匆匆嚟到行程嘅尾站大澳食午飯，之後會去紅樹林匆匆一撇，就要
回程；但係係我心目中嘅行程係要嘆盡大澳嘅美食，so 我只能放棄參觀啦！
But, 估唔到餐午飯實在拖得太耐啦！所以我跟本也是食也匆匆，焗住飲完
出名嘅冰鎮檸檬茶，再掟個灣行去匆匆食咗碗豆腐花；跟手再買埋糯米糍呀
、茶粿同砵仔糕等等，返屋企至慢慢嘆，O！咁趕，唉呀！真係鴨仔團嘅特
色！
食完飯行到去關帝廟及天后廟對面就見到出名嘅其記冰鎮檸檬茶
（吉慶街 8號地下），咁我梗係一於要坐底嘆番杯啦！由於食得太飽又趕，
所以我無食佢哋嘅多士，不過尼杯聞名不如見面嘅冰鎮檸檬茶，嘩！原來佢
真係好好飲嫁，有檸檬味之餘又唔會太酸、又唔太甜、茶底又正！我喜歡佢
哋榨咗 D 檸汁落茶道，飲落有一條條檸檬肉，總之係極有誠意又好飲之作，
下次入到去大澳記緊要試！
其實係佢附近就有間出名嘅即燒即整嘅沙翁檔，我雖然無試到，但係
親戚們個個都讚好食！
其實原本車站附近就有間出名嘅車站豆腐花，不過既然身為大澳人嘅
導遊介紹得响永安街尼間“車站豆腐花 – 豆腐婆”（永安街 57號）比我哋，
又話尼間比較好味，於是我就入去一試啦！佢哋雖然舖仔細細，但係都有幾多
人幫襯嫁！
佢哋嘅豆腐花的確係好滑，加埋佢哋嘅自制薑糖水的確係好味，不過
我就稍嫌佢唔夠豆腐味！我覺得以前深水埗北河街街巿果檔比較正 D（而家就
唔知，因為太耐無去）！我姑拉就話大埔果檔正 D！但係我個仔就連 D 外買
都話正！
唉！非常可惜！嚟到阿蘇都讚嘅合桃酥同波蘿飽店美珍中西餅食”
（永安街 51號），佢哋就只剩下 - 月餅，一場嚟到，我梗係買番個 $31 嘅
雙黃白蓮蓉月餅啦！
ㄚ！返到屋企一試，佢哋嘅皮雖然有少少硬，但係 D 白蓮蓉好香；夠
油水得嚟又唔太油，蓮蓉甜道適中，嘩！一啖咬落去加埋個大大隻嘅鹹蛋黃
。正！ 仲好有即日制作嘅新鮮 feel 添。如果佢哋嘅皮能夠做到軟番少少就
perfect 啦！老實講佢哋嘅雙黃白蓮蓉月餅跟本就唔係雙黃，而係有三、四
隻黃咁多至啱！皆因切落去，4 嚿月餅都有個蛋黃响正中間嫁！嘩！好抵ㄚ！
早知就買多幾個啦！
↓尼個就係大澳人導遊介紹嘅蘭姐砵仔糕（石仔埗街A段12號地下）！佢哋
係一個舖頭出面嘅小檔，導遊話佢哋出名嘅仲有芝麻砵仔糕，不過我哋都
係喜歡傳統口味多 D！講真佢哋嘅粉漿的確做得好好，但可惜 D 紅豆太硬
，食落去有少少失望！↓
↓尼檔係隱姑茶果（永安街 11號 A地下），雖然隱姑已經唔係道，但佢嘅
承繼人仍然經營緊。尼 D 黑嘛嘛嘅就係雞屎粿（即係用雞屎藤榨汁做出
嚟嘅茶粿）。
老公話雞屎粿味道麻麻，自己就覺得 D 糯米糍嘅味道只屬一般！ ↓
↓A！唔知你哋鍾唔鍾食蝦子撈麵同大地魚湯底嘅呢？我响大澳尼間平發買
咗樽炒好咗嘅蝦子，佢哋比我試過，的確好香，唔腥又唔鹹，正呀！↓
↓而尼餐就係旅行團响福滿林酒樓食嘅午飯啦！食乜？！
咪就係：粟米魚肚羹、鹽焗雞、白灼生蝦、白菜仔、素鮑片炒時蔬、
紅燒山水豆腐、蒸大則（似烏頭嘅魚）同甜酸排骨。↓
↓尼 D 就係我今次嘅戰利品啦！嘻嘻…
↓
沒有留言:
發佈留言