JUSCO 12 蚊店

平野無好野？No…今次我又係 JUSCO 12 蚊店買到好野啦！

尼對小型粉紅色心心玻璃碟係咪好靚呢？雖然佢入唔到微波

爐同焗爐，不過可以放甜品又或且做小型燭枱，so sweeet

呢？$12/個

自己好喜歡飲南瓜湯，但係自己整，功夫相當多，而且亦都

好睇你嘅食材 - 南瓜本身甜唔甜，靚唔靚！有時做完一輪功

夫都未必好飲，又攪拌、又隔揸、又煮……都係算把啦！

一人份仲攪咁多野！

其實買現成嘅都好多選擇，無印良品嘅有機南瓜湯味道都唔

錯嫁，貴就貴少少。不過尼包JUSCO 12 蚊店嘅機南瓜湯味

道都幾好丫！佢哋仲係 sell 北海道十勝工場嫁！

除自己喜好，可以加少少忌廉∕ 牛奶∕ 鹽∕ 香草∕胡椒粉…等等嘅

調味，不過我尼碗只係加咗少少香草、鹽同胡椒粉啫！

而尼包 $12 蚊嘅一人份蘑菇忌廉意粉汁，味道都唔錯嫁，

味精感覺唔太重，好過金寶罐頭湯好多添！若你嫌汁多

可以當二人份，又或且加入芝士粉 ∕芝士碎都 Ok嫁！

 

最把鬼的兩間稻庭、讚岐烏冬店

尼兩間打正其號專買日本烏冬的店鋪是我近期食過最把鬼的稻庭、贊歧

 

烏冬店！！

先講尼間位於九龍站圓方商場，火區，午市收費一D 都唔平嘅日本稻庭

 

烏冬店！

果日因為阿 J 生日，仲諗住同佢食好 D，可惜真係令人失望，店鋪除咗

 

好坐同 serices 好之外；味道 Ok 的只有飯團同天府羅，講真你收得

 

$138 ~$148 蚊個餐（未計加一），你嘅湯底、用料同所謂嘅稻庭烏冬

 

，都應該比足料我呀！

百幾蚊一個淋別別嘅烏冬（幼到近乎似麵線），一D 都唔彈牙不特止，

 

個 texture 仲淋過米線囉！！個湯底唔得，3 隻蠔超老、又唔新鮮！！

而凍食嘅烏冬比有湯嘅好 D D，不過都唔得去邊…唉…好失望！

而 $24 蚊一件嘅 cake，芝士都還可以，個特濃朱古力蛋糕，都唔知

 

用咩去形容個味道！！又硬、又細件、又無乜朱古力味，再加上

 

類似黄蓮蓉加紅荳糕嘅味道……食完先覺得好彩咁細件咋！

我同阿 J 食完餐飯都覺得好彩有舊飯團同天府羅墊一墊底咋，如果咪

 

幾百蚊都唔知食咗乜！！

後來我哋先知尼間店係日本師傅手製响日本仲係數一數二嘅烏冬品牌

 

，仲有三百多年歷史添，層經只有天皇及皇室成員先有資格品嘗。

 

不過唔好意思，我哋真係唔識欣賞，亦無諗過會咁差…

 

稻庭烏冬、鍋物 

2002鋪，火區

圓方商場  Elements

 

 

 

