集體撞鬼–真人真事鬼故篇

△▲此乃是真人真事的鬼故，奉勸膽小者勿看！△▲  

      每年到咗尼個月份，就令我憶起已過世的好友 R.C.（阿 Ca）！當年

突然間接到好友 U 的電話時，真係好難接受，一個仲咁後生嘅人竟然選擇

輕生……最難令人接受係，明明响佢過身前無幾耐我仲“見倒佢”！我仲

同 U 講「我好後悔，為什麼當日唔同佢傾偈呢？！」點知 U 問我，究竟

我果日係幾多號返公司，我話「咪月尾果幾日囉！我仲見到阿 A 同 F、T

添！咩事呀？ 」U 話「你哋可能見到鬼……

       某日傍晚，因我身體狀況極差，手腳活動能力正在降至新低，心情

異常低落；但礙於果日有工事在身，所以必須要返公司一趟，因此我便在

傍晚約 6 點回到公司，當日天色好暗！返到去，先發現原來有幾個同事仲

未走，打過招呼後我便回到坐位。由於我的坐位是近住路口的文件櫃，所

以若有同事攞文件的話，我必定見到！

       可是當日由於我心情極差，如果唔係正面見到的，我都無打招呼。

突然間我則面望到 R.C.，佢著到一身黑色衣著，面色略帶灰，好沉默咁

企响道睇文件。（點解我只係用則面都咁清楚？因為我們相處了多年，

而且佢都企咗响道好耐！）不過，好奇怪佢無好似平日見到我咁講『喂！

加小姐返咗嚟呀！』，佢只係好安靜咁企响道睇文件，但係睇咗好耐；

然後我 feel 到好似望咗我一眼，一臉好似欲言又止咁。最奇怪係唔知點

解我會無叫佢嘅呢？

        正當我起身諗緊好唔好搵佢傾訴吓先至走嘅時候，同事 T 話『依！

阿 Ca 返咗嚟喎！你有冇見到佢呀？』我話頭先見到佢則面。 T 仲好努力

咁四周圍望話『依！唔見咗佢嘅？佢頭先仲响道固喎！』我話唔緊要啦！

我搵佢。（由於佢個位都幾近門口），於是我臨走前仲企咗响佢個位道等

咗一鎮，但係等唔到佢，所以我就返屋企！估唔到尼次係我哋見嘅最後一

面！唉！正確嚟講係我哋公司幾個同事集體見到一個“實體嘅靈魂”！一

個會行會走、面無表情、舉子正常嘅“實體嘅靈魂”（唯一特點係佢異常

安静，我好像沒有聽到她發出任何聲響，包括：行路、開文件櫃）！

         大家都意論紛紛，很害怕那天所見到的是同事 R.C.的鬼魂，大家

都在推論她的死亡日期，大家都很害怕返公司……雖然無人能夠確切地講

出她的死亡日期；不過很可惜跟據其他消息，那天大家在公司見到她的日

子，她並不可能仍然生存……因為她的家人在她無端失綜多日後才報警的

……到發現她的遺體時，已經……！

        同事及朋友 U 問我驚唔驚，老實講我唔驚，因為我無害過人又無做

過 D 對唔住佢嘅事！我只係覺得或許果次，佢只係想通知我哋；但佢見到

我個氣場咁差，所以才會欲言又止吧（這純屬我個人推論）！後來我仲安

慰同事，叫佢哋唔駛驚，就當果日見到嘅係人咪 ok 囉！而且佢又無嚇過

我哋，諗咁多做乜呢？不過，無幾耐我哋公司就搬咗啦！

        係果段時間有一件奇怪嘅事發生响我屋企，就係間唔時我會聞到家

中忽然有一鎮香味出現；但後來我同朋友 U 去拜祭完佢之後，那股香味也

就消失了！

        由於小時候的我感觀、嗅覺及第六感很強，因此我發生過及見過的

怪事太多，所以我一直本著爸爸的說話「平生不作虧心事，半夜敲門也不

驚」做人。（咁當然，無啦啦半夜有人敲門又點會唔驚呢？我只係本住

心正，無害人啫！）

再去 Mega Box – CEO 唱 K

             果日同小學同學去 Mega Box–CEO 唱 K，今次發現到佢哋又多咗

好多新款食物，難怪同學們都話我掛住食 buffet 唔唱歌，因為佢哋真係好

多野食嫁！

        圖中嘅藍苺芝士餅、黃色嘅唔知咩餅、奶凍、tiramisu、啫喱、

