落咗纜車，匆匆怱怱行過“昂平 360市集”影完集體相、天檀大佛
、及寶蓮寺牌坊，就行入嚟參觀“心經簡林”，我估行入嚟約 20~30 分鐘，
愈行愈熱！途經一個破舊茶檔有山水豆腐花，不過坐底食嘅人唔多，個個
行人都愛玩佢哋嘅銅盆，即係摩擦後會起水花的！老闆好好人，還教遊客
們玩呢！
為咗睇尼個景點，行到我大汗淋漓，不過能夠近觀鳳凰山及“心經
簡林”，我真係覺得值得一行！原來真實嘅鳳凰山係咁靚嘅，唔怪得咁多
攀山人仕會想去睇日出啦！相信當時之景色一定令人永至難忘！
可惜我能力有限，未能夠帶尼 D 美景返嚟比大家欣賞！
一路行，見到滿山都是“山廉”及未熟嘅“油甘子”，真係令人懷念
，懷念响慈雲山通山跑嘅日子！懷念同一大班堂兄妹去拜山時去擇 D
唔熟嘅“油甘子”食嘅日子！
去跟團有個唔好處，就係行也匆匆、食也匆匆！時間唔夠，每處
都只能走馬看花，所以影相影得唔多、景點、市集都無乜點行過；只有
用$28 蚊買咗頂帽最抵，早知烈日當空，我就應該一早帶帽啦！
假若下次有機會，我一定會再去過！
尼道有佢哋“昂平 360市集”嘅官方網址，入到去就會發現有好多景
點值得參觀！
http://www.np360.com.hk/html/chi/lantau/lantau.html#back
沒有留言:
發佈留言