食環署趕絕擦鞋阿伯–唉！政府…

   唉！政府咁都得…又話幫助弱勢社群…但食環署  

 卻上演ㄧ幕 — 趕絕擦鞋阿伯！人哋 70 幾歲靠ㄧ雙手養活自己同老伴有咩

唔啱？！為咩無端端突然告人阻街呢？阿伯响度擺咗檔十幾年啦！個檔只係

佔咗半版報紙啫！唔怪得知食環署成班人拉阿伯果鎮；個熟客都唔抵得要話

食環署 D 人：『如果話阿伯阻街，咁你唔拉埋 D 易拉廣告牌！』

 

          的而且確，响哩件事上面我覺得食環署有 D 小題大做，拉ㄧ個70 幾歲嘅

阿伯；洗唔洗兩班人“包抄”呢？！如果要告阿伯阻街，咁為咗ㄧ視同人係咪

應該充公埋 D 易拉廣告牌！之後再票控發廣告的商店呢？段估 D ㄧ定阻住個

行人路多過阿伯囉！仲有呀！其實政府已經停止發牌比 D 小販多年嫁嗱，如果

要控告阿伯無牌擺賣點解“晨早”唔拉佢，仲可以比佢响度擺檔十幾年呢？！

我相信香港寸金尺土，D 行人無能可以忍咗十幾年唔出聲，而家先突然發現倒

阿伯嘅存在囉！我真搲頭  …！真正阻街果 D 佢唔拉（廣告牌）！真吹賬！

究竟係咪食環署得閒得‘制’呢？！

仲要趕盡殺絕人哋 — 充公埋人哋唯ㄧ嘅搵食工具‥擦鞋箱。我知有法例，

但法例不外乎人情啫！唔通又再上演ㄧ次 –金鷹事件 –無端端充公咗阿伯隻

金鷹（猴子），結果攪到阿伯食唔安瞓唔著、病咗先比返人哋咩！人哋養咗

咁多年，有感情嫁嗎，D 政府官員究竟明唔明白呢？雖然最終阿伯同金鷹

都ㄧ家團聚，可惜阿伯已經攪到身體虛弱了…唉…！

            政府又話要制定 D 舒困措施幫吓 D 市民！咁而家人哋 D 長者年紀咁大

都唔攞綜援，靠自己ㄧ雙手努力工作，又有咩唔啱？乜咁都唔值得估勵吓咩！

真係要講ㄧ句 —周星馳金句–『搵食啫！』

           成日叫人攞綜援！個個都攞晒綜援，咁仲邊有人做野呀！咁到時又可以

靠邊個養呀？

           仲有乜政府唔係話要保護 D 百年老業咩？拎住個擦鞋箱同人响街度擦鞋

 D 咁有早期香港特色嘅行業，係咪應該保護吓、幫幫忙呢？淨係個用咗十幾年

嘅擦鞋箱夠特別嗱！（還記得當年中環畢打行後面有幾檔幫人擦鞋嘅檔，有好

多著西裝嘅人幫襯，連鬼佬都响度擦鞋，都幾得意嫁！）

            不過响尼件事上面，最值得稱讚嘅就係 –尼班熟客！佢哋好有情

有義咁聯署寫信幫阿伯求情，真係難得難得 –人間有情！讚！

             還有最應該鬧的是那五個關係疏離的仔女！為什麼可以恨心的任由老父

獨力照顧有輕微精神病的母親；還認為老父的行業令他們丟面！吓！老父

ㄧ把年紀還努力工作，有幾丟面呀！我覺得他簡直令人敬佩！

             真係想問問那些不孝子女，良心去了那裏？！知否誰人養大他們呢？

 

附上 Msn Online 原文網址 :

「冇錢就攞綜援 唔可以擺檔」食署趕絕擦鞋阿伯

http://news.hk.msn.com/local/article_1_20950_1.asp