本小姐牛ㄧ當天，除咗同個好耐無見嘅 friend 飲茶…唔… enjoy！諗返
起都覺得好笑！當日我同佢阿 Hon（Honey ）ㄧ齊，所以知佢 send Msn 比我個
friend，于是乎，我就 send Msn 答佢囉！But，remenber 我係用自己部手機答佢
嫁喎！當然，以我同佢嘅friend 法，梗係用埋 D 衰衰格格嘅（色慾）對答嗱…
當我 send 完句『Oh！Yes…Yes…』之後，佢又答喎！咪繼續玩佢囉！再send
多句『Yeah！人哋要食你…！』（嗱！係佢阿Hon 自己講話食佢炸！我只係前
後加 D 助語詞炸！）哈哈哈！（玩得顛？以前我哋玩到仲顛呀！）個死野先
至覺得唔妥，問返我係邊個…哈哈…跟住瞢炳先生梗係比阿 Hon 話佢唔知邊
個都亂答ㄧ通嗱！Hey！無偈嗱！我同佢哋兩個好耐都冇茶敍，實在太dry 嗱
……自從阿 Ca 走咗之後…已經兩年啦…光陰不再…好懷念以往四個人High
Tea 嘅時光、聖誕節响我屋企剧扒飲紅酒、打牌、响西貢睇流星、學人哋食
雪茄、比我撞破嘅泰國之旅、妳失戀嘅時候、仲有 Up-sad 嘅時候大家亙相安
慰嘅日子…太多太多回憶…！加小姐尼個名係妳叫先嫁…阿 Ca …妳仲係我哋
嘅活動聯絡人添…尼ㄧ切ㄧ切都改變了……人不如舊！
呀！當天晚上，我哋兩個人撇低各自的小魔怪，去咗九龍城嘅小店
Capacabana 度食晚飯，好耐都冇扮得靚靚地出街…好耐冇去小店度食野，自
從佢哋搬咗大舖之後，好想重溫佢哋嘅甜品。
6：00 p.m. 鬆 D， 仲要係 week day 我同個 friend 好似包場咁…嘻嘻！
我哋首先 order 咗個 巴馬火腿、乾茄、蒜香意粉（走乾茄）＋ $ 做 dinner set，
即係有是日例湯 & 餐飲 （西蘭花忌廉湯＋1小片香草麭），焗田螺。
當餐湯連香草麭ㄧ齊上嘅時候，ㄚ！又估唔倒個香草麭會咁香嫁喎！
外脆內軟、揸埋牛油簡直係正、perfect！唯獨麵麭只得ㄧ片唔可以再加，如要
encore 須要另外 order， 係美中不足！（最終我同朋友ㄧ人 order 咗個香草麭
外買添$45/個）至于巴馬火腿意粉，都有成 5 簿片巴馬火腿，味道唔太鹹、
唔太羶，D 意粉份量較少；但都夠我同朋友每人分兩轉，意粉都幾彈牙，而且
D 蒜片好香；令到我忍唔住食咗幾塊添！佢比起大埔果間意大利餐廳還要好！
食完美味嘅焗田螺之後，我哋梗係仲未夠嗱，再叫咗個小食拼盤（炸雞
肉春卷 3條、炸磨菇 4粒及羊肉焗薯皮 2 件）。試咗個炸磨菇之後都覺得唔錯，
點知個驚起反而係羊肉焗薯皮，辣辣地嘅香料配落 D 羊肉、芝士同薯皮度；直
情係 perfect match， ㄧ D 都唔羶，D 香料仲帶出咗羊肉嘅味道添！（我仲好衰
咁話，如果阿仔响度，我咪洗止意有食足三粒焗田螺！因為佢實衰衰咁、扮可
愛個樣話『唔！MaMa 妳唔食嫁嗱可…！？』鑒生搶咗人哋嘅田螺，嗚嗚…）
食得咁開心仲點會比佢停呢！Last call，ㄧ定係我嘅至愛甜品嗱！ㄧ個
冚洒奶凍再加ㄧ個朱古力心太軟，哇！正！雖然我唔識飲酒，但個冚洒奶凍
實在好香冚酒味，所以忍唔住要試下，ㄚ果然不會令人失望！不過，朋友略歉
佢唔夠彈硬咗 D！至于，朱古力心太軟味道都幾好！連個碟嘅
setting 都整得好
有心機，D 朱古力醬唔會太甜、朱古力蛋糕嘅鬆軟度適中，但稍歉個朱古力蛋
糕唔夠朱古力味、蛋香太重！最後，飲埋杯 Cappuccino 添！嘆呀！成餐飯我都
食得好開心，可能係人數唔多，所以唔會嘈，令我哋食得好 relex、傾得好暢快，
有足夠嘅時間去 enjoy D 食物。朋友還說下次要再嚟嘆過添！
(資料相片在 OpenRice download ) ↓冚洒奶凍
雖然，發生咗ㄧ段小插曲係果個長頭髮、串串地嘅 waitress 女服務員比
較‘粗老 D’之外，同埋 D waitress收碟收得太快之外。以$78 碟巴馬火腿意粉
，食物水準都算有中上。成餐飯都係盛惠 HKD440 炸，都 Ok ㄚ！
整體總括嚟講都係直得去試ㄧ試，因為佢 D 甜品真係唔錯嫁，最可惜
係無咗阿仔嘅至愛芒果芝士餅！記憶中，佢哋嘅拿破倫係好鬆脆、好好味，今
次無再試，但下次ㄧ定會再 encore 甜品的。本人覺得佢哋 D 甜品好過九龍城
另外ㄧ間標榜有酒店大廚嘅甜品店，因為果間太甜嗱！
☆★以上三張資料相片是在 OpenRice download，並非本人所拍！
特此多謝刊登者, Thankyou so
much！ ☆★
九龍城侯王道11-13號地舖
Telephone : 2383 1228
http://www.openrice.com/restaurant/reviews.htm?shopid=22967&page=2
http://www.openrice.com/restaurant/reviews.htm?shopid=22967&page=2
沒有留言:
發佈留言