昴平360、大佛、大澳一天遊 - Part 1

         星期日同屋企人參加咗一個屋村舉辦嘅昴平 360、大佛、大澳一天遊

，$140/個人仲包埋纜車飛同食一餐添，簡直係抵到爛！雖然我係香港土生

土長，但係尼次係我咁大個女第一次去大澳，所以心情極道興奮！

        去到東涌纜車站，發覺都有幾多人排隊買飛（1張飛要hkd80），原來

團體嘅排隊通道係快好多固喎！因為佢哋嘅水晶車廂唔多，所以根本無得簡，

而今次我哋亦坐唔到水晶車廂！每個車廂坐 10 個人，而上車時會有 360 嘅

職員幫你影相（咁當然係要比錢啦！到步就簡相，盛為 hkd100/張）！唏！

因為我有帶相機，so 導遊就幫我哋一家影咗囉！嘻嘻！

        唯一美中不足係天色唔夠藍，太多蒙霞，所以就算部機 zoom 得幾清楚

，D 相都唔係咁靚！

        

          上咗車去睇大佛啦！正！本來諗住再响車廂影多 D 相，不過屋企人話
會反光，而且天色又唔夠 perfect，算啦！（E！依家睇番 D 相又 ok 喎！）
          唔知今日係咪無乜風，所以覺得車廂好焗，不過車身好定；而過咗一個
山頭之後開始有風吹入嚟就正好多啦！緣途見到有行山人仕，嘩！條山路咁長，
成幾個山頭咁多！真係體力驚人！

          嘩！終於近距離望到大佛啦！好宏偉呀！（睇到咁近，其實係車廂裏
面 zoom 埋離嫁！）

         到步啦！喂喂喂…人哋影緊相嫁！

唉！先生你又搶咗鏡啦唉…