Biscuit & Tea

            最近又懶又無 mood仲唔想出街添（除咗有衝動想去西九美酒佳淆嘉年華

之外）！唉…自閉咗咁多日，終於比我發現到一隻好正嘅 fruit tea 同牛油餅乾！

        上個禮拜諗住入番盒大吉嶺嘅時候，就見到同佢同一隻牌子嘅 fruit tea，

反正秋天又係沖熱飲嘅時候，咪買番盒仔仔至愛嘅芒果茶。AHMAD-London-

mango black tea，尼隻又係英式嘅生果味紅茶。既然有紅茶梗係要配番餅乾

嗱，尼隻嚟自法國嘅牛油餅乾 St Michel GALETTES  Tout au Beurre 非常

好味、牛油味又香，不過若然妳 on diet 緊就要小心，因為佢又係一個糖份陷阱

！我都覺得其怪，正常牛油味餅乾應該係偏鹹；但係佢入口係甜甜地嘅，望吓佢

嘅成份……嘩！原來佢牛油同糖嘅含量足足有成 56% 之多，唔怪得知佢會有甜

甜地嘅味道嗱！佢薄薄地、脆脆地咁好易唔覺唔覺就食咗 10 塊，佢一包約 20

塊， $23/包。

        至於隻芒果紅茶，一盒有 20 包獨立嘅錫包裝，沖出嚟好香芒果味；不過

由於係紅茶，所以唔好浸泡過度，否則會太濃同澀口。我建議最好用杯沖，可以

加少少蜜糖∕沙糖，我哋就用蜜糖；甜甜地又滋潤，咁嘅沖泡方法，可以飲兩次

。不過，我通常第二轉就唔加蜜糖，齋飲原味！仲有尼隻茶包都幾易沖，水溫

60~70℃ 都沖到。