冇諗過無線星期日晚 12 點幾尼套配音韓劇–狐狸小姐你想點，會咁好睇
同好笑嫁！佢開始播第ㄧ集果晚簡直勁爆！阿仔果晚啱啱瞓唔著…於于出廳瞓响
我大脾…咁！開著電視咪由佢囉…因我未瞓ㄚ嘛！當佢講個劇名果鎮，我仲嘆氣
話…吓！咩韓劇嚟嫁？！點知個鏡頭ㄧ播…竟然係韓國古裝嘅街頭…有ㄧ對男女
貼住身講住 D 挑逗性嘅說話…之後竟然個女嘅响度呻吟…吓！跟住個戲棚散咗、
倆人倒地…完來係片場拍緊戲…個鏡頭再返嚟…原來係個女主角响成人雜誌度寫
緊稿嘅橋段！哇！我都嚟唔切反應…阿仔 O 晒嘴話…吓咩戲嚟嫁？我都鄂咗然！
哇！實在太勁爆嗱！竟然可以攪到我面紅、成身爆熱、幾扶‘下扒’都跌埋落
嚟！吓太突然嗱！
當時因為雙手顧住‘喑’住阿仔對耳…冇手熄電視！（阿仔自己已閉上眼睛）
之後…？之後，梗係即刻熄咗廳嘅電視兼叫阿仔返房瞓。我？我梗係入房睇嗱！
哈哈…因為個女主角做得實在超好笑！
咩話？！我為老不尊，教壞子孫？ No，我ㄧ早已經灌輸咗正確嘅“性”
智識比佢，不竟佢大個仔嗱！我唔同阿仔講，邊個同佢講呢？我老公？噢！
Sorry！我個仔好少我老公傾偈嫁，由其係 D 咁 Personal 嘅問題！發育嘅時候，
我並唔了解男性嘅身體變化，需然我有買 D 書返嚟睇，準備將來留意仔仔嘅成
長期。但諗諗吓始終都係應該由過來人嘅第ㄧ身–爸爸解釋比阿仔聽會好 D 嘛！
（我諗住）好可惜，阿仔寧願唔問；或且走嚟問我，咁OK 嘅我係ㄧ個思想
開放、開通嘅媽咪，所以我咪順便同阿仔傾吓响“性”方面嘅好奇問題囉！
Why not？！青少年都人係啫，對“性”有好奇心ㄧ D 都唔出奇ㄚ！最
緊要係識得 control 自己，唔好因為好奇而立亂試！要知道“好奇害死貓”，
知 D 唔知 D 係好危險嘅事。
因為明白到青少年响ㄧ知半解嘅情況底下，又有生理須要；咁咪好容易因
ㄧ時衝動做錯事！
而家幾好ㄚ！阿仔講咗 D 秘密比我知，原來佢响四年級果時，已經有 D
人細鬼大嘅同學，唔知响咩途逕見倒 D 大人造愛…之後就懶勁咁返學校話比 D
同學仔知嗱！所以話呢…D 大人唔該撿點 D 啦！記得閉門囉！仲有唔好以為小朋
友唔洗咁早同佢哋講呢 D 、吓學校會教嫁嗱…等等！
如果唔係仔仔同我有溝通咁我咪唔知道 D 小朋友咁早熟囉？！咁！而家
我咪可以 remind 佢唔好咁容易受到引誘，男仔都要識得 Say No！因為家鎮
“世風日下”，有 D
女仔太早熟嗱，竟然引誘 D 男仔返屋企偷嚐禁果！
總之我覺得如果“性”响屋企係禁忌，咁 D 青少年就便加會係好奇心底
驅使下，去私自探討嗱！咁就危險嗱！好彩咪無事囉！唔好彩咪攪出事囉！唔想
D 細路攪出事，記得好好同佢哋傾吓！溝通有益！（想當年我又咪因奇心驅使＋
女同學講吓講吓之下，買咸書ㄧ齊睇囉！記住唔係個個都識得自我抽身嫁！）
哇！做乜講講吓套戲，扯到咁遠？因為套戲係講女主角 30幾歲人無拖拍、
仲ㄧ次都唔去婦檢…結果…（佢驗身果幕真係好抵死、好好笑）；明明無性經
驗又要寫成人雜誌嘅稿（佢成日幻想果鎮真係超爆笑）；黑仔嘅佢仲要飲醉咗…
失埋隻猪添！
尼套劇除咗有誤打誤撞嘅姐弟戀外，仲有親情、阿妹嘅 Model 夢想同
畸戀添！加埋無線嘅配音，估佢唔倒咁好睇！
☆★ㄚ！佢另外有個名叫：狐狸小姐你在做什麼☆★
沒有留言:
發佈留言