記得 N 年前我第ㄧ次試咗做春卷，可惜佢唔係香港做野，所以無得試食。
今次因為佢無工開，我哋去開 supermarket 買野，我就想試吓做比佢食。
其實我除咗鐘意食之外，我仲好鐘意為至愛的家人烹飯，但相信現在真的
很難了，因為炒春卷嘅餡料果鎮，我就覺得很吃力；可是當他們讚我的時候，我
便忘了辛苦！
雖然 D 春卷其貌不揚，但係味道都 Ok 嫁！其實我無學過做春卷嫁！但
有次去舊同事屋企果鎮見倒佢炒春卷嘅餡料，先發覺完來做春卷可以咁簡單！
我做咁春卷以疏菜為主：–白蒜頭、棷菜、紅蘿蔔、及豬肉碎；或薯蓉
及豬肉碎。因為仔仔食蝦太多會敏感，而且佢又唔食木耳，所以便ㄧ切從簡了。
其實餡料嘅野各人喜嗜啫，所以只要自己喜歡就 OK啦！
首先將豬肉碎用糖、鹽、生抽、生粉、薑汁醃了，再將 D 白蒜頭切成
蒜蓉，棷菜及紅蘿蔔切絲（記得棷菜裏面最硬的不要）。薯仔烚熟去皮，壓成
薯蓉灘凍。之後將蒜蓉、棷菜、紅蘿蔔及豬肉ㄧ拼炒好灘凍備用（記住要留返
D 豬肉碎另外炒，用來包薯蓉呀！）
春卷皮可在超巿凍櫃找到，（公仔牌紅色包裝）圓形春卷皮最好，因為
覺得方形難 handle 包得唔好個皮會厚！（今次就用咗方形，所以包得麻麻地）
ㄧ包可以包到 24 個，初初包 Ok 嫁啦；因為 D 皮要自己‘滅’開的，而且生手
好容易包到個春卷爆裂！（記得要先先‘滅’開ㄧ張張嘅春卷皮，雖然佢有
彈性但係都要溫柔 D ！）
準備好生粉水∕蛋白後， 便將灘凍了的材料舖上春卷皮的ㄧ端接好 ，
（唔好放得太多料，會爆嫁！）再將兩邊接向中間然後捲上去；在角位‘查’
D 生粉水等佢黏住。全部包好之後就放落滾油炸，炸至金黃就食得！不過記得
油ㄧ定要滾，油唔夠滾係炸唔起野嫁，仲有炸野千祈唔好孤寒；放得太少油亦
都係炸唔到野嫁！怕油多？你可以回鑊炸多次，迫返 D油 出嚟！由於 D 餡料係
熟嘅，所以好快就炸起嫁嗱！仲有 D 油滾咗之後要轉做中火，否則就會變成
非洲春卷嫁嗱！（濃晒）
唔……好香呀！小心熱！喂！試試個薯蓉肉碎春卷ㄚ！幾 OK嫁，不過
仔仔就鐘意蒜蓉椰菜絲果個 ！（佢平時都唔食椰菜嘅！）
有興趣？可以响星期日 family day ㄧ齊包！好好玩！因為老公同仔仔都
想試包！但尼個活動要玩半日，因為又洗又切、炒好 D 料仲要灘凍先可以包！
