果日同小學同學去 Mega Box–CEO 唱 K，今次發現到佢哋又多咗
好多新款食物，難怪同學們都話我掛住食 buffet 唔唱歌，因為佢哋真係好
多野食嫁！
圖中嘅藍苺芝士餅、黃色嘅唔知咩餅、奶凍、tiramisu、啫喱、
奶黃包、朱古力餅及朱古力心太軟都好好味！同學們都讚好！由其係新嘅
朱古力餅簡直係超正，朱古力味又夠濃。雖然 tiramisu 嘅牛油味係重咗 D
但係勝在夠滑！
今次佢哋仲多咗種有生果味嘅“沙冰”（唔記得咗個名），不過係限
時段嘅！仲有即開嘅生蠔（成件手掌咁大嫁），又有半隻芝士焗龍蝦，魚生
、火鍋、迷你冬瓜蛊、（新增）打冷檔、串燒（串燒豬頸肉，好好味）…等
等（其他食物上次影過相，所以今次唔影啦）。
又玩又食足足一晚，連 2 杯飲品加一， 1 人都係 $238 ，去邊道搵
呢？（星期六 喎！由 6：30pm~5：00am喎！）不過要提早電話
booking 至可以唱咁耐。（雖然我哋無唱到天光，但係都玩到 2 點幾嫁。）
So Happy！
沒有留言:
發佈留言