我同阿仔都算係甜品皇，所以去‘訴’D Lunch Buffet、Tea Buffet 就最
啱！我哋去過最正又多總類嘅係紅磡都會海逸酒店（約 $250位，食物最多、
有朱古力噴存、Häagen-Dazs 雪糕）、旺角新世紀酒店（約 $150位，食物冇都
會咁多、有朱古力噴存、杯裝嘅雀巢雪糕）勝在抵食，而Marco Polo Prince
Hotel馬可孛羅太子酒店 嘅宵夜 Buffet 熱葷都 Ok，但甜品就ㄧ般！至于
油麻地嘅 YMCA （裝修前）聖誕 Dinner Buffet 都幾好，甜品又 OK！裝修後
，只去過 Lobby 食 cake 都算 OK ㄚ！之後到旺角朗豪酒店，（約 $150位）
佢哋嘅 Tea 熱葷種類少好多，都係香葉包雞最好，其他只得多士、腸仔同
雞翼，甜品就細細杯咁，但味道都幾 OK！
至于尖沙咀嘅九龍酒店，我同阿仔就試過宵夜 Buffet （兩個人成$300蚊）、
同同事食過 Lunch Buffet，種類非常多，但味道就ㄧ般！甜品又麻麻地！諗
返果次宵夜 Buffet 直程係 hard feeling ，因為 D 好自私嘅人將 D 椒鹽賴廖蝦
呀、三文魚刺身、貴價嘅食物同生菓都整碟上，最激氣係椒鹽賴廖蝦同貴
價嘅食物只係上兩次就冇再 refill ！咁都算嗱！D 咁 cheap 嘅人仲成碟咁淨
返响度；足足有幾碟添！哼！死 cheap 精！我最痛恨 D 人浪癈食物！
最老土係，佢哋任由 D 小朋友大叫、瞓地下…唉！不過我朋友就話 Dinner
Buffet 非常正，仲不斷有 refill 添！梗係嗱將近成 $500 位嫁播！
另外，阿蘇介紹果間灣仔君悅酒店 Grand Hyatt，我就同仔仔試咗夜晚
嘅甜品 Buffet（8:30p.m.–11:00p.m.,約$140位，有Coupon 9折），最讚嘅係
檸檬雪芭，簡直超正（不過覺得好浪費！佢哋只係挖空咗少少個檸檬，食
完之後，你會見到餘下半個有果肉嘅檸檬！），我們每人食完又 encore，共
4次之多，疏乎里幾好，細細杯！其實如果大部份 D 甜品唔係咁甜嘅話都
OK嫁！但當妳樣樣擺落口都咁甜果鎮，妳絕對唔會覺得係享受囉！而傳聞
中嘅茶味朱古力完來都係麻麻地！未試過有ㄧ個 Buffet 係會令到我唔想食到
尾！（係因為甜到漏）！
不過，有機會嘅話（有錢多嘅話）可能會考慮試試個傳聞中超正嘅 Dinner
Buffet 有幾正，但如果兩個人要成千銀埋單嘅話，真係超貴、超奢偧同勁肉
赤囉！諗諗嗱吓！
至于，中港城嘅 Royal Paific 皇家太平洋、如心酒店、沙田帝都酒店同
沙田麗豪酒店嘅 Buffet 都好差！好失望！ㄧ係就種類少、ㄧ唔係就味道差！
以前試過香格里拉 Shangrial Hotel （約七、八年前）有ㄧ個 Dinner set
，頭盤生豪、三文魚、湯及甜品任攞嘅，Main course 就有成 4、5個選擇嫁
，仲有 Live 嘅菲律賓人唱歌，都係 $400位。諗返都覺得正！
唉以前…！以前嘅 Häagen-Dazs 好好食又唔甜！我嘅至愛係 Swiss
Almond chocolate、Chocolate chocolate chip 同 Strawberry！
而家嘅 Häagen-Dazs 甜到飛起！唯ㄧ我會食嘅只得Strawberry！阿仔就係
Vanilla 同 Strawberry！
唉層經…層經佢令到我半夜由慈雲山飛的去尖沙咀，只為ㄧ再品嚐佢嘅味
道！又層經身為 VIP 嘅我，為咗用埋將生日 coupon，結果籮咁大個肚嘅我
（8個幾 9個月嘅大肚婆）同個 friend 拼命食咗個 Around the world 同外加ㄧ
個雪糕球，結果半夜三點幾鎮痛；第日中午仲生咗仔仔添！
攪到我個 friend 比我前上司鬧，話佢做乜要同我ㄧ齊癲，（兩個人食成 10
個雪糕球）攪到我早產喎！Sorryㄚ！My friend 我為食，累咗妳添！至于
我早產關唔關事就唔知？但 6 個月起我已經飲涼茶、食芝蔴糊播！
另外，仔仔嘅至愛意大利雪糕品牌Pappagallo 嘅芒菓雪芭，簡直好
似食緊啖啖幼滑嘅芒菓雪芭咁！Yummy！
仲有以前嘅 Delifrance 嘅三文魚加碎蛋沙律法飽、Oliver's Super
