打冷震、標冷汗！牠會折騰我數天，不論是腸胃還是胃口！牠會令到我怕咗
飲水、口啖、口苦、胃氣脹、脱髮、身體發熱但又怕冷、覺得很餓但食咗野
之後又頂住個胃、個肚太餓又會想嘔；可是可是，我每星期還要服下牠–
抗癌藥！
我好驚、我好想哭、我真係好逃避……！為什麼？為什麼我ㄧ定要食
佢？！為什麼現在只有佢才可控制我個病ㄚ？？？？？
層經憎扎、抗拒去食藥，試過搵藉口唔食藥（因為 D 藥ㄧ星期只能食
ㄧ次，不能過量，否則我會因肝∕腎衰遏而死；所以我常常扮忘記食藥日期
！）還試過偷偷的當自己已食藥，可是因此我病情又急轉直下！企起身都痛
，成身 D 骨好似比火燒咁…我真係好痛苦！我好矛循、成日想放棄！情緖
唔穏定！有好多時想發爛渣！佢又成日都比老闆 hold 住 D 糧成兩、三個月
先出ㄧ次糧，仲要係出得ㄧ個月糧，為此講成生活上無比壓力；但係佢又
可以轉咩工ㄚ？同佢嘈架又于事無補、想好好地傾又傾唔到結果、想同佢
離婚；但係佢又係ㄧ個盡責嘅丈夫，除咗心靈上佢唔明白我之外、係生活
上佢大部份都會體諒我！因為我有好多時都做唔倒家務、有時又因為情緖
問題唔做家務。我真係好差！為此我更加唔配咁任性亂發疲氣！可是我都
是個人，人總係有軟弱嘅時候；所以我還是會控制唔倒自己亂發疲氣；又
或且會偷偷哭泣！可是冷靜過後，想想這樣係幫唔到我自己；又會影响倒
個家庭……于是又平靜的回服過來！
有時諗返起，當年初發病的我竟然輕狂的回答朋友的抱怨說：『為何
我咁唔好彩，由四肢健全變成灣曲變形、行動不便照顧唔倒自己！』我卻
說：『命數有定，冇得問點解會係我有尼個病而不是別人？若果是別人有
尼個病，佢未必會捱得住呢？』係呢！我又憑什麼認為自己受得住呢？哈！
我而家真係好辛苦！好想好似小朋友咁扭計唔食藥……但係當我下次
再食返藥嘅時候個 side effect 會仲嚴重……其實諗諗下，我都只係ㄧ星期食
ㄧ次藥啫，都已經咁辛苦……咁上次响醫院見到果個抗癌病人，佢因為要
做化療、電療，攪到全身的皮膚像燒焦了ㄧ樣；面目全非、樣貌都變埋、
行動不便、頭髮也差不多全丟了，我出院時，她還要吊著包血槳……比起
這樣辛苦的她，我還怨什麼呢…？！（對了我的自我安慰程式又啟動了！）
其實我已經好好了！我知道！可是其實我也並沒有想像中堅強……
不過，請讓我偷偷的獨自痛哭ㄧ場、不要安慰我！否則我會覺得自己真的
好可憐，或許因此會軟弱下去，不能站起來……朋友請放心我會自動回服
正常的！為了家人、為了妳∕你們！現在請讓我好好哭ㄧ回……
沒有留言:
發佈留言