另外尼間位於九龍灣徳福商場，要排隊等位嘅日本讚岐烏冬的店，真係

令人失望，無諗過湯底會衰過味千，完全 feel 唔到有豬骨味嘅湯底；

烏冬一 D 都唔煙韌、彈牙囉……佢哋仲標榜用北海道麵粉毎日新鮮製，

坦白講我覺得係佳宝買嘅$19.9/ 包 5 個嘅烏冬好好多囉……吉列豬扒

一般……芝士年糕炸得太油無乜芝士味，不過 $49 蚊算啦！埋單$70~

80 蚊我諗唔會再試！


赤丸製麵所

G 98, 徳福商場,

九龍灣

P.R.C. Ristorante and Caffe - 馬鞍山好好味的意大利餐廳

之前聽朋友講馬鞍山最近開了一間很有水準的意大利餐廳叫

P.R.C. Ristorante and Caffe，所以情人節果日就率先過去試試

佢哋嘅午餐！

我 order 咗個大蝦忌廉汁磨菇濶條麵$52，仔仔叫意大利辣肉腸

意粉$52，老公叫咗個煙肉煎鷄扒 $72；我同仔仔加 $10/$15 轉

咗餐飲做熱 cappuccino 同凍 Mocha.

餐湯係是日餐湯（意大利雜菜湯），無得轉，味道都幾好。而我

個大蝦忌廉汁磨菇濶條麵係最先到，面頭果兩隻大蝦好晶螢通透

，於是我忍唔住一啖咬落去，嘩…果然好彈牙呀…D 忌廉闊條麵

好正呀……然後自認喉嚨有少少敏感嘅仔仔試咗一啖之後，就用

佢果碟意大利辣肉腸意粉換咗我碟好好味嘅忌廉闊條麵去啦…！

其實自己本身唔太喜歡闊條麵，但係尼道實在太正啦，忌廉汁濃

傑道剛剛好；意大利辣肉腸意粉味道Ok；而原本老公初初仲講緊

：『唓！有幾彈牙啫！用粉那那佢就乜都彈啦！』（我同阿仔立

刻變得無癮中…… ＞∩＜）

後來佢碟煙肉煎鷄扒伴薯菜到咗，嘩…聞到香味已經覺得好正！

於是忍唔住叫老公分 D 比我同仔仔試，唔…果然係皮脆肉嫩，又

入味！然後本來有 D 挑剔嘅老公，面容立刻改變，變得寬容；仲

讚塊雞扒好香，的確係皮脆肉嫩！

再要稱讚嘅係佢哋嘅咖啡，的確係有 D 水準、又夠香；而且我同

仔仔仲覺得杯 Mocha 好飲過 Starbucks 好多，好少飲到杯 Mocha

嘅咖啡味多過朱古力味囉！正！

埋單 $260蚊！不過佢哋嘅 Tiramisu 就比較硬！

果日過開嚟馬鞍山做野，突然好想念P.R.C. 大蝦忌廉汁磨菇濶條麵
同煎鷄扖嘅味道，於是就再嚟P.R.C.，點知原來 tea time 嘅 menu

係唔同嘅，所以我就試試唔同嘅野啦！

我 order  咗個香草磨菇鷄肉意粉同杯 cappuccino，由於當日 tea

time 我係第一個客人, 咖啡師很用心的給我整了一個笑面，thanks ！

尼個用橄欖油炒嘅香草磨菇鷄肉意粉味道都唔錯，滿足咗個肚之後，

就好想食返個甜品完滿咗尼一餐。由於上次食過朋友大廚嘅麵飽甜品

之後就唔再抗拒麵飽做嘅甜品啦，所以我就 order 咗個焗麵飽布甸，

嚟到之後見到 D 牛油比較多；不過味道唔錯，可是一個人食晒尼個

甜品之後真係好飽！埋單約 $80 蚊。

今次我短期内二度到訪尼間餐廳嘅決定真係無錯！

 

