婆婆疼愛我的正據？
包括了：–當年屋企很窮！初初搬嚟果時好似冇電視機嘅！而房署又冇管得
咁嚴，于是乎同一層嘅“潮洲婆”在家中開了間“士多”，除咗係有零食、啤酒
買之外，佢仲租比人“打麻雀”及 租比 D “靚仔”“荗”响門口睇電視！好似唔
知係一個仙（豆零＝5仙＝半個一毫子）睇幾耐？！（係冇錯電視機都有得租嚟
睇？係‥因為唔係個個都有電視機！）為咗唔好比我成日”“荗”响人哋門口，
所以阿婆就好辛苦咁儲起佢做泥工嘅錢買咗部好細嘅電視機返嚟！仲要係得黑、
白色嘅！但係當時已經好勁，亦令我開心到飛起！
所以我好早已經係一個配音外語片劇迷，如：–（日劇）有 小狐仙、前程錦
繡、排球女將、吾妻十六歲、小甜甜、義犬報恩、小浣熊…等。（外語）有
豪門恩怨、神犬拉茜、雲喱姑姑、神探俏嬌娃、無敵鐵探長、無敵鐵金光及神奇
女俠…等至愛劇集。（無線）都有 乘風破浪、北斗星、少年十五二十時、獅子山
下及歡樂今宵…等。這些令人愉快的回憶是您‥婆婆帶給我的，謝謝您！
疼我的事件當然唔止咁少嗱！還有 BB 點時候我氣管唔好成日病！據知當時
爸媽還是租緊新蒲崗嘅板間房，亦未同婆婆一起住果時，婆婆當然仲做緊泥工；
佢為咗怕我身體差；竟然「死慳死抵」買燕窩比我補身，要知當年燕窩好比黄
金！這些都係阿媽講返比我聽，由于當年我實在年紀太小所以唔知。後來？到我
大個女搵錢個鎮……梗係有買燕窩比我阿婆嗱！佢咁辛苦揍大我！
由于地方淺窄，一間“火柴屋”住咗 5 個人，爸媽住係房入面（用果種上面
有刁花嘅玻璃木門間嘅房、當然係用幾枝木做嘅中空頂、下面有成三吋離地嘅
間房方法）
我、細佬同婆婆三人就瞓一張兩人下隔床，上隔係單床不過就放阿婆嘅
“樟木竉＝木櫃”及放“棉胎”嘅鐵箱等等。我們三人都是「尖頭倒腳」睡的！
換言之我同細佬要輪住嚟攬住阿婆瞓！念返起以前 D 人都幾神奇喎！咁細間屋
、完全冇空間可言、都可以一家人好好生活！
相反現在的人幸福得多，生活空間多了，照計磨擦少咗；應該一家人相處容
洽！可是空間多了是否＝增加了心靈距離呢？如果唔係點解一家人可以咁冷漠
嘅？！
沒有留言:
發佈留言