講起慈雲山美食，可以數
33座嘅信興茶餐廳最出名莫過于他的茶（我同
爸爸都覺得），他的茶底是用茶葉冲泡的，聽老闆講是用幾種茶葉溝出來的；
還用“絲襪”茶袋過濾，所以茶特別濃“旭”、特別滑、又有茶香味。爸爸
至愛香滑的絲襪奶茶、我至愛的凍檸茶。（因為檸茶的茶底與奶茶是一樣的、
而且我如果飲含有奶類的飲品特別易肚痛）
落去信興飲茶多半是我與爸爸倆個，弟弟比較少、媽媽有時、妹妹是後
期才出現。但媽媽出現時多半是討厭的，因為為每每她總是“乾攝”我要飲
熱檸茶、又要狂篤人哋杯檸茶、又要狂落糖喎！煩！（佢話喎飲檸茶唔篤做
咩要檸茶？啍！我就係鐘意飲凍茶有點檸檬香味！吹咩！心諗！飲茶都要比
佢控制？！所以唔喜歡與她一起飲，好彩佢鐘意食中餐唔係常常出現啫！咁
我就可以暗地裏反抗—唔篤檸檬！吹咩！啍！）
信興除咗茶靚，仲有爸爸最欣賞嘅首選係酥皮蛋撻、次選係波蘿包、
而我最欣賞嘅腿蛋治同波蘿油（麪包都係佢哋自己出品，所以特別鬆軟、
有彈力。）不過如果買返屋企自己揸牛油、花生醬咁就唔好食，都係一般
“士多”的批發麪包好食。（所以唔同嘅食物配搭組合又會有唔同嘅效果。）
仲有佢哋嘅意粉湯底都好好味嫁！連34座嘅成臨餐室 or冰室（忘記
了全名）同 36座“ ？” 嘅茶餐廳（忘了名字，因很少去，但印象中他們係
好過成臨嘅！雖然 D蛋撻無咁酥皮）都唔係佢哋嘅對手！但由于係家庭式
經盈，通常只有5名家庭成員工作；但客人又多；老闆及老闆娘付責廚房、
大妹付責樓面及收銀（大妹都幾靚女同有型、我覺得佢十年如一日都忠于
自己的打扮最有性格、又努力為家庭做野，仲每晚放工準時返老公家烹飯，
絕對係一個好女人又孝順！我欣賞佢！）、婆婆洗碗、有時二仔或細仔幫
手，所以老闆娘常常忙到做唔切、發脾氣；由其是假日，客人特別多，客
人有時落單都有點怕；奈何他們的茶及食品很好味，而且平時老闆、老闆
娘都很有善的，所以大部份客人都唔介意嘅；因此仍然是常常客滿。
呀！其實 47 座嘅 江南餐室 果 D 有饀料嘅麪包都正嫁，有：–火腿
蛋包、午餐肉蛋包、波蘿包、波蘿油（哇！大大塊厚片牛油！正！）及雞
尾包（都唔知點解果時可以食 D 咁甜嘅早餐？）由其是早上熱辣辣、香噴
噴嘅時候簡係人間極品！可能當時年紀小，早上婆婆帶我和弟弟返學時會
途經江南的，所以總是被牠的香味誘惑到不可不買的。而覺得成臨的麪包
皮、香味及味道，總比不上江南的。因為成臨的麪包皮比較硬、所冲的
柯華田亦太甜。
至于 48 、49 座果兩間餐室比較少去，但記得49 座果間 D 波蘿包比
48座的好一點。
數到 33座嘅美景酒家，佢哋當時嚟講算大間（响我哋果邊）；當然，
仲有3C 巴士總站果間全真酒家嗱！佢哋當然無得同而家嘅酒樓比嗱！但係屋
邨嚟講算係咁！當時嘅酒家係用大圓枱，大家都係搭枱坐圓櫈無“挨平”
（靠背），無點心車（但印象中好似層經有過一嫁點心車賣馬拉羔同啫喱嘅）
，只有 D 私奶、嬸嬸用條繩咩住個“熱辣辣”嘅圓型點心蒸籠出來叫買（所以
出名嘅有“私奶銀針粉”＝鮮蝦銀針粉，因為叫買的講唔正個音，因此便出了
這個好笑嘅名。）有時 D 伙記忙起上來還要自己冲茶！
而每張枱都梗有一、兩個“痰桶”（個作用除咗比你“啷杯”、洗“筷指”之
外…，係冇錯！當然係好嘔心嘅動作‥就係吐痰，由于以前衛生環境差，所以
係容許大家咁做嫁！响咁嘅環境底下一定有 D 阿叔眼界唔準嫁嗱！所以個地下
係勁烏污嫁！真係跌咗野都唔想執！）
美景酒家做腸粉嘅地方係一個角落，有個點心師付責（因為婆婆常常帶
我去飲茶，而美景酒家係佢嘅至愛，我也特別偏愛美景的點心，覺得全真酒家
D點心冇咁好食。）我由其至愛美景酒家的腸粉，但自從…親眼目倒那可怕
的情境後…有段時間我都冇再食…亦知到咗佢 D 腸粉點解咁滑嗱…！Yes！
Shit…嘔…！果日個點心師卷卷吓腸粉忽然“生”鼻“替”…Yes…！佢就係用
自己整緊腸粉嘅手嚟“生”，“生”完鼻“替”，就係咁“椅”响個圍裙
“符”咗兩吓；就繼續用佢對手卷腸粉，我當堂 O 嘴、呆咗响度，佢仲問我
要咩腸粉？！我差 D 想反胃！仲要！梗係轉頭走囉！後來阿婆仲問我做咩唔攞
腸粉？哇！我又次想反胃…！這段時間我簡直對腸粉產生恐俱！但人往往善忘！
由其係當你別無他選嘅時候！
呀！還有差點漏了！美景的鳳爪排骨飯係弟弟嘅至愛，仲有佢哋嘅干炒
牛河、濕炒肉片河、肉絲炒麵同义燒雞飯同D 彊“容”都好好味嫁；獲氣又夠。
忘了究竟係邊間嘅鳳爪排骨飯係好大蛊嘅呢？
P.S. : 我都同婆婆蒲過 48 座中間果間酒樓， 佢哋只開早市，12時過後就休
息嫁嗱！點心 OK嗱， 不過 D 鳳爪排骨飯細細蛊都幾好味！
沒有留言:
發佈留言