奶黃包、朱古力餅及朱古力心太軟都好好味！同學們都讚好！由其係新嘅

朱古力餅簡直係超正，朱古力味又夠濃。雖然 tiramisu 嘅牛油味係重咗 D

但係勝在夠滑！

        今次佢哋仲多咗種有生果味嘅“沙冰”（唔記得咗個名），不過係限

時段嘅！仲有即開嘅生蠔（成件手掌咁大嫁），又有半隻芝士焗龍蝦，魚生

、火鍋、迷你冬瓜蛊、（新增）打冷檔、串燒（串燒豬頸肉，好好味）…等

等（其他食物上次影過相，所以今次唔影啦）。

        又玩又食足足一晚，連 2 杯飲品加一， 1 人都係 $238 ，去邊道搵

呢？（星期六 喎！由 6：30pm~5：00am喎！）不過要提早電話

booking 至可以唱咁耐。（雖然我哋無唱到天光，但係都玩到 2 點幾嫁。）

So Happy！

逛出口店

            唔知大家仲鍾唔鍾意逛出口店嘅呢？我自己間唔中都會去執吓筍野嫁！

不過逛出口店嘅大前題係要有時間同腳骨力！缺一不可！

        因為要搵到啱你嘅筍野，真係要慢慢逐間掃，不過如果你去開，見到

間舖個格局，大至都知佢哋係會入 D 咩貨。

        其實而家嘅出口店同以前果 D 好唔同，唔再係齋買出口貨辦、退貨或

落唔切嘅貨，家鎮有 D 店舖仲會詐詐諦諦買冒牌貨（假野）！佢哋可能以為

剪咗牌就唔會咁易認出掛！所以執筍野嘅時候都要理智 D，如果唔係就好唔

抵嫁啦！ㄚ！突然之間諗起 N N 年前有人嚟公司收辦（買）辦，係一批批、

幾十箱咁收，價錢收得好平嫁咋，不過箱入面 D 貨係無得簡嘅！哈哈…有

筍野，size 啱嘅都比同事們簡晒啦！

        總之，而家要執平野都唔係咁容易，因為有 D 高質數嘅日、韓貨辦買

得一 D 都唔平；但係勝在款少、特別，質料又靚，所謂一分錢一分貨ㄚ嘛！

至於值唔值就見仁見志吧！

        我自己就偏愛質料靚、價錢又平嘅衫，果日為咗要買件平平地嘅間條

背心，就比我响花園街搵到 2 件又平又正嘅筍貨，哈哈…件恤衫同外套都係

買 $59 件咋！件恤衫仲有 size 簡添！佢哋間舖仲有 D 勁抵買嘅睡衣套裝，

又薄又多色，亦都係買幾十蚊咋！

        所以話平野有好野，問題係你有無時間去搵呢？

好鍾意尼件衫嘅 quality！

自制–桂花糕、桂花蜜糖

              天時暑熱，想自制 D 有益又健康嘅凍飲、甜品比老公同仔仔食，

於是逛超市時便買咗–“桂花”嚟試試。因為貪佢可以止咳化痰又潤肺，而且

佢又平、有益、又易整（想像中），於是便買埋大菜絲返屋企試試。

         返屋企上網挖挖，發現原來都有幾多關於桂花嘅食譜，最下面有兩個

網址同大家分享（有圖）。既然桂花咁易整，制作過程約 15–30分鐘就 ok

，而且桂花糕好快凝固添！雖然第一次整 D 桂花糕凝固唔到，有少少剉敗感

，不過當佢倆父子都讚–桂花蜜糖好飲嘅時候我就好開心！反正從新整過都

唔駛半個鐘！

          桂花有乜功較？飲用桂花泡茶可以消暑降火氣，清香又潤喉；仲可以

止咳化痰、養身潤肺、淨化排毒、消除口臭，亦能消除胃部脹氣不適。桂花

–產地是亞熱帶（中國、日本都有），開小白花，花性溫和，氣味芬芳、清

新，能舒緩焦慮情緒。（這段資料節錄自書本「戀戀花草茶」–作者：

屈凱苓。）

          其實沖泡桂花茶好簡單，你只要放適量桂花，水溫無須太高（約

60℃）；沖泡好可加適量蜜糖就更加好味，極之方便！（亦可放入雪櫃當

凍飲！）仔仔飲完桂花蜜糖熱飲，都話喉嚨舒服咗好多。

       至於桂花糕制作方法極之簡單，你只須準備：–

1) 桂花             一湯匙∕自己調節 
2) 冰糖∕片糖      適量     
3) 大菜絲          適量   
4) 魚膠粉          少量


