尋日天氣異常酷熱，行街行到超攰，與妹妹正在行去搵食途中，經過
Crumbs 尼間 Forzen Yogurt 店；店員小姐正在派發免費 yogurt，我同妹妹
梗係試試佢啦，反正之前我已經愛上港式 yogurt（即係無正宗 yogurt 咁酸
嘅乳酪），而且店員小姐又咁 nice。
老實講大熱天時有杯免費嘅 yogurt 派比你，個 size 都唔細嫁，面頭
仲沈咗 D 脆脆响道，味道又唔錯，所以加晒分啦！不過最衰佢哋無坐位提供，
我哋又行到鬼咁攰，所以無論幾好食都係假，於是我哋唯有搵個地方坐低食飽
飽先至再食佢啦！
當我返轉頭想買杯 yogurt 嘆嘅時候，店員小姐又响道派發免費嘅鬆餅
，於是我好開心咁試試佢啦！佢哋有三種口味可供選擇：提子、朱古力及芝士
等，當然佢哋亦都係派得好大方嘅，一嚿原裝 size 只 cut 做 6 份，如此大方
應真抵讚！其實我自己一向唔太鍾意食鬆餅，因為覺得市面上買嘅鬆餅大部份
都係太淋又或且太硬，但係佢哋嘅鬆餅真係好鬆化；朱古力味唔會太甜、牛油
味香，而芝士味入口係鹹鹹地嘅、芝士味又夠濃，買 $7 蚊一件，於是我決定
買幾件返屋企同仔仔分享。
佢哋嘅乳酪係買 $28∕杯，配一款料，而佢哋啡色嘅香脆碎（House
crumbs）亦算係一款配料，所以我唯有買兩款配料 $33 杯果種，因為單一
配料實在太 dry 啦；而且食 yogurt 係要有生果先至 perfect 嘅，今次我就
簡咗：芒果。
食落去，覺得佢哋嘅乳酪酸道適中，加咗脆脆果然係好味；不過唔知係
咪太大杯呢？我食到 D 香脆碎唔係好均衡，突然間又有 D 太大粒同硬嘅，同
試食時嘅香脆碎有 D 唔同，可能因為試食果 D 係 room temp
(temperature) 啦！其實 D 脆脆唔可以太淋又或且太硬，因為咁會影響咗整
體嘅口感，不過佢哋都勝在多料嘅，味道都唔錯！
至於佢哋嘅鬆餅記緊要熱食，因為隔咗一晚又凍食，就淋晒同疏咗氣，
完全變成兩回事，要焗返熱先至鬆化！
Crumbs - Scone & Frozen Yogurt
旺角弼街 64 號 B 地舖
Tel.: 23935572
沒有留言:
發佈留言