世事真係奇，朋友 J 因為要入馬鞍山做野，於是我就連續兩日到訪

P.R.C. 啦，不過尼次係 lunch time，睇睇個 menu 我就提議不如試

試意大利飯同 pizza；因為除咗阿 J 喜歡食之外，我尋日 tea 嘅時候

見到隔籬枱位太太好似食得好滋味咁，於是心思思好想試。（其實為

食嘅自己仲要務住食完可能會胃痛嘅危機一試，因為之前兩次食完，

的確係胃痛嘅。）

當個蜆肉磨菇意大利飯尼到之後，真係好吸引，不過因為 pizza

都嚟到，所以我哋就唯有食咗個同樣吸引嘅 pizza 先；唔…熱辣辣

的確係好好味，又薄又脆，係 D 意大利辣肉腸太咸啫！

而個蜆肉磨菇意大利飯真係好好味，忌廉濃淡度適中，連阿 J 都

覺得尼間餐廳唔錯。（最終我果晩食完意大利飯竟然係無胃痛嫁，

Nice！）

最後我哋仲食咗個是日甜品 Crème brûlée（法式焦糖燉蛋）同

焗麵飽布甸。不過估唔到尼道嘅Crème brûlée竟然係凍食嘅，

所以 D cream 就唔夠滑，有 D 可惜！而當日嘅焗麵飽布甸好好

味，牛油香得嚟份量又適中。

今次我杯咖啡係要咗杯少甜嘅焦糖咖啡，味道的確係香甜。（個

花拉得好靚呀！）

埋單 $188。尼三次去 P.R.C. Ristorante and Caffe 我都好滿意，

希望佢哋嘅水準可以一直 keep 住落去！

P.R.C. Ristorante and Caffe

Shop no.12 &33, G/F.,

Phase 3, Sunshine City,

Ma On Shan, N.T.

Tel.: 26336628

Wild Fire - Soho east 鯉景灣

上星期六朋友 U 生日，於是我就難得千里沼沼去到鯉景灣 蘇豪區

Wild Fire high tea。

佢哋嘅 tea set $198/for 2（假日價錢，包 2個 soft  drink，平日約

$178/ for 2）。Tea set 上層有個自選細薄餅（5件），我哋簡咗

巴馬火腿芝士磨菇（parma ham and mushroom），加多$20 蚊

轉咗 2 杯飲品做 cappuccino。

個 pizza 好好味，做法正宗用石烤之餘，夠薄、磨菇及芝士好香，

面頭塊風乾巴馬火腿又夠鹹香；而下層有兩塊水牛城芝士多士、

兩件三文魚巻、兩隻鷄翼、洋葱圏、魷魚圏及 6 件甜品：puff,

macaron。其中多士、三文魚巻、洋葱圏及 macaron 味道 Ok。

我同朋友仔仔都覺得杯 cappuccino 幾好飲，而朋友則 order

了一杯綠色嘅德國啤酒，味道都幾特別，有點香草味又易入口。

（名稱則忘記了！）

一個 tea set 又點夠 3 個人食丫，於是乎我哋再 order 多一個

德國雜腸…果然好味道！！由其係豬肉腸同芝士腸。

尼道都幾好坐丫，埋單 $495。下次有機會再嚟過！

 

Wild Fire - Soho east

鯉景灣，太康街 45號地下，

2b - 07

Tel.: 22612999

朋友大廚煮理 – 香煎法式麵飽多士伴雪糕

朋友廚師 A 好喜歡整甜品，仲記得當年去佢响赤柱做野果間西餐廳食過

 

最令人難忘嘅甜品 set，可惜當年還未有影相手機，所以無得影相留念…

今次 A 為我哋 BBQ 後煮理 – 香煎法式麵飽多士伴雪糕，真係超正！

真係辛苦你！Thanks！還有多謝 D&D 讚助的“北海道長蟹腳”、

大蝦以及伯母醃製的 BBQ 食品！ 真係諗起都流口水…辛苦

你哋！多謝晒！想學整？食譜？以我記憶好似係：–

1) 排飽（不要已切片的）;

2) President 忌廉 (Light)

3) 鷄蛋

4) 糖 （少量）

5) 牛油

6) 雪糕

做法：–

先裁好“排飽”（不要已切片的）, size 厚身較為好！然後張

 

President 忌廉、鷄蛋及糖 （少量）打均，再放裁好的

“排飽”落去淹一回，拎起一回；之後用牛油慢火煎，轉金黃

色後拎起（可除自己喜好加少許糖於麵飽多士上），再伴

雪糕，完成。