☆★其實各材份量要根據你個煲或水嘅份量自己調節，唯獨魚膠粉只要放

      少量才能令桂花糕凝固，但如果放得太多，糕會變得好硬身！（如果

      無信心，就參照以下網址之份量制作吧！）☆★

去邊道買桂花？我响百佳買尼樽嘅價錢係 $43 蚊，不過去“南貨舖”、

花茶店都可以買到。

桂花糕制作方法：–
i) 先用凍水將大菜絲淹軟，剪碎備用。

ii) 加入一湯匙桂花、冰糖∕片糖、大菜絲煮滾，待水滾起後再放魚膠粉攪
    均再煮一鎮。（約煮幾分鐘。）

iii) 待“桂花糖水”涼後，倒入膠模，放入雪櫃便可。

↑第一次這些大菜絲放大少、又無落魚膠粉，所以最終凝固唔到！可惜！↑
↓第二次終於成功啦！好開心！↓

↓可能大心急，甩模嘅時候崩了！又或且應該再雪耐 D 先得！↓

    
桂花糕

http://blog.yam.com/ivman/article/7987975

桂花 果凍

http://jacso.hk/kwanlee/35860/2010/06/11/242071

Yogurt queen

          最近我愛上了 yogurt，試完一間又一間，如果出到街見到有乳酪店

就好想食番杯！

         星期一响酷熱天氣警告底下，條街曬到罄烚烚，食完杯火麻仁之後仲

未消到暑；咁啱行過尼間 Yogurt Queen, Sales 妹妹又鬼咁 nice 比咗杯

少甜嘅原味 yogurt 比我試，又見我好想試試 D 配料（朱古力粒同綠茶點子）

，於是就比咗 D 我試吓，試完之後，我就買咗杯 $28∕1 種配料嘅 yogurt啦！

         試過幾間 yogurt 店之後，我個人同補習妹妹都認為自坐店嘅乳酪較為

易溶；乳酪較散唔夠實，而乳酪嘅酸度較淡，所以如果想食一杯正宗乳酪，都

係去尼 D 無自坐嘅舖頭好 D！

         尼間 yogurt 店除咗 salesgirl nice之外，$28 蚊杯嘅乳酪都幾大杯

，乳酪又夠實、唔太甜、酸度又夠，配埋爽爽地嘅綠茶點子嚟食，口感好好，

正！下次行過大圍要再食。        

            不過，佢哋買嘅 yogurt 只係得原味，但原味都有 3 種選擇。（我食嘅

係少甜！）

Yogurt Queen

大圍,村南道 15 號,

富嘉花園 26 號 B 地舖

www.yogurtqueen.hk

Mini Mini Frozen Yogurt

            果晚食完飯，正當我心思思想食 Yogurt 嘅時候，就見尼間叫 Mini Mini

Frozen Yogurt 嘅自坐乳酪店（可惜又係無得坐，咁又係家鎮 D 舖租咁貴！）

        我簡咗黑朱古味同原味乳酪，再加荔枝爆珠、士多啤梨、藍苺…等。我

買尼杯 $28 蚊，仔仔就買咗$35 蚊。

        味道係 ok 嘅，但係唔夠滑，自坐店嘅乳酪果然係較散，入口“即溶”！

係一路食一路溶！（唔知係咪關溫度嘅問題，定係 D 質料呢？）而略嫌佢哋嘅

原味乳酪唔夠酸，但係配埋荔枝爆珠同生果食就啱啱好；而朱古力味乳酪雖然

唔酸，但係朱古味唔錯，仔仔話隻青蘋果好好味喎，我就唔感試啦！

 

 

 

 

