了，我們便選擇了在 Delifrance食。
老實講佢哋嘅 set lunch 辣味雞肉炒烏冬，辣辣地，真係幾好味嫁！烏
冬又夠彈牙，炒得唔會太乾，有少少汁咁，味道都唔錯；轉埋杯熱嘅 Latte，加
埋一，一個 set lunch 都要成 $70 幾蚊！貴係貴咗 D，但响又一城仲要係
lunch hour，相信真係無乜好選擇！向道返工嘅人真係慘，要捱貴 lunch！
Even，個 food count 都唔平得幾多，仲鬼咁多人等位添！（上次，我同妹妹
食過果間板前，完全係唔 OK 喎！總覺佢 D 魚生唔夠新鮮，但佢又有好多人等
位固喎！）
食完 lunch 趕住去上堂，正當我同朋友 U準備離開之際，佢突然發覺個
地下異常滑，正想轉頭提我要小心行嘅時候（因為若然我跌倒的話，後果嚴重）
，她就立即呯嘭一聲跌咗落地；此時，隔鄰的食客眼明手快地試圖將她扶住；可
惜由於衝力太大，朋友最終都跌坐地上，還撞倒個頭及手肘，此時Delifrance的
女職員及那個男食客都有幫手將跌倒的朋友扶起；反觀站在一旁的男經理，就
無動於終的站著，待朋友站起來之後，他才後知後覺地問她有沒有事！他這樣
的服務態道，真係『有禮』噃？？喂！唔係個地下濕滑，你豎個『小心地滑』
嘅牌出嚟，就唔洗負責嫁嗎！你見到咁，都要應該盡快搵個職員嚟拖乾個地，
又或且圍住佢；盡量唔好比客人行過ㄚ！
但事發時，果道既係主要行人通道；仲要係有一大片睇唔倒嘅油漬添！
喂！你都無理由唔知好易令人滑倒架！咁你哋係咪應該即刻做番 D 野呢？！例
如話：清理吓個現場；或且圍住佢；又或且通知 D 食客行另一邊呢！尼 D先至
係作為一間商店應有嘅責任良心！你作為一個食店經理，竟然都唔可以確保食客
嘅安全；連咁簡單嘅事都唔識 handle，咁你仲點 manage D 員工呢？！真係
不知所謂！
好彩，當時個 friend 係 pat pat 落地先，頭同手肘都只係撞到有點痛，
無乜大損傷；而且，我哋又趕住返學，否則我哋一定投拆佢間舖！
By the way，如果真的在店舖及其門口受傷，而該項損傷係由店舖疏忽
所做成的話，你可以報警或拍下証據，keep 番 D 醫療費用嘅收條；從民事途
逕索償！（要三萬元或以下之事故）你可以帶同所有資料、証據、被告人的資
料及通信地址，到灣仔政府大樓（好似係稅局大樓，總之係尼兩座。）唔記得
幾樓（睇水牌 ∕check name list）！然後，填表（有晒 demo 比你參考）；
之後，交表交錢（費用約$100 幾$200蚊）；返屋企等。咁佢哋會發信通知你
案件，受唔受理，若受理便會通知你案件審理日期、時間及 count no.。你到
時，只須自己親身，帶埋所有資料及証據出席，就Ok！律師都唔洗請嫁！若然
對方肯開庭前和解及賠償，咁點？Oh！唔知呢！你問吓個職員，佢哋都幾 pro
嫁！（因為我上次係要出庭同勝數嘅！）
ㄚ！如果係私人借貸，又在三萬元或以下，而你又有借據在手，對方又
有通信地址的話，都可以用民事追討的！
溫馨提示：–
若要穿現時流行的一字排鞋踭的鞋（又名船踭），便要小心選擇一 D 質料好的
鞋底，著高踭鞋的；由其是小心 D 平滑嘅路面，如雲石…等！因為這種鞋踭的
兩邊是修窄了的，由於鞋面與鞋踭的闊窄差異，所以鞋踭越高，愈容易令人行
路時失去平衡！試想像一下這條用來支撐妳的身體嘅一字排鞋踭；及妳嘅身型
比例？！尼 D都係跟據我多年來著高踭鞋的經驗！由其係果時興過的高踭
platform shoes！反而有時著 high heel 嘅平衡仲易 handle！（當然唔係
講第一次嗱！）
P.S. : –
我對皮鞋嘅鞋底真係有防滑功能嫁！仲好好著添！响邊道買？响太子道，警署對
面，近聯合廣場的一間尊買西班牙造嘅鞋及手袋的店舖，店名忘了，當年半價都
要成 $300 嫁！(3、4年前) 但真係好舒服、好好著嫁！舖頭家鎮仲响道營業嫁！
沒有留言:
發佈留言