之後真係人都輕鬆 D ！唔信試試睇吓！不過先旨聲明呀–我係ㄧ個食極都唔肥
嘅人呀！你∕妳係咪先？咪鎮間賴我呀！我個仔就食到有個肚腩啦！我最肥個
鎮都係得個胃腩啫！唔羡慕得咁多嗱！哈哈！ 
果日沒乜 mood ，個 Tea 咪食豪 D 囉！哦！無乜野嫁啫，只係 order 咗
ㄧ個我至愛嘅豆沙鍋餅、占醬多、西多拼真寶腸、腿蛋治及兩杯冰檸茶之嘛！
（仲要係晚飯 响 2 個半鐘後）我哋仲ㄧ人食咗ㄧ大碗飯嫁！無偈嗱！尼間裕發
D 檸茶嘅茶底好好飲嫁，仲有個ㄧ流嘅豆沙鍋餅，唔會太甜、又唔太漏；仲混
有微微嘅陳皮香味嘅豆沙…唔…睇吓…係咪好想食厘？
…呀！唔好意思响影相前偷食咗舊添！好好味ㄚ…！
（但响尼段網誌面世前，裕發已經靜悄悄‘執咗笠’，無他嘅，佢 D 晚飯越
做越差…！好彩之前無嗱嗱成日掛住佢 D 豆沙鍋餅，食返夠本啫！Oh！永遠
懷念你…外賣豆沙鍋餅！
）而且因為我身體狀況已經唔方便烹飯，所以之前成為咗外賣家庭，真係
食外賣食到嘔，所以為有‘搭食’嗱！雖然口味各有不同，但總好過外賣同
外賣ㄚ！以前嘅我都幾享往為家人烹飯嫁！為咗佢哋，我仲要強烈羲牲去街市
買魚、洗魚同蒸魚添！誇張？！如果你好似我咁…聞倒腥會作嘔嘅人 Vs 無魚
不歡嘅老公＋‘簡’魚食嘅仔仔，你會點做？唉！我已經係唔食牛肉嘅人嗱！
所以絕對唔可以比佢哋有唔均衡嘅飲食！
其實，除咗怕腥要每次閉氣洗魚同洗三次手之外，我還怕看見ㄧD 血淋淋嘅殺
生場面，唔係扮野！每次企係到等魚販劏魚果鎮，我都不禁為殺生而內疚、
唔感睇！所以每每老公要動手劏活生生嘅魚嘅時候，我絕對唔會再入廚房、
唔比佢用手掂我！衰？以前做女（未結婚）果鎮，我同幾個朋友去街市買魚，
魚販找錢給我們，我們竟然無人肯接返 D 錢；結果攪到比魚販串我哋：『嘩！
找錢啫，洗唔洗咁驚呀！驚成咁因住第日嫁個賣魚佬！』超！比佢惡咒成功添
！我嫁咗比個魚人！ㄧ個屋企以前有魚排、喜歡食魚、鍾意釣魚同養魚（錦鯉）
嘅人…OH！救命呀！魚夠嗱！
By the way，雖然我嘅廚藝水準唔多穩定；有時烹野會鹹得制、煎燶野呀
咁！但係仔仔最鐘意食我嘅土魷蒸肉餅（奶奶都話好滑！呵呵！）、南瓜炆排
骨、冬瓜炆火腩、豆豉蒸排骨、豆豉炆鳳爪及鹵水雞翼！雖然簡簡單單，但係
仔仔就話最愛這幾味我烹的餸，別人代替不了；可能是媽媽的味道掛！嘻嘻！
我朋友都有讚過我 D 蓮藕炆排骨同柱候醬猪皮、蘿白炆排骨嫁！這些都會令
到我好有滿足感、好開心！所以鼓勵係烹婦∕夫最大嘅原動力！想對方甘心命
抵為你∕妳烹飯嘅話，就要識做呢！
其實除咗尼 D ，我仲有親子殺手簡，就係焗朱古力粒 cookie！這個現成
嘅 cookie 粉，响兩大超市都有得買，做法又 easy，妳只須打ㄧ隻雞蛋，用少量
嘅 President 牛油（Salted 果隻），放有朱古力粒嘅 cookie 粉、再加少少鮮
奶、攪均（細盒裝嘅鮮奶 4 份ㄧ盒），分次續少加；慢慢攪均 D 粉，最後用
小茶羹，ㄧ羹ㄧ個（因為佢發得幾大嫁），所以要比返 D 空間响餅與餅之間
（否則會黏住晒），然後放入焗爐，焗ㄧ鎮就 Ok 嫁嗱！（小焗爐都 Ok）。
焗幾耐？個袋有講，但是如果好似我個小焗爐咁，無得較度數嘅話，就要自
己試試啦！
這隻cookie 粉，方便又好味、仲好香添！深受小朋友歡迎！ㄧ包仲可以整倒
都幾多塊嫁！不過，佢係林身嘅 cookie！仲有切勿放過多嘅牛油同鮮奶ㄚ！
約HKD40 包，買返去同仔女玩下嗱！（我買開嘅係牛奶味碎朱古力粒！）
