其實作為病患者都幾 mind 路人甲、乙、丙…的『奇異目光』。行動已經不便
你仲望到好似見到異形咁！冇嘢ㄚ！望！唔係唔比望你望，但有時洗唔洗望到咁
其怪呢？我又唔係展覽品！可唔可以高抬貴手、顧吓別人感受呢？！
有時都盡量唔去care D 陌生人，但係發覺其實如果唔係一個明確傷殘人仕係
冇人會“採你”嘅！而家病徵明顯咗都係有好處嘅，就係會多咗人幫你。但壞處
係比D 人當怪獸咁望囉！同埋好似你唔應該响旺區出現咁，因為有 D 人跟本唔會
就你，撞開你仲望住你！喂！知你係情侶嗱、但你唔洗撞開人“一孖”咁行ㄚ，
好似當你明覺撞倒人、唔係連句 sorry 都唔認講呀！撞倒仲望吓你就行咗去，
D咁嘅男友就應飛咗佢嗱！冇禮貌！仲覺得你好似左住條街咁！
所以如非必要，否則我都好少出旺角或多人嘅地方！
凈係响旺角或且D 繁忙嘅地方過馬路咁，唔好話過晒條馬路；以我 D 咁嘅
身手跟本連半條都過唔倒！ 層經同仔仔講笑話：『係可見嘅將來我身體只會越
來越差！咁而家都差 D 過唔倒馬路、咁我老咗個時咪過足一日你去完街都仲見
倒我過緊馬路？』
而家雖然搭地鐵、火車都方便咗！多咗好多 lift 呀！扶手電梯呀咁！但由于
有個膝關節硬化咗因此腳不能屈曲；便鬧出好多生活嘅問題，例如我不能獨立
一個坐火車；因為腳不能屈曲所以要伸咗隻腳去隔離個坐位令到我好尷尬 ；
或且對方唔明你攪咩個樣表現到好唔 like，都明嘅3唔識7你隊隻腳埋嚟 ；一係要
向前伸令到 D 人好不滿，有 D 人仲特登想踩落嚟！唔係ㄚ碼？！我已經試過比
人踩過嗱！仲要 sorry 都冇句，個貌仲“廟嘴廟舌”添！人多時我又要左閃右避！
咁我令願唔坐、但衰在我又唔可以企咁耐喎！At the end “Taxi”again！
我個心都好唔舒服！唔通要我棟個“我係傷殘人仕”個牌出嚟？先 OK！
又或且要我續個人續個人咁解釋呢？怕怕了！“Taxi”again and again！
有時因為手腳無力所以唔可以揸住枝行山棍！落車果鎮又唔可以行定出嚟
喎！要“嫁”車停定咗先可以行出嚟、仲要扶住車抦先可以慢慢落，已經試過
差 D 比“嫁”巴士門挾住拖行；又有幾次差 D比地鐵、火車門挾住！
所以覺得太唔方便、自己太麻煩嗱！為咗唔想發生交通意外，唯一只能選
搭“的士”，但是交通上嘅經濟壓力實在很沉重，因此亦令我減少咗出街！
傷殘完來真係好難容入健康嘅社會！因為香港地小人多適合傷殘人仕嘅
facility 又唔夠……！
因此希望如有幸讀到這一篇的人仕，日后走在街上時多點『體諒傷
殘人仕』及 請盡諒收起你∕妳『奇異嘅目光』吧！謝謝！
其實有段時間還會“發街瘟”嫁！即係去到好多人嘅地方突然覺得頭痛、
同埋覺得條街好像在“旋轉”一樣！好怕要立刻走！當然知道這有可能是情緒
病的一種！但由于只維持一段時間所以沒去處理…不過，現在已沒有這狀況了！
還記得患病的初期，需要帶仔仔去健康院打針；當然又要麻煩媽媽陪我們
去嗱！
那天婆婆沒有去，只得我與媽媽，由于那時還在接受針灸治療，四肢還有
點無力、上落樓梯要一級一級上或且落 及行起路來很慢、外表看我不像是有病
的，要耐心觀擦才看見我到有不妥，果時比人撞到真係痛到入心入肺（撞倒人
果個仲用有冇咁痛呀嘅眼光望你）。諗返果時都幾似玻璃人！
媽媽抱著仔仔，我跟在後；點知媽媽由于要顧著仔仔又要擔心我行路狀況；
一時間留意唔倒地上矮短的石屎柱…跌倒了…又由于要拼命抱緊仔仔；所以她
機乎是雙膝跪地的；那痛楚令她無法起立，我又沒能力扶她起來，只能站著…
此時有一對母女經過見狀立刻過來扶起我媽媽；但她的女兒卻輕罵『有冇攪錯
自己阿媽都唔扶佢又唔抱返個 BB』她的媽媽見狀立刻碰她及帶她走！
當時個種『啞仔食黃蓮、有苦自己知』及『旁惶無助』的鬱悶感覺一湧而
上！上到的士後倆母女痛哭當場！難道我會想自己的媽媽跌倒嗎？ 那種只能呆
呆的站著又無能為力地看著媽媽跌倒、痛楚萬分、還要拼死保護她的孫兒我的
兒子；這種感覺比萬箭穿心還要痛上千萬陪！
這種痛楚回憶憶深深刻在我心深處、直至多年後才能撫平…多麽的痛
…這種痛不足外人道！
沒有留言:
發佈留言