Wow！終於追完小說版–「泡沫之夏」！原本真係想擁有尼三本書，可是
望著家中的收藏…而且網拍的價又被炒得太高了，想租又租唔到…so…算把啦…
唯有上網睇吧！不竟這一部已是明曉溪 08年的作品了！嘩！故事真的寫得很好！
完整的感情描述，讓我也感受到兩位男主角洛熙和歐辰強烈的感情的爆發，還深
入了解到女主角夏沫與洛熙和歐辰他們的三角感情關係。真是一個動人的故事！
在小說中，妳較會被痴情的洛熙所感動。坦白說，我覺得小說中的洛熙真
的比黃曉明所演的好太多！唔知道係咪編劇嘅關係；定係佢還未可以 carry 到
尼個角色！總係覺得佢演的洛熙太唔自然了，有點造作；所以好難令人投入佢
對夏沫果段愛到至死不渝嘅感情！Catch 唔到佢嘅愛有咁深厚！Feel 唔到！
（唔通係因為大 S個裝化得到太白，定還是係佢個髮型太似假髮呢？Anyway，
同幾個睇過套劇嘅人討論過，結論係頭段劇拍得麻麻，但係中後段就好好睇！
總之，睇完劇再睇小說個感覺會投入好多！咁先似真真正正睇完晒全套劇囉！
正！）
响小說入面嘅洛熙的確係一個悲情男主角，睇完本書先至可以感受得到
佢有幾慘！真可憐！一段愛得咁刻骨銘深嘅愛情，係好難以抽身！不過，若然
一個人可以從愛到要生要死中徹悟，的確係來得不易！（在現實中，那種被人
挖空了的心的日子，真是非常非常難過；但當你再回頭看看你的家人及朋友，
日子就會慢慢捱過去了！）
其實，難怪他會極度沒安全感，自小就被親生母親的拋棄他，又怎會輕
易付出感情？！當佢三番四次以為得到幸福的時候，卻又被人家拋棄！這樣成
長的他，又點會輕易對人付出真心？更何況是愛情！所以當他淌開心扉愛著
夏沫時，那情感的釋放，真是難以預料！因此他才須要確確實實的感受夏沫所
付出的愛情；但可惜他最終所得到的卻是患得患失感覺，這結果他實在難以接
受吧！所以他才會怕得將夏沫推開，他以為只要這樣便不再怕會失去，不過佢
太過低估自己對夏沫的感情……因此才會傷得自己那更深…！
從來在夏沫心目中，愛情的份量怎重也不及親情重；所以在無可選擇之
下，犧牲自己的愛情也是理所當然的事！從來被愛的人就是最幸福！
雖然歐辰的強烈佔有慾，令人有點窒息；但是他對愛情的尊一，以及深
情的守候，令人不禁為他偷偷加分，所以佢最終得到夏沫的愛，也好像是理所
當然一樣！
無論你鐘情於歐辰定係洛熙，尼一個愛恨交纏嘅三角戀愛故事，都是非
常精彩，希望你都愛看這套小說。（我本人就覺得個結局好正常，你呢？）
另外，「泡沫之夏」是有出漫畫版的，但故事有少少出入，不過我還是
最愛小說版；但由於漫畫的彩圖實在太靚啦！So, 我一定要 post 出嚟同大家
分享！（我自己都轉咗個 wall paper 啦！哈哈…）
近期我除咗愛上「太王四神記」果兩首歌之外，尼首亦係我超愛聽嘅！所以話
尼好戲好歌，超讚！Enjoy！
記得我愛過 MV – 何潤東
http://www.youtube.com/watch?v=QjU7FICyGgM
泡沫之夏 小說版 I, II & III - 作者：明曉溪 : -
http://www.yqhhy.cc/3/3756/
泡沫之夏 (漫畫版）– 米沙 - 作者：明曉溪 : -
http://www.manhuadao.com/search/q
沒有留言:
發佈留言