識拋低果句–『我返到嚟屋企唔想家嘈屋閉！』、ㄧ係就咩都比個仔，樣樣都
OK！仲話我做乜成日鬧個仔！喂！不如你聽下、睇下佢咩態度先嗱！佢有時
講野 D 態度真係乞人憎ㄚ嘛！咁點啫？！咪要教囉！佢仲要懶勁咁“ㄧ言九
頂”、句句頂到“恒”晒！冇野呀！真係火都嚟埋嗱！咁都唔洗教？！我夠
唔想成日嘈咯！鬼唔知溫柔 D 好咩！日日“哦”住佢，係因為而家 D“細路”
好似日日都冇帶腦咁！個心都唔係度！屋企個電制都換咗幾年嗱，仲問你邊
個係燈制？成日襟錯仲要講『咩啫襟錯咗之嘛！』喂襟錯唔緊要；咪記住佢
囉！屋企嚟家嘛！仲有佢講野個態度咪有問題囉！咁係咪要教呀？！又唔見
佢問下 D game 點玩？唔記打機？
係屋企佢見倒 D 垃圾响枱面都唔識執返去丟！自己整跌 D 野又唔執返；好似
D 野透明咁；經過就算…！吓！咁都得？我實在唔可以容忍嘅！Even，佢成日
都有幫我做好多家務！但咁樣係兩回事囉；佢幫手做家務係因為個家佢都有份
嘅！我都有比適當嘅獎勵同有讚佢嫁！佢都知嫁！
勞氣係因為成日同佢溫書又發脾氣、考試成績差…唉！問題係如果佢蠢，
OK 我接受！但佢係“心散”囉！咁咪要幫佢溫書、做練習囉！咁香港個教育
制到係咁ㄚ嘛！什麼『讀書不是求分數！』 廢話！你咪試下少 D 分！你睇下
派咩學校比你？層經有個教家長「選校」嘅 talk！有個校長話『選校要記竹門
對竹門、木門對木門』that mean 你個仔女唔夠分千祈咪跳 grade 呀！盞晒咗
個 chance ！又明示話『識得個家長的小朋友成績唔差嘅佢想入邊間 X 中；佢又
識得果間X 中嘅校長咪諗住幫佢…！』吓！乜呢 D 你都可以咁白咁明示出嚟？！
什麼公平？什麼讀書不是求分數？Shit！廢話！跟本就張 D 小朋友標纖化？！
係用成績嚟同佢哋分 grade 嘅！Or 你識得 D 咁有級數嘅人囉！MayBe，你有錢
早早送佢出國流學囉？！
咁我哋呢 D 冇錢冇面冇人冇物嘅–「四冇人仕」係咪要好努力咁幫個仔∕
女盡補不足呀！如果要我眼淨淨見佢入 D 質數差嘅 Brand 3！Sorry！I can't！
你凈係識話我緊張！梗係嗱！邊個家長唔想幫 D 仔∕女鋪條好 D 嘅路ㄚ？！
自問身為家長都以身作則，但佢都係咁…！你對咗佢幾多，又了解佢幾多
ㄚ？有冇盡心去教ㄚ！你ㄧ係就凈係容忍佢、ㄧ係就好似巔咗咁大聲喝佢…
再唔係攞野∕大力咁打佢！乜有用咩！你同我鬧佢有乜分別呢？只係你仲巔！
乜咁 work 咩？！
你同我都知佢家鎮佢係反叛期！點解你唔同佢好好地同佢傾下呢？！Man
talk 果種有 D 野或這你可以傾倒 D 出嚟呢！我雖然成日睇唔過眼嘈佢！但起碼
我哋乜鬼都傾！佢仲肯撒下我嬌咁你呢？
以前都試過坐低同你傾下大家點配合去教好佢！而家呢？我鬧佢果鎮你ㄧ
係幫佢話返我！ㄧ係就加入但係動手！可唔可以冷靜 D 、唔好動手呢？！
『爸爸最近又發巔嗱！』、『都唔知點同爸爸溝通！』以上係出自阿仔口
中。雖然你可能講：『唔緊要啦！』『由佢啦！』『我係咁！』『我係佢爸爸
我斬死佢都得』…！但唔係囉！你係佢爸爸–你只係有教養佢嘅能力；但並不
包括攞佢嚟出氣！莫講話佢係你仇家–你都冇權差點發狂咁打佢！…更何況佢
都係你個仔–係有生命嘅獨立個體！我成日教佢“以暴亦暴”係唔正確嘅！
但你呢？你咁『身體力行』、『以身作則』咁！我仲可以同個仔講咩呢？！
希望你盡量控制下 D“差點發狂”嘅情緒！狂躁症–是ㄧ種情緒病，可能
你因為長期鬱悶啦！你唔鐘意同我傾咪搵D friend 傾下囉！你咁樣越來越躁；跟
本都無人識同你溝通！連你家姐叫你唔好立亂鬧個仔『信唔信我斬死你ㄚ』D
咁暴力嘅說話，你都可以鬧返家姐話『唔好理我點教，個仔係我、我斬死佢都
得！』我同個仔都 O 嘴；唔識得同你溝通！攪清楚個仔唔係你嘅擁有物！你要
發巔咁打佢、我ㄧ定會喝止嫁！我絕不容許『家暴』發生！
你又話我而且凈係識關心個仔！乜你有比過機會我去關心你嗎？你肯開過
口嗎？每當我想好好地同你傾、去關心你嘅時候…你只有ㄧ次又ㄧ次潑冷水！
就算有點“熱刺”嘅心都會淋息！
果日終于有機會坐低同你傾，點知講唔夠兩句你就發脾氣！唔知點解我唔
平靜咁叫你『唔好向我發脾氣！』你定咗ㄧ下之後又回服正常嘅語氣同我講；
再傾兩句你又發脾氣！我又再重新講『唔好向我發脾氣！千祈唔好向我發脾
氣！』你當堂又定咗ㄧ下之後又回服正常嘅語氣！咁！即係正明咗你可以控制
自己嘅情緒嗱！雖然談話中你仍然有逃避；但己經有進步嗱！咁點你唔肯比我
幫你呢？晚上去到 Mcdonald 食野你又為咗我ㄧ再漏低張八達通响 counter 而大聲
喝我！我唯有用返下午果招平靜地同你講『唔好咁大聲喝我！』 你先靜返落
嚟！以前你從來都唔會大聲喝我！而換轉以前我都唔會咁平靜咁制止你嘅失控；
只識同你嘈！你有冇發覺到我嘅改變呢？咁你呢？
其實你想點呢？你要我比你狂鬧ㄧ獲出氣ㄚ？定係要同我大吵ㄧ輪呢？
我要點先配合到你呢？乜ㄧ家人係咁終日黑口黑面、無言以對咁相處嘅咩？！
愛ㄧ個人唔係凈係比飽飯佢食就夠嫁！佢都有個心–有心跳、有思想嫁！
ㄧ家人係要亙相關心、有福同享、有難同當！並唔係冷漠地冰封自己個心！
我怕我有ㄧ天無力再為這家撐下去……求求你躺開心窗可以嗎？我就嚟比
你座冰山凍死嗱！
沒有留言:
發佈留言