自從同好友 Fi 响馬鞍山食過蜜糖芥沫羊仔肉飯之後，就愛上這個醬汁同羊肉
嘅配撘。既然上次我煎羊架咁成功（味道滿分！自己及家人都滿意後），我就
信心大增！
今次想試試做尼個菜色，因為做法比較簡單，但後來先發覺自己唔識做尼個
蜜糖芥沫醬汁；於是就打比 U 求教，順便問埋羊肉嘅醃料。ㄚ！果然係識煮
識食嘅 buddy。（多謝妳呀！）
煮完之後，總覺得用料錯配，應該要用較為厚身少少嘅羊仔柳，同埋要用法國
果隻芥沫醬先至 perfect！因為羊肉片太薄啦，所以好易煮到太韌，如果改用
羊仔柳煮完個口感會嫩滑 D；至於尼隻英國芥沫醬，雖然入口較為辛辣，但係
質地太粗、太咸啦，都係用嚟配熱狗啱 D！（無偈啦！我個 friend 都講過，
不過我屋企樓下間超市無尼隻 $30 幾蚊嘅貴野買呢！）所以話尼，食材真係
好重要嫁！
當然，味道算合格啦！但係以我第一次嘅作品嚟講，都 ok嫁啦！（雖然老公
話個醬汁略甜、羊肉又韌咗 D！）Anyway, 吸收咗今次嘅經驗，相信我下次
會煮得好味 D 嫁啦！
如果你都有興趣想試試尼個菜式，以下嘅資料比你參考。
羊肉醃料：–鹽、黑椒；及 百里香（Thyme）。 建議用羊仔柳，會嫩 D、
好味 D。
蜜糖芥沫醬做法：–法式芥沫醬、檸檬汁（幾滴）、蜜糖（適量）；及淡奶
（適量）。味道方面要自己調較，因為每個人口味都唔同。
做法：– i）先煎一煎羊肉；
ii）然後再煮一煮調較好的芥沫醬，淋上羊肉面就 ok 嫁啦！
沒有留言:
發佈留言