Sandwiches嘅煙火雞加黑椒火腿三文治（飛邊）、同茄汁焗加碎蛋沙律（多
牛油、煙肉走葱）焗薯，真係超級好味！（洗唔洗食得咁刁轉？尼 D 都係
拜識飲識食又縱我哋嘅爸爸所賜啫）而家？！而家尼幾間嘅水準？！咪同
我已經末落咗嘅爸爸ㄧ樣，要求低囉…＝只係 Keep 到ㄧ般水準嗱…！唉！
可能個人老了，所以總係覺得『新不如舊』！
ㄚ！直得ㄧ提嘅系以前係响銅鑼灣 近 Time Square 隔鄰，霎東街嘅
何洪記尼間絕對係貌不驚人（以前唔知），但係買成 $20幾30 蚊碗雲吞麵
、簡直係正！雖然係細細碗，但絕對令到我會心甘命抵再 Encore，佢 D
麵質彈牙、湯底正，雲吞會唔過大、ㄧ啖ㄧ粒剛剛好，又有蝦嘅鮮味！真
係令我倆母子再三回味！諗起而家都想再試…But，太遠了！ （雖然，冇
試過佢哋嘅粥，但係都好多人食，D 味仲好香添！）
不過，好彩旺角中心對面嘅好旺角麵家嘅蝦子撈麵同南乳猪手麵都
好好味！又係 Encore 之作，我仔仔最愛係魚片（魚蛋）麵、老公同我ㄧ樣
愛蝦子撈麵！（如果有日你見到倆母子好似餓咗十世嘅，食兩碗兩碟；請
不必驚訝！厘兩個可能係我哋！Anyway，我哋倆母子最高記錄係三碗兩碟
至啱！）
講完以前，又講返‘尋’日！昨日的確係食神搵上門嘅好日子，
因為朋友想要上次我網上 Order 嘅 Birthday Cake 嘅電話，于是我 Send 咗
個電話同網頁比佢之餘，又勾起咗我心思思想試試佢新加嘅朱古力咖啡
蛋糕 Opera 有冇 YMCA 整得好，結果？梗係 Order 咗啦…哈哈！
當我食完個出前ㄧ丁半個鐘頭，仲未落格嘅我！面對住ㄧ個充滿
咗蛋糕嘅香味嘅盒…哇！個蛋糕簡直係猛叫我『食我啦！食我啦！』咁！
有乜理由唔食佢尼？！點知唔試由至可，ㄧ試又停唔倒口啦！5 吋嘅蛋糕
比我食咗三份ㄧ…唔 Yummy！之後？咪撐住個肚囉！
佢嘅咖啡味好香，D cream 有濃濃嘅咖啡香味、夠滑唔會太甜、蛋糕
夠鬆軟，Dark chocolate 濃郁香滑又唔苦！總之洽度好處！我同仔仔都覺得
好正，我甚至覺得牠比 YMCA 還好，可是，老公竟然覺得佢唔夠甜？！
Order 網址 ：http://hk.user.auctions.yahoo.com/hk/booth/kitchen_user08
勁愛之作！強烈推介！
晚上竟然友人請我們去高流灣食宵夜！噢！唔係我老公嘅家鄉，係
尖沙咀山林道嘅高流灣火鍋店（樓上鋪）！
昨晚我先至發現完來冬蔭公湯底同海鮮可以咁夾嫁！個冬蔭公湯底
咁正，我梗係整番碗先嗱！（不過愛辣嘅人可能就要加辣！）估唔到佢用
嚟啅新鮮嘅象拔蚌會係咁 Perfect match！
三文魚新鮮又肥美，連唔鍾意食生嘅蝦嘅我都忍唔住食咗隻！哇！
佢真係爽滑彈牙又鮮甜！再嚟三杯新鮮嘅海膽漱漱口，哇！好甜ㄚ！再來
…生豪、餃子、魚皮餃、手打鮮墨圓、蟹子蝦絞油炸鬼…乜鬼？！噢！尼
個個樣ㄧ般，但係好有特色嫁！將蝦絞油炸鬼浸落去海鮮湯底ㄧ鎮，（因
為蝦絞重、油炸鬼輕所以唔洗會太林！咁！當然唔好淥到唔記得咗佢嗱！）
哇！估唔到其貌不揚嘅佢，蝦絞彈牙、油炸鬼夠脆再加埋 D 蟹子响
個口裏面卜卜聲咁特別、又好味！絕對令你有全新嘅口感！
最令我另眼雙看嘅竟然係 –餃子！佢絕對唔係普通嘅餃子！（呂奇
口音）因為佢係ㄧ隻ㄧ食就深深愛上嘅– NN！（盧 David 口音）海膽餃
子！哇！好好味ㄚ！（因為掛住食同傾，忘記影底張相添！唔…太好味啦）
我都未試過打邊爐唔食例牌邊爐食品（芝士腸、生根、枝竹…）、
又唔用沙爹湯底、沙茶醬都食得咁開心嫁！
公平 D！唔食牛肉嘅我都覺得 D 肥牛片得好薄、好新鮮！老公同
仔仔都覺得好正！
仲有唔食聖子嘅仔仔，竟然聞倒人哋嘅蒜蓉蒸聖子之後，仲Order
咗個聖子，食咗兩隻成隻手掌咁大嘅聖子添！But，之前佢食咗兩個烏冬、
牛肉……嫁！食到佢撐住個肚仔！
↓流口水？！哈哈哈！快 D 去試試嗱！佢哋 D
海鮮天天入貨嫁！↓
講開尖沙咀，有間响彌敦道樓上鋪避風塘興記，差館對方嘅，佢哋嘅
避風塘炒蟹（辣）、燒鵝瀨同乾炒牛河都幾好味！但就好貴！D 人又串 D！
『尼度無 Menu嫁！寫晒响牆度！你想炒 D 咩ㄚ！』
P．S．：–
你比我講到好想食？！係ㄚ！我 D Friend 成日話同我ㄧ整食飯攪到好似樣樣
都好好味咁嫁！哈哈！
沒有留言:
發佈留言