Jusco吉之島–十蚊店

             
               唔知大家喜唔喜歡心型用品呢？好耐之前我層經想同妹妹爭買 $10

一隻嘅心型杯，但後來因 Jusco吉之島嘅十蚊店缺貨所以買唔到，不過幾個

月之後又比我偶然响另一間 吉之島嘅十蚊店相遇，於是我就急不及待買了兩

隻返屋企用；但最終竟然發現原來心型杯响用起上嚟嘅時候，係非常之唔啱

嘴型嘅，嗽口果時仲會漏到成身水添！妹妹話只你習慣用就唔會再漏水出嚟

喎！吓？咁鬼唔方便，都係算把啦！（就係咁比我擺埋咗一邊！）

        只不過，若然妳係獨愛心心，又想懶浪漫咁，妳就可以响吉之島十蚊

店搵到妳至愛嘅心心啦！因為佢哋有好多唔同類別嘅心型膠制家品可以比妳

配襯，有心型：杯、碟、羮、 盆、筲箕……等等。任妳隨意打做一個浪漫嘅

廚房同浴室。呀！至於心型嘅瓷器，佢哋好似除咗一對小小嘅心型咖啡杯之

外，仲有一兩個 item 嘅瓷器，只要妳耐心搵，响尼道隨時都可以買到妳嘅

心頭好。不過要注意，佢哋雖然係十蚊店，但有部份貨品並唔買十蚊嫁！

        如果心型你唔啱，佢哋仲有可愛嘅熊仔形狀嘅食具同膠制家品，咁你

就可以買比仔仔女女用啦！真係好 cute 呀！

        每次行吉之島嘅十蚊店都開心，因為無論食嘅、用嘅同著嘅你都可以

用十蚊解決咗佢（大部份），亦係咁當你 shop 吓 shop 吓唔覺意就比個銀

包入面嘅魚（紅衫魚＝$100蚊）游咗出嚟啦！（Shopping 傷身！） 不過

家鎮嘅我已經理智咗好多，通常都會諗清楚先買，到最 last memont 又會

再 check 多次，咁就唔會買咗一埋無用嘅物品擺晒响道咁浪費啦！


p.s. : 佢哋 D 膠制家品 quality 都唔錯嫁！$10 件返學著嘅底衫又夠薄，

         有 D 餅乾仲幾好食添！

↑好味餅乾（不過唔係買 $10 蚊）！↑
↓愈飲愈口乾嘅即沖生果茶（只係聞到好香嘅萍果味）！↓

好多味精嘅芝士脆片


吉之島網址：

十元廣場 19 間分店地址

http://www.jusco.com.hk/chi/index.htm

恐佈–曱甴壽包

尋晚去咗將軍澳中心 海港飲宴，席間親友們都一直話 D 食物質數麻麻，

後來食到一道菜–“炸蟹蚶”時，大家更食到 “舌累”；因為個炸蟹蚶竟然

係有酸味、肉質“梅”、仲有 D 怪味汁滴出嚟添！攪到個個無晒胃口！

到大家剛剛讚完隻雞都幾好味之後，無幾耐便上壽包，正當我哋準備開

開心心食壽包嘅時候，就有人大叫『唔好食壽包；D 壽包有三隻曱甴

黐住响包身道！』大家隨即嘩然，有無攪錯！咁大間酒樓 D 衛生竟然

咁差！（由於太遠我行唔倒過去影相！）    
          
其實本來食完壽包，個壽宴就開開心心散席，但係突然間發生 D 咁嘅

事，攪到大家都好不安、好嘔心！

後來酒樓仲想收埋個 8 席嘅壽包錢！嘩！無野呀！大家都唔感食啦！

仲收？！又話不如送燒鵝！最終，經過親友們一輪理論之後酒樓先至

無收咋！

       
P.S.:  朋友 Sasa 話應該去投訴至啱！查實，係嫁應該影底罪證

（最好包埋個包），再去投訴至係正確做法！

單身男女 - 電影

           電影「單身男女」真係一部好正嘅愛情片，雖然套片又係一半粵語一半

國語，但係劇情都唔錯，插曲「愛很簡單」及「我願意」真係浪漫又好聽，

兩首都係我好鍾意聽嘅歌。尼套戲仲勾起了好朋友 D 當年求婚嘅回憶，佢哋至

今仍然非常幸福，真係不知幾咁羨殺旁人，so sweet！

      『男人不壞、女人不愛』，到底有幾多個女人栽在壞男人手裏呢？如果妳

