其實上年見到東海堂同美心都出咗尼隻非常可愛嘅甜心冰粽果鎮，
我就心思思想試吓，不過可惜周圍都買晒！今年路經美心見到，我就
毫不猶豫咁買咗 2 pad 返屋企試。（1 pad 榴蓮 同 1 pad 楊枝金露）
嘩！一拆開 D 粽葉就見到佢透明嘅外表，包住我嘅至愛–榴蓮蓉
，唔…一啖咬落去，口感煙韌、又唔太甜，好正呀！個感覺好似食緊榴蓮
水晶包咁，但係又有塊粽葉包住喎，攪到自己好似真係拆緊隻粽咁，好得
意嫁！雖然佢哋 sell 嘅係話用馬來西亞榴蓮王，但係我食落又唔覺佢特別
香榴蓮味，可能因為榴蓮蓉唔係太多掛；不過如果當係榴蓮甜品嚟食個
味道又真係算唔錯，天氣咁悶熱，嘆番個雪到凍凍地嘅冰粽，真係賞心樂事
！佢細細件咁，仲無冰皮月餅咁漏添！以後端午節就唔會咁悶啦！（By
the way, 因為急住介紹比大家，張相尋日比我唔覺意 delete咗，真係
激死！）
不過仔仔試完個楊枝金露口味，就話好難食，佢話個味道怪怪地。
今日我試完都覺得佢嘅口味怪怪地，皆因你初初會食到有輕微嘅芒果味，
但食食吓，會食到有 D 似柚子皮嘅條條，總之就一D 都唔似楊枝金露嘅
味道啦！No good！
另外，我試埋東海堂嘅紅豆同芒果冰粽口味，個味道好好，紅豆
又唔會太甜、價錢又抵！我相信端午節東海堂嘅冰粽都會係我嘅首選，
唔…等我試埋個富士蘋果味先。依…仔仔又話芒果口味正，攪到食鬼晒，
相都無得影添！呀！我個果道間美心嘅榴蓮口味已經買晒啦，不過佢哋話
會再返貨喎！所以想食嘅朋友就要有買襯手啦喂！
而價錢方面，美心係買$40 幾蚊 2 pad 散裝口味，1 pad 有
兩個，但散裝嘅選擇只得榴蓮同楊枝金露（差不多成 $50蚊）。若想試
富士蘋果味同芒果燕窩味，就要買 $ 75 嘅盒裝（一盒 3 款味道，沒得
簡。）我個人就覺得東海堂抵食 D 嗱！因為東海堂散裝 2 pad 嘅價錢只
係買 $36 蚊，但選擇就有 3 種：富士蘋果、芒果同紅豆；想買一盒 3 款
嘅盒裝都只係買 $ 56 蚊咋！（其實佢哋都係同一個集團啫，而且口感、
味道又差唔多，分分鐘仲要係同一間廠房生產添！邊個抵買？立見高下啦
！不過我個人都係以口味為首選！）
↓至正美心榴蓮味 ^ ^↓
↓楊枝甘露↓（唔好味）
自己想親手試整，以下有兩個台灣網站介紹比大家，不過 D 用料譯名，
我就唔多清楚啦！
鼎香居冰粽影音教室（台灣網站）：
http://www.dicg.com.tw/ice_zun_movie.htm
冰粽做法（台灣網站）：
沒有留言:
發佈留言