出前一丁終於出咗尼隻黑麻麻包裝嘅新口味–黑蒜油豬骨湯味！唔知
大家係咪經已試咗，仲愛上埋呢？依！你仲未買到？！咁又難怪嘅！前排大
家都吹奉到尼隻黑蒜油豬骨湯味有幾香、有幾正，攪到超市斷晒貨，想買都
好難！
查實我上個月已經試過，不過因為老公煮到個湯淡咗，所以我就唔多
覺佢嘅黑蒜油有幾香，反而我仲覺得佢缺少咗慣常嘅豬骨湯香味添！之不過，
我個仔仔食完之後就勁讚；話佢嘅黑蒜油勁香，仲帶出埋豬骨湯嘅香味，仲話
以後要改食尼隻口味喎！所以話呢，味道嘅野，真係各人都唔同。或許，大家
都已食到厭掛！你哋覺唔覺得出前一丁嘅原味愈來愈唔好食呢？
今次去超市入貨，見到仔仔嘅新歡，咪即管買番幾包。到今日我自己煮番
濃 D 個湯，終於都食到佢濃裂嘅黑蒜油味，的確係幾香嘅；不過唔知係咪因
為 D 黑蒜味太濃，所以蓋住咗原有嘅豬骨味。我此終還是愛原本嘅豬骨湯味
同極辛豬骨湯味多 D（佢 D辣醬真係好辣、又夠香）！
咁你呢？試咗未呀？！
沒有留言:
發佈留言