還記得自我懂事已來第一個帶我們夜蒲便是我個“哨”街精阿媽，因為當年
十點幾十一點已經好夜；一個女人落街好唔方便，再加上阿媽又怕黑、街燈又
隌，所以常常挖我們倆姊弟落街陪佢食宵夜。 當時有很多無牌小販都會在夜間擺
檔的，因為唔洗“走鬼”！！
有糯米飯、粿蒸粽、東風螺、田螺及雲吞麵…等！最記得46座這檔炒蜆相當
〝野〞味，雖然當年對于小朋友的我覺得有點辣，我細佬仲鬧阿媽整估佢，辣到
飲咗3杯水，幾乎〝賴廖〞，最後終于都响街度解決咗嗱！老闆既田螺很多汁好
好味！非常回味坐响檔口用鐵义〝摎〞個東風出嚟點D甜醬果種滋味！個檔口有
成三張枱，係木造的、四方型，還有幾張由三塊木造成的排櫈，當年的大排檔
興〞！可能由老闆一手一腳自己造的，加個藍、白色或紅、藍、白帆布頂及幾
個烏絲燈贍便成為一個臨時小店！由于後來爸爸成日鬧阿媽話街邊野污髒，
又加上海水污染，我們已經什少食這類街邊海產檔了！
想想當時都幾誇張〝嫁〞！好似成間鋪咁响街度，有D仲成兩、三張大圓摺
枱或方型摺枱又有摺櫈！有D仲開係行人路添！後來政府為咗環境衛生問題而度
絕小販檔响座與座之間的位置放置大型花槽及鐵枝，但由于當時揾食艱難，
香港人的拼“駁”精神及轉數高，所以很難度絕！不過後來也因衛生問題…等，
一檔檔地消失！也印正時代的轉變！
其實後來40座出現了父子潮洲〝打冷〞檔都幾正家！也是我人生第一次認
識不同種類的地方風味菜，他們的粥是水同米分開的；潮洲粥好似叫做〝妺〞
，這也是我爸爸當時唯一肯去食既街邊大排檔！後來他們兄弟班更租了晚上的
〝成臨〞茶餐廳菜做小炒！有我最愛既濕炒肉片河還有乾炒牛河，獲氣夠、
火喉又掌握得很好，當時我還未介牛肉，回想那些味道差D流口水！這也是我
稍為長大後開始比爸媽點落夜街買宵夜嘅時候！
最印象當然係慈雲山無人不識既 47座“泗記”雲吞麵，簡直頂瓜瓜！麵質
彈牙、雲吞爽口好味、辣椒油及辣椒醬也很好味！這間潮洲人開既舖頭有四個
女幫手，有些年紀很小的ㄧ級ㄧ級，她們樣子也很像的也很生性，以當時中國
人古老思想；着重重男輕女，女生太多得會虧本，因為男人就是社會很重要
的 "Man Power"人力資源，大咗會娶個老婆返嚟開枝散葉（即生仔機器）！
再且潮洲人大多數都男權至上，女的地位低微，在街什麼事都須要做又是出氣
袋！可是這個老闆卻對D女幾好，可能佢哋都好聽話又孝順又懂事吧!!後來他們
終于都生左一個定兩個男丁添！！
重記得我响屋企係夜精可以好夜瞓，所以屋企人都話我係〝猫頭鷹〞，亦
都係我享用得最多宵夜既原因！當時爸爸有時會帶回大大隻粿蒸粽非常好味又
香，遠遠也聞倒的味道，現在的粿蒸粽沒有那麽香料也不一樣！呀！當然還有
冬天不能缺少的暖笠笠糯米飯，也有什少出場的〝蕃薯〞；到後期爸爸環境漸
漸好了仲會有“乳鴿 ”食添！回想起來也很溫暖，一家人圍埋一齊食宵夜！
可惜現在再不可能出現的竟况！而且現在又話食宵夜有害！又話有胃酸倒流…！
沒有留言:
發佈留言