ㄧ定無人信係真嘅！有冇咁多事發生呀？有冇咁慘呀？
的而且確，有時係我身上發生嘅事都幾特別！記得自己當時仲好年輕，剛
剛離開咗間做咗 5 年有多嘅公司，果鎮年少氣盛，同個老闆頂咗幾句；覺得再做
落去，結果都唔會有好嘅發展，于是在好人經理 TL 再三挽留、老闆又無炒我及
非常忍心拋下好朋友的情況下；好堅決咁獨自離開。
因為天不怕地怕、又好勝，覺得就算唔掂都總算出去闖過ㄚ！咁啱就打
咗個電話去搵工，完來係間鬼佬公司，心諗見見都無防ㄚ！去見工果時間公司
仲裝修緊，係個 Managing Director 親自 interview 嘅–ㄧ個高大、金頭髪、藍眼
睛又好 young 嘅鬼仔老闆。尼間原來係外資開嘅香港分公司，初初見佢都幾驚，
話晒都係第ㄧ次同『鬼』打工！
之後返工先知原來我係 under ㄧ個 manageress RT–ㄧ個日後對我好好的
人。其他嘅同事全部都係 D 好 young，仲多數人都係 manageress 只得四個普
通嘅職員，其中ㄧ個仲要係 Q.C.，所以初初都覺得幾怪。鬼仔 Boss 都幾好人，
除咗有時會請下我哋去 Shangri- La 嘅香宮飲茶之外，同佢做野仲會好 free；總
之，你做好 D 野就 OK。同『鬼』打工都幾好，仲要係 D 咁 green 嘅 branch，
冇咁多限制！靚仔 boss 仲成日同我哋講笑添， 有次佢生日，同事仲特登縫製
咗條–有 7 個袋袋 D condom （from Mon. to Sun.）嘅 boxer 比佢、佢仲要話 D
condom 唔夠大添！最好笑就係–我大膽到响 office 度播歌，佢冇返對之餘，
仲要帶埋 D CD 返嚟同我曾住嚟播…結果…梗係我哋倆個都比同事鬧嗱！
Yeah！大家都冇得聽！
响呢度初初大家都做得好開心，ㄧ齊帶飯番嚟“叮”；食完飯大家齊齊
玩『UNO』、傾下偈！O.T. 又唔多！因為鬼仔 Boss 認為要常常開O.T.即係工
作能力低嗱！佢最唔鐘意我哋帶 Lunch box 返嚟，因為咁即係代表–佢要ㄧ個
人食 lunch囉！哇！梗係無人彩你嗱！餐餐出去食咁貴！間唔使食下 Jack-in the
box 就話 Ok啫，果時得幾千蚊個月，成 30蚊個飽，去飲茶又貴到嘔；點頂呀！
後來，人越來越多，其他分公司同總公司嘅人成日嚟香港遁，工作氣
氛唔同晒！又變得多事咗！
靚仔 Boss 初初嚟香港因為未搵到屋要住酒店果鎮，發生咗ㄧ段插曲，
就係咁比响酒店做野嘅“狐狸”小姐笈中咗仲‘担’走埋添！個女人又送花又
成日約佢食飯！倒追佢！唉！佢泰國嘅未婚妻點夠撼ㄚ！就响我哋去完佢嘅
house warming 冇耐，個“狐狸”就投送抱；啅完 Boss 之後，仲打電話嚟同 D
同事報喜添！真係世風日下！“狐狸”真係勁！又ㄧ正明 D 西人真係 open！
跟住，估唔倒唔係十分漂亮嘅我–首先要情清番ㄧ樣野–我個樣絕對
唔係好“China girl”果種！即係 D 西片中成日以為 D 中國娃娃ㄧ定係單眼皮
、腫腫地兼黃皮膚果種囉！我亦都唔識放電！講英文完全係香港人模式，絕
對係唔流舌到好像外國人ㄧ樣。但係，就竟然無端端吸引 咗第二個 branch 嘅
Managing Director 垂清，初初鬼仔 Boss 話佢哋 Say Hello 禮貌上要輕輕ㄧ個
kiss 嘅，吓！我哋全體女同事都反對！無理由第ㄧ次見要 kiss 囉！我哋見你果
鎮你都冇咁做嗱！第ㄧ次見錫面ㄧ下都 OK 嗱！點解反而第二要要求 kiss 呀！
擺明就抽水！于是無人採佢嗱，亦都無咗下文！佢仲爆比個個Managing Director
聽，話我响佢走咗之後，走去洗面；好保持喎！自從Grand Open 佢讚過我 cute
之後，每次佢嚟親香港就要我揍佢，因為佢話–我沖嘅咖啡係最好飲嘅、我
會知佢食邊隻“雪卡”！（吓！你唔好玩我嗱！要去到新世界中心買嫁！仲
有我鬼知你食邊隻咩！）就係佢講咗呢 D 說話再加上佢層經好照顧靚仔 Boss
