螳螂

             有眼睛的螳螂你見過嗎？我以前從未見過咁特別的螳螂（除咗電視機）

，現實版嘅淨色、好大隻果 D 就見過唔少！果晚仔仔見到隻螳螂响我哋屋企

門口，就想捉佢嚟養，但由於佢屬於又怕又要睇果隻，所以咪叫老公幫佢捉入

個嚟；不過一諗起電視機個節目介紹過，要養螳螂除咗要捉昆蟲嚟餵佢之除，

佢最重要係食我同仔仔勁怕嘅曱甴ㄚ……OOO太恐佈啦"……

        所以，仔仔決定放棄嗱！放返佢出門口，不過老公話佢都應該就死喎！

因為佢原來經已响我哋屋企門口企咗兩日！結果第二日真係見到佢死咗 lu~

美麗嘅螳螂就咁瓜咗……昆蟲嘅生命真係好短暫！ ㄚ！點解 D昆蟲死嘅時候

都係反肚嘅呢？？

            其實住近山邊都真係見到幾多昆蟲嫁！我仲响屋企樓下見過 D 低飛嘅

蝙蝠添！你睇吓幾大隻青色嘅飛蛾，佢頂頭仲有條紅色線，好靚嫁！以前住

慈雲山果鎮仲試過有蟬飛咗入嚟添，佢都的確係幾嘈嫁！