我仲有味撚手小食，食到我個仔同 D friend 都大讚嘅！Very easy， 只要
妳有焗爐就 Ok ！尼樣係牛油蒜粒焗磨菇及粟米蕊。材料必定要買超巿果隻成
HKD40–50蚊嘅啡色磨菇（平價啡磨菇同白磨菇都唔好味）、President 牛油
（必須要有 Salted 果隻、切勿用平價牛油，否則嘥料之餘又唔香、仲要唔好
味添！）之後只要取出錫紙放入切細小的牛油、蒜粒、切片磨菇加少少海鹽；
鋪好之後再响面頭鋪多次牛油、蒜粒及少少海鹽，包好焗 10-15分鐘…嘩！焗
好之後包妳有大師級水準！（當然用料不可慳！否則妳必定後悔！）
另外，焗粟米蕊照住個步驟ㄧ樣：切細小的牛油、蒜粒及加少少海鹽（鋪响
底、面）包好，焗 10-15分鐘就 Ok 嫁嗱！尼個菜式仲令到我個唔鐘意食菜嘅
仔仔，食唔停口…咁你話掂唔掂ㄚ？！（哈哈！有次我個仔响出面餐廳個
Menu 見到尼個菜式，仲似為個大廚抄我添！嘻嘻…當然唔係嗱！只係因為我
焗薯做得唔好，又想食吓菜，所以先試到出嚟！）
須然我個仔唔鐘意我嘅炸春卷（因為係疏菜肉碎同薯蓉肉碎），但本人
就甚為喜歡！做法都好 easy，只要買現成嘅春卷皮（超巿有得買），切好
ㄧ條條椰菜、紅蘿白、木耳，用蒜粒炒菜至林身、加入淹好的肉碎再炒，然後
完全灘凍後，才包春卷皮…炸…炸好後就食得，好好味嫁！仲有估唔到薯蓉
肉碎都咁好！餘下的薯蓉肉碎仲可以直接做炸薯餅添…Yummy!
其實咁為食嘅我們，仲會四出搵食（以前），而家因為行動唔方便減少
了！好彩果鎮時因為怕自己將來行唔倒，所以襯自己身體無咁差，就帶多 D
阿仔出去見識多 D 睇多 D！而家就知道，原來呢個決定係無錯嘅！好似而家
咁吓吓出街都係的士、最多都只係搭下港鐵咁…！交通費好重皮！
我哋嘅搵食路線最遠去過元朗食 B 仔涼粉嫁！不過我哋覺得佢 D 腸粉、
紅豆糕同馬豆糕好味 D！其他只係ㄧ般！正如西貢滿記ㄧ樣，如果唔係去開
食雞飯或雞湯河嘅話，無須要特別去咁遠食ㄚ！
宜家家俬嘅熱狗味道都幾OK，只係幾蚊雞、好抵食！而旺角登打士街
果檔乜乜薯嘅熱狗仲好好味添！但佢嘅炸薯皇就同麥記差唔多啫！銅鑼灣紀
律部隊嘅西餐廳 D 熱狗同占醬多就非常出式、又抵食（只係$10元 $8塊）！
而本人覺得沙田連城廣場嘅 Freshness 嘅照燒雞扒飽非常 Juicy、勁好
味！仔仔就勁讚非常 Juicy 嘅特級雙層芝士牛肉漢堡飽嗱！但真係貴到嘔，
成 $40幾蚊個，不過勝在即叫即整，但亦都係咁；你千祈唔好响勁肚嘅時候
去，否則你必定會等到胃痛兼發火！仲有咪以得小貓三幾隻唔洗等呀！不過
，當你品嚐過佢嘅美味之後，你度氣又消番晒！下午茶會抵 D，因為有 set，
但千祈唔好懶勁咁試 D 乜乜味奶茶同咖啡呀……否則你必後悔嫁！（打冷鎮
中 ′~ ‵） （旺角新世紀果間都幾好味，較率又快！） ↓ Tea set ↓
另外，沙田新城市嘅 Triple O'就令我極之失望…比成幾十蚊，食個乾憎
憎嘅飽，真係把鬼！連機場嘅 Burger King
都好過佢囉！而旺角朗豪堃嘅
MOS Burger 都唔錯，夠 Juicy！但 APM
果間就麻麻！點解呢？同樣都係果個
機構啫，明明都係 set 咗個 formal 嫁嗱！？不過 KFC 都係，間間嘅巴辣雞翼
都唔同，有 D 會 Juicy D，外脆內軟！O！最可惜係KFC 竟然唔再出炸壽司…
D 咁正嘅野就應該放樂 Menu嗱！嗚嗚…冇得食…可惜可惜！
沒有留言:
發佈留言