蟹宴–下午茶？

              昨日的下午茶，是真正所謂的富貴下午茶了！Because，我享受了一頓

非常新鮮的蟹宴（兩隻， 1 隻成 A4 size咁大；老公直情食到飽晒，食咗 5、6

隻；姑拉 6隻，3大 3中；妹妹都有幸食咗4隻，兩大兩小！）哈哈……好滿足

ㄚ！多謝奶奶！

              由於夫家是高流灣人（水上人），所以當老爺奶奶從高流灣出來的時候，

我們大多都能享有新鮮的海鮮食：–魚、蟹、海胆、螺及蜆…等等。咁當然，我

咁怕腥，所以–魚，我真的是無福消受！老公同佢家姐就讚口不絕！亦是如此，

錫我嘅奶奶當然知道我愛食蟹，由其係三點蟹（牠的 面有三個圓點的）；所以

她盡可能都會買多些出來的！可恨的是，現在的我因體質變得敏感，所以只能

依從『小吃多滋味』的原則了。

              話說她有次買了很多三點蟹給我們，而我並不知道三點蟹屬於涼的，所

以非常開心的食了 4 隻之多；因為牠的殻很薄，易於拆肉，而牠的肉質鮮甜，

不須用甚麼烹調方法，只須蒸十分鐘；亦唔須要加任何調味料，已經好味到不得

了！仲有熱同凍食都咁味美！那次，我便不知不覺食多了；於是到了晚上我的

喉嚨便痕癢非常，繼而咳過不停；自此我便怕了，因此每次食一 D 較易令人

敏感的食物時，便奉行『小吃多滋味』了。 

             呀！不得不說，這種受到保護的一種螺 — 鬼抓螺∕狗抓螺（我叫牠做恐

龍抓）。而家唔知仲有無得買呢？因為牠嘅產量唔多，以前都只係間唔中响西貢

街市或且假日的小艇，先有得買的！佢嘅樣貌奇特，扁扁的、個殻像是抓嘅形狀

；有時又會有一束嘅形態出現；又似爬行類動物的抓、青青綠綠地色；生長在石

縫邊緣，要潛水才能取得，所以一向都並唔常見、識食嘅人亦唔多。以往多數都

係艇家留來自己食用的！

             相信對於第一次見到牠的你，不禁會對佢投出『以貌取人』之心態；再加

上聞到牠的味道，你未必想食！因為我第一次就是這樣，但當我看見老公同佢嘅

朋友啜得很滋味時（由於牠的肉很少、 又很薄，所以要啜才能食到。），我又

不禁蠢蠢欲試了！嘩！果然不試由自可，一試我便立刻愛上了！牠那富有彈性的

小小肉，咬落去的口感真的有點雞肉的質感；再加上包覆在裏面的一啖海水，簡

直係絕頂鮮味！一食令人難忘！

              由於佢味道鮮美，所以佢嘅烹調方法非常，只須烚熟佢，並唔須要加任何

調味就 Ok了？好可惜這種頂級美食，不是隨便可以品嚐，因為有段時間被政府

列為受保護嘅動物；所以無得買；又因牠很難捕獲，又開始多咗人食，所以牠的

價錢一點也不平！至於，而家仲有無得買我就唔知嗱！我最後一次品嚐佢嘅味道

已是數年前了！

             哈…除咗這種獨特的螺之外，仲有種苦螺，入口甘苦，屬於寒涼的。由於

佢入口的感覺太苦，我就唔識欣賞，可是老公就好鐘意！還有一種會跳的螺，好

似真的叫跳螺，味道 OK，不過烚熟之後要配甜醬或辣醬食，才會味美！

以上兩張

狗抓螺及三點蟹之相片取自以下之網頁（相片並非本人所有）

http://www.311766.com/viewthread.php?action=printable&tid=1157


奶奶賜給我們的美味花蟹！