過幾個“私奶”落街！）
話說我都差 D 因此喪命！因為有次阿婆出咗街，于是我想幫阿婆做家務
（我同細佬要輪流客串做家務，當然主打梗係阿婆做嗱！）果次我學阿婆用個
大盤 （沐浴都係個盤嫁嗱！） 用洗衣板、一個擦坐張櫈仔响廚房洗衫（係冇錯沐
浴同烹飯都係呢度嫁！）“要記住這是一間火柴屋”洗完衫念住懶勁咁“浪”好 D
衫咪準備將枝“浪衫竹”插出去，哇！點知由于枝“浪衫竹”掛了 2 條濕嘅牛仔
褲個重量加倍；我已經雙手揸住，但估唔倒我平衡唔倒機乎比枝“浪衫竹”扯咗
出去，好彩及時抓得住窗個枝鐵、如果唔係就“拜拜咗”；講起嚟，都一額汗！
除咗我冇跌落街之外連枝竹都“居”然單手捉得住冇跌落街！如此好彩兼“拂
然”突來神力，想想必是觀音大仕嘅慈悲顯靈吧！因我們是對住觀音廟的。
阿婆返到嚟，我將呢件事講比佢聽，阿婆仲話傻猪唔夠力就唔“浪”出去
嗱！下次唔好嗱！相反，我將同樣嘅事講比阿媽聽…結果當然係被罵至「狗血
淋頭」嗱！吓！我當時係得十幾歲都嚇至經魂未定嗱！你可唔可以唔好鬧我
「死女」住，安慰吓我得嗎？
所以童年時唯一覺被人疼惜及溫暖的懷抱…只有您…我至愛的婆婆！
好好笑！記得當我嫁出的頭兩個星期，應該覺得好爽至正確，因為 That mean
我已經正式脫離阿媽嘅獨裁統治，投奔自由嘅懷抱！但我居然失眠及偷偷哭泣了
一星期有多……。
沒有留言:
發佈留言