唔知大家鍾唔鍾煎日式芝士年糕呢？我就係自從朋友 T 帶我去過
佐敦文苑街間濱松町之後就愛上尼種日式美食啦！
當你一啖咬落去熱辣辣又香脆嘅日式芝士年糕，就會比佢煙韌又
香軟嘅糯米同芝士嘅香味吸引住！尼種咁好味又特別嘅感覺，實
在令我一試難忘！
於是毎當有日式放題或是日式串燒店嘅時候，我都會 order 返一
客試試，而暫最令我回味嘅就只有濱松町同石澗；因為佢哋除咗
煎得香脆之外，裏面嘅芝士味道好濃郁，不論口感同味道都一流！
雖然我非常喜歡佢哋嘅日式芝士年糕，但係無理由成日去食架？！
終於，果日比我發現尼包可以帶返屋企嘆嘅日式芝士年糕啦！
買嘅時候老闆話，記緊煎嘅時候千祈唔好太大火，因為會煎到濃咗
都未熟！依…當油滾咗之後，放落去，的確係好快就煎香咗個表面，
但跟據我嘅經驗，放得落雪箱嘅冷藏食品，裏面 D 餡唔可能咁快熟
，所以我唯有再用細火慢慢煎多陣啦……
完成後，試過都算香脆，不過仲係略嫌芝士味唔夠濃郁，不過可以
係屋企嘆到尼個美食，都算合格啦！
沒有留言:
發佈留言