由於世界盃開鑼，一向唔喜歡睇波嘅我同仔仔，便更加無野睇了！於是果
日，我哋就終於租咗套 Alice in wonderland愛麗斯夢遊仙境。
睇完之後，我同仔仔竟然好慶幸無去到戲院睇尼套戲，佢仲話好彩上次
買唔到飛；因為套戲真係好悶，就算有 Johnny Depp 都係咁話！我哋一至認
為，若果去戲院睇 3D 就更慘；因為睇 3D 對眼睛已經好攰，更何況要睇足成
套添！
愛麗斯夢遊仙境尼個童話，相信大家都真係耳熟能詳，或許未能好
detail 咁講出嚟，但係大家心中都有 figure，約略知道故事骨幹；所以尼 D都
係好難拍得好、又吸引觀衆嘅題材！
今次雖然用咗鬼才導演 Tim Burton，但拍出嚟嘅效果，除咗變成黑色
童話之外，佢竟然仲可以令到套戲變得豪無活力；連唯一一場與所謂噴火龍戰
鬥嘅場口都無嚟刺激；開頭又講到條龍點勁，點知完全無驚喜！仲攪到愛麗斯
成個病態少女咁，面無血色都不突止；佢仲好似患咗精神病咁，經常吹眠自己，
四週圍同 D人講話自己係發緊夢，所以夢中的一切佢都唔需要怕！（阿仔仲問
我套戲係咪講佢有病呀？我幾乎噴血！）
而白女皇（由Anne Hathaway 飾），就更加像個無知少女咁，終日响
道行行企企，完全好難令人信服佢點樣深受人民愛戴。係咪因為無得選擇呢？
因為紅女皇一日到黑都淨係識斬人個頭，唔反佢就其啦！
一句講晒悶！租唔租嚟睇？！你唔怕差 D 睇到瞓著咪 Ok 囉！
故事係講， Alice 成日都覺得自己容入唔倒大人嘅世界，因為討厭被人
擺佈，佢終日想像 D 古靈精怪嘅野，但無人明白佢！媽媽很担心佢，於是安排
佢去一個 ball……
當 Alice 看到一隻奇怪嘅兔仔，於是她便跟上去……洞內有一奇特嘅
世界……原來，這個世界是有一項偉大嘅任務，等著她去做！但是，當每一個
人都告訴佢要點做時；她又是否甘於受人擺佈呢？
尼個究竟係Alice口中嘅夢，一切源自於幻想，還是真實呢？最終Alice
能否擺脫別人替佢安排嘅命運呢？
其實，尼套戲都有一個好好嘅 message 嘅–就係教人努力創做自己的
命運！
沒有留言:
發佈留言