一直都想同阿 J 去試試尼間 agnès b. 嘅 café 食cake, 前些時候我哋
終於都去咗尼間於銅鑼灣 World Trade Center（世貿） 嘅 agnès b.，
眼見尼一間人流都頗為多，而且仲有不少遊客買盒裝朱古力添！
由於我哋又剛剛碰上 tea time 時間，所以都要等咗一鎮間至有位。
其實尼間 agnès b. café 嘅 cake 都偏甜，Melanine 雖然朱古力
mousse 味濃郁，中間還混著 raspberry 與朱古力海棉蛋糕層層相隔；
可是還是敵不過牠的甜味，或許我們一次過咗三款嘅關係吧！
仲有佢哋响蛋糕上面嘅朱古力片，真的很難食，同佢哋店舖入面售買緊
嘅盒裝朱古力嘅味道，實在相差得太遠啦！當初我還 expect 可以以
一個價錢享受雙重味道添，點知一入口就好似放咗塊顏色片係個口腔
入面咁，怪怪的！
而 Pairs 即係士多啤梨撻，雖然佢 D 士多啤梨係好酸，但係因為佢
酥皮包住嘅吉士醬太甜，所以 J 已經試到有點受不了！我就因為杯
cappuccino 嘅關係中和了口中太多嘅甜味！
最後我order 嘅尼件 Mille Feuille 最合格，佢係牛油香味脆脆千層酥
，雖然佢嘅千層酥頗為硬，但係 custard 好香奶油味又唔算太甜！
總括嚟講以 $200 幾蚊嘅 tea，佢真係一般，水準比我們期待的低
，以 $30 幾蚊嘅 cake 相比，還是 Tony Wong 的 Pâtisserie 好。
↑ Melanine: 以濃郁而幼滑的朱古力mousse 混著raspberry, 與朱古力
海棉蛋糕層層相隔, 但甜度略高, 且有點膩口 。.↑
↑ Pairs : strawberry custard tart ↑
Mille Feuille : 即係牛油香味既脆脆千層酥, custard 好香奶油味，
又唔算太甜！
agnès b. café
shop P101, WTC more世貿中心,
causeway bay銅鑼灣, HK
Tel.: 28902989
沒有留言:
發佈留言