咁咪買嚟試吓囉！都知佢個廣告標榜佢長嫁嗱，但又冇留意 41 cm 即係
有幾長喎！買完咪擺埋ㄧ邊囉！（唔知妳哋買完野係咪咁呢？）
咁果晚就諗住試試佢啦！開過時都覺得奇怪，點解個 packing 咁大包，
但係寫住得 8 件嘅！Ok ！都要開嚟用嫁嗱！哇！ㄧ攞出嚟…依！乜原來ㄧ塊都
咁長嘅…拆開咗之後…吓！…成條成人紙尿片咁長？！哈哈！佢知唔知自己係條
衛生巾呢？！佢又會唔會大咗 D 呢？！
哈哈！真跨張呀！好彩我著咗條姨媽底啫！如果唔係，由頭包到尾都唔知點放呀！
最瘀係，唔覺意換衫果鎮比阿妹見到，嚇到以為我提早用成人紙尿片添！
真係攞！
不過，如果係懶瞓嘅你；同勁量嘅你（流量）；又或且係唔識、用唔倒
棉條嘅你，咁 41 cm 就 fit 晒你嗱！因為佢真係又大又有安全感嫁！用咗佢妳就
唔洗成日驚住漏野啦！雖然佢勁大條，不過總唔太焗，個 quality 都 OK ㄚ！
咁比起ㄧ般超薄果 D 梗係冇得比嗱！
But，著緊 mini 底或且低腰底褲嘅妳；就要買返幾條中腰底囉！如果
唔係就想用都放唔落嫁嗱！
By the way，本人認為真係要用（姨媽底）嘅！最好仲係 100% real
cotton 添！Why？因為衛生巾須然係棉同 tissue啫，但係都焗嫁！D 婦科醫生
成日都話，千祈唔好長時間著住 D 咁貼身同膠質重嘅褲（牛仔褲同底褲）；因
為女性果個重要部位係有 D 濕濕地分泌物，如果果個地方太焗同潮濕；會令到
陰道嘅溫度升高；影響到酸簡度平衡，如果控制得唔好嘅話，就好易變成咗茲
生細菌嘅溫床嫁嗱！
ㄚ！而家响市面上成日標榜話自己 100% real cotton 嘅底褲，even，
果隻大牌子，但都係用咗好多“拉架 ”＝（elastic）混棉織嫁，因為如果真係
real cotton 嘅話，除咗會好貴之外，佢個彈性係好 natural 嘅！絕對唔會有咁
強嘅回彈力嫁！而且就算用洗衣機攪，都唔會縮水得太勁嘅！除非用咗熱水先
至會縮 D 水 ，要記住囉！
要買全棉底褲嘅話，係千色店、吉之島同ㄧ口田（西田）嘅女裝部，
都有得買嘅！不過ㄧ口田（西田）就貴好多成 $100 條。
Anyway，姊妹們每個月嘅受難日都辛苦晒嗱！Have a Good Day！
係咪好大條呢？仲要未拆袋嫁！
P.S.:
Hey ！My Friend good news 妳同 D 姊妹以前唔洗再打孖 D 衛生巾，
又或且“T”字咁貼嗱！
沒有留言:
發佈留言