許留山–特盛全芒宴

            仔仔至愛食芒果，既然許留山–出咗個$88 一共 9 款嘅特盛全芒宴 。

我哋又點會錯過呢！果晚我哋雖然係食到飽飽，但係經過許留山嘅門口時，

都實在係受唔住誘惑；雖然老公口嗡嗡話$88 咁貴，係妳哋先話抵嫁咋，但

係我同仔仔一於當聽唔到，行入去會一會尼個特盛全芒宴 有幾正！

        阿仔仲話 9 個咁少，佢一個人都可以食晒啦！我打晒眼色話：「你係

咪想死？下次先同你再食過嗱！」（對於一個認為甜品唔重要嘅人嚟講，要

用一個鐵板餐嘅價錢嚟食個甜品，就算有 9 小碟，佢都覺得係超奢偧嘅，so

浽期要佢接受，不如算把啦！）。

        於是，仔仔就係好唔情願底地將尼個特盛全芒宴同大家 share 啦！當

9 款甜品一齊送上嘅時候，的確係好養眼、令人好開心，尼 D 就係甜品嘅

魔力！

        既然仔仔肯讓步，我就比佢簡番佢嘅至愛：芒果小丸子、撈河、布甸及

糯米慈（佢去許留山必食的芒果甜品）！而我就將芒果水晶晶比咗話要齋坐嘅

老公分享（雖然佢話唔駛！）其實當一家開開心心咁响道分享緊甜品嘅時候，

你一個戇居居咁坐响道做乜呢？既然一家嚟到就要一齊分享先至開心家嘛！

        至於餘下嘅：芒果凍餅、奶凍、慕絲同燉蛋，我梗係分 D 比大家試試

啦！而且我平時同仔仔都試過晒芒果小丸子及撈河…等等嘅甜品。

        9 款之中最特別就梗係新出嘅芒果凍餅、芒果慕絲同芒果奶凍。先講

芒果凍餅嘅味道，其實係有 D 似雪硬咗嘅木糠布甸；再加咗 D 芒果肉响入面

，凍凍地硬硬地好似食雪糕咁，味道都幾好！惟獨是佢面頭木糠太粗，如果能

夠做到好似木糠布甸咁就 perfect 啦！而芒果奶凍好滑，味道唔錯嫁。芒果

慕絲嘅口感較為粗糟唔夠滑，不過都幾 ok 嫁。

        其餘嘅推介有一向保持到水準，無論去邊間都好味嘅：袖珍芒晶晶（芒

果水晶晶）同芒果撈河。至於小丸子口感偏硬，但仔仔照樣愛吃。佢食完之後

，仲話要 encore 多一個自選小盛宴添！我當然唔比啦！俗語有話「小吃多滋

味，多吃壞肚皮」ㄚ嘛！

        9 款裏面最難食，莫過於係滑滑燉蛋，皆因燉蛋無味；而面頭的朱古力

脆脆味道又怪怪的，實在好難令人喜歡。

        睇完 D 咁正嘅甜品，愛芒果嘅你係咪好想試吓呢？9 款太多食唔晒？咁

你大可放心，因為貼心嘅佢哋提供咗多一個選擇比細食嘅你，就係–自選小盛

宴啦！你可以比用 $39 嘅價錢，响 9 款入面任簡有 3 款。係咪好抵試呢？