，而 Boss 當佢神咁拜，咪由佢指定我負責服仕佢囉！鬼叫 Boss 同我阿姐又
對我咁好咩，算嗱！
可能係咁！佢就越來越大膽！首先每次嚟到就情深款款咁企响我張枱
前面望住我，攪到我面紅佢就行開！有時會同我傾下偈！有次 lunch hour 佢入
嚟conference room 响度行嚟行去吹口梢！當同事問佢係咪好開心，佢就“好
大方”咁答話『開心因為香港分公司有我响度！』Oh！我立即想暈底！之後
，佢仲問個男同事『你知唔知吹口梢吹得響係代表 D 乜？係代表“性”能力
強！』吓！OhMy God！你做乜望住我講呢？！關我乜事呀！我當時真想去
死ㄧ死！每當佢攪我面紅，佢就心情大好！因此，每次當佢嚟香港果鎮 D 同
事就會笑我『男朋友』嚟探我！最抵死連 Boss 都開始笑我！因為佢開始直接
問我會唔會去分公司探佢，佢想帶我去玩！吓？！玩？！玩乜呢？！佢仲話
想帶我過分公司跟佢做野！我以為佢講笑啫，點知有次連分公司ㄧ個素未某
面嘅 manageress 嚟到都話要識我，見到我果鎮仲用 D“ 吓！完來就係妳迷住
我 Boss ”嘅眼光望我；但個口就笑晒好 nice 嘅講『妳就係Boss 成日題住嘅
某某，真係幾 young 同 beautifulㄚ！點解妳唔過嚟分公司做下ㄚ？！』自從那
次開始我就盡量避免同佢傾偈！點知佢放大假前都走嚟香港ㄧ轉，又話好唔
開心，因為要陪老婆，又無女朋友陪；仲有見唔倒我添！吓？！救命呀！
佢成 40 歲人，仲結咗婚有埋仔女好不好？！我覺得佢有戀童癖好不好？！
『老外』–真係大膽又花心！
由于其他同事開始變了調，我覺得再做落去，對自己嘅前途都唔係幾
好；所以，解決再出去闖ㄧ闖，便辭職了。可是，ㄧ個小小的 post 嘅我…ㄧ
講到辭職竟然會牽動整間 office–首先阿姐要留人，之後連 Boss 都留我，話不
如掉升到其他 post 試下；最初諗住好ㄚ學下其他都好，點知又攪到第二個部
門的地下情侶為我而吵架（離開後才給我响街撞破，但她們仍未知）；覺得
好無引，好好地ㄧ場同事！于是堅決–辭職。以為風波已完結，點知竟然經
動那個分公司的 managing director 打長途電話嚟要 boss ㄧ定要留人，仲親自
問我想做乜野 post、係咪做得唔開心！要我重新考慮過去分公司跟佢！吓！
咁大獲！攪到Boss 、兩個 manageress 同我入房開會，問果個 manageress 係咪
對我唔好？如果咪我點解話掉過去之後又要走？！唉！我都已經受寵若驚嗱
‥自問只是個小小職員仔，又唔係好學力！脂色–大把人好過我嗱！咁我憑
什麼攪到兩個 manageress 哭（我阿姐為著我走而哭、她為著正明自己無孤無
迫走我而哭）！Boss 望著我們哭為有嘆氣話『Woman ha！Always cry！』之
後，安慰完大家，又舊事重題…最終？我當然選擇離開！
當時個 friend 嘅同事及阿姐都問我，點解放棄 D 機會？！我話講真我
自己都知係好機會，但我好清楚其他 post 嘅要求；知道自己未夠班，而可以
轉得嘅 post 個 manageress 又有心刁難，我留得係道就要有好表現；但 under
咗ㄧ個唔係真心教你嘅阿姐咪盞攪！再且，個 Branch 嘅 Director 又擺明冧我
！我肯過去咪即係做情婦兼幫佢打工？！去到韓國英文又唔通！人生路不熟
，唯有靠佢，咁咪即係送羊入虎口？！個 Main point 係–我唔係靠自己嘅實
力得到呢 D 野！就算人哋唔講，我都接受唔倒自己！
尼份咁特別嘅工作『經驗』真係人生難得！
要係尼道再多謝阿姐 RT
當年嘅照顧，明知我講大話逃工；比 Boss
撞到正都幫我哭住求情！雖然，我因為傾盆大雨搭唔倒的士、勁遲而唔返；
仲講大話話扭親腳，攪到個個都担心我！但我真係好差！妳同 Boss 仲原諒
咗我，我真係好內疚！于是我就決心改過，多謝妳的包容！
沒有留言:
發佈留言