係子欣（高圓圓飾），大抵也受不住申然（古天樂飾）這種靚仔、有錢又懂

浪漫嘅壞男人所吸引吧！的而且確申然的示愛手段真係高招，唔中招就奇嗱！

有時覺得女人好儍，都唔知點解會咁有自信，總覺得自己會係壞男人嘅最終

港口；個情況就好似燈蛾撲火一樣，最終灰飛煙滅。或許有些女人真係好好彩

，遇到個浪子回頭嘅壞男人，但係能夠咁好彩嘅女人又有幾多人？

       戲裏面嘅女主角子欣就一次過遇上兩個條件咁好嘅好、壞男人。睇碟嘅

時候自己好緊張，一路話子欣「妳唔係呀…咁衰嘅男人妳都比機會佢？！雖然

申然的確係好正（浪漫、有錢又靚仔），但係啟宏（吳彥祖飾）仲正啦（專一

、浪漫又靚仔）！不過有時女人就係咁唔理智，由其係心動之後……」

      層經有個女朋友，知道咗個未來老公係結婚前一晚去滾，但係最終因為受

唔住個男人苦苦哀求；而選擇原諒佢，同佢結婚，不過尼個口口聲聲話會改嘅

壞男人，最終响幾年後因為第三者而離去。當時自己覺得尼個朋友好儍，賤男

响拍拖時期已經花花弗弗，但係佢竟然相信賤男會收心養性，仲同佢結婚；最

過份係賤男以前點滾都算嗱，但係佢竟然可以賤格到結婚前一晚都去滾，咁可

想而知賤男有幾愛妳、又有幾愛咁專重妳呢？！這樣差勁的賤男，係絕對唔可

以例為老公人選嘅！不過，女人往往會刻意淡化這些事實真相，而選擇相信

男人真係會改，結果最終傷心收場。

       自己覺得套戲嘅結尾好正確，唔知你又認唔認同呢？  


「單身男女」

導演：杜琪峯， 編劇：韋家輝

演員：古天樂、高圓圓、吳彥祖  
             
故事概要

任職投資分析員的程芷恩(高圓圓 飾)，本來和男友以專才身份來香港發展，

可惜男友中途發展了另一段婚姻，她慘變成「剩女」；另一方面，金融海嘯

又殺到，感情與事業皆失意。每天上班唯一樂趣是對面商廈的俊男張申然

(古天樂 飾)，經常站於窗前向她隔空打情罵俏，有時還會互相鼓勵。

一日，芷恩在街上碰見前男友與其懷孕妻子，芷恩傷心不已差點兒被車撞到，

幸得宿醉未醒的流浪漢方啟宏(吳彥祖 飾)相救，絕望的芷恩乘機把前男友的

東西全部贈予啟宏變賣。啟宏原是建築師，因事業失敗經常買醉，芷恩把賣

不去的角蛙留下來陪他，並幫助他戒酒和重新站起來。

芷恩終於鼓起勇氣與申然約會，但申然卻在最後關頭跟一名索女走了，芷恩

痛哭還未開始便已失戀。沒想到啟宏卻因芷恩的一句話，站在二人初見面的

公園，抱著角蛙等候了一整個晚上。

三年後，芷恩任職的金融公司換了新老闆，竟是申然！這個玩世不恭的

「賤男」還厚著面皮向芷恩示愛。戒酒後的啟宏已成為著名建築師，且搬進

芷恩辦公室對面的商廈，兩人重遇隔空再續前緣，事業有成的啟宏對芷恩熱烈

追求，申然才驚覺要快馬加鞭。兩度玻璃幕牆，分隔出奇妙的三角關係……
      

「單身男女」電影介紹

http://www.men1000.com/lifestyle/room_detail.php?artid=5193

《單身男女》插曲 - 愛很簡單 (David Tan)

http://www.youtube.com/watch?v=BWkq5RKKyvA&playnext=1&list=PLF04460B772AC5276

《單身男女》啟宏與蛙的「我願意」

http://www.youtube.com/watch?v=hvCx7HPs-Zc


陶喆「愛很簡單」（雖然個 MV 有點舊，but 首歌唱得真係好冧！）

http://www.youtube.com/watch?v=zP1J4oAhhmA

王菲「我願意」

http://www.youtube.com/watch?v=Y2niD0bQJEM