果晚剛剛過旺角 登打士街嘅乳酪雪糕店Yoppi ，咁啱我又想食雪糕，
而且我見佢都幾多人買，所以咪試試平時仔仔好鐘意食嘅 yogurt。
不過可惜，淨番嘅味道唔多，得番荔枝味同原味咋！Ok 嗱，反正好想
試吓啫！1 杯普通裝嘅乳酪雪糕都只係買 $17 蚊，仲送埋 1種配料添！（好似
朱古醬、芒果粒、聰明豆、爆珠同 Oreo……等等，但亦係因為夜咗，所以好多
味都買晒！So, 為咗唔想太酸，我就簡咗荔枝味雪糕配荔枝味爆珠；而仔仔因為
買咗中型嘅 size $22，所以可以簡兩種配料，於是佢果杯就係原味雪糕加荔枝
味爆珠同 Oreo。
第一啖放入口，味道酸酸地真係好唔慣；同傳統嘅雪糕入口甜甜地嘅味
道，差別真係好大！不過，食吓食吓再加埋 D 甜甜地嘅荔枝味爆珠混和係口腔
，的確係有另一番風味。當你食到飽飽地，但係為食癮發作；又想食甜品果鎮
，食佢就最啱！仲有 on diet 緊又為食嘅你、易肥嘅你都好啱食！（不過，大
前題係你 accept 到佢嘅酸味！）
但切記，若你想當飯後甜品嘅話，最好倆個人share 1 杯普通裝嘅乳酪
雪糕，因為佢酸酸地比較易入口，所以唔覺唔覺會食到個肚脹晒！果晚，我哋
就錯晒嗱！因為太輕視佢 1 杯嘅威力，我咁大食都食到撐住個胃，仔仔？！佢
仲叫中杯添！最終梗係 嘥 咗 1/4 杯嗱！（再加上佢果杯原味，又唔好味，所以
……吓……）
我自己最喜歡係食爆珠，好味又得意。當佢薄薄嘅依响口腔頂爆咗果鎮
；D果汁流出嚟嘅時候，個感覺真係好得意！我覺得佢嘅發明者，真係有腦，
兼抵讚！
下次我想試試佢哋嘅朱古力味加芒果再加爆珠！A！佢哋嘅店員同老闆
都好 nice！
沒有留言:
發佈留言