果日行過 Circle K 諗住買番支茶飲吓！點知見到個雪櫃，就忍唔住買番
D 雪糕返屋企食，於是就發現咗尼杯 Haagen-Dazs 新嘅口味–士多啤梨千層酥
（Millefeuille aux Framboises）。不過，尼杯細細杯嘅雪糕一 D 都唔平，要
成 $26 個幾嫁！
打開個蓋，就發現面頭舖滿這些千層酥脆脆，雖然唔算脆；但一羹‘畢’
落去連雪糕食，個感覺幾得意嫁！而雪糕係士多啤梨吉士味，都係一般 Haagen
-Dazs 嘅味道，OK 啦！唔太甜，而且仲無士多啤梨肉架！我自己認為試一次
Ok 嫁，但我唔會再買，因為覺得好唔抵！反觀上次季節限定版嘅–Apple
Calvados 蘋果酒口味，較為吸引好多；因為口味好清新，但可惜又唔出了！
其實近期Haagen-Dazs 不斷推出新口味及季節限定版，真係好值得讃
嫁，因為無咁 dry ㄚ嗎！不過， J 話千祈唔好試新果隻蕃薯口味，因為好難食
喎！
另外，果日經過大圍火車站嘅零食店，發覺無乜新零食吸引，只有尼隻
咖啡味朱古力（Tiramisu）較為想試，因為佢同上次果隻好好味嘅士多啤梨千
層酥係同一個牌子 FUJIYA，係信心嘅保証！
果然，食落去有好香嘅咖啡味，唔太甜；咁當然無士啤梨果隻咁，咁脆
啦！不過都幾好味ㄚ！
哈…有日見到尼隻 Wasabi 口味嘅小餅乾，於是忍痛買咗包嚟試，因為
要成 $21 蚊包。日本造嘅！無偈啦，我餓咗Wasabi 口味嘅零食好耐囉！
返到屋企，我便急不及待，拆嚟試；初初食第一包，都覺得Wasabi 味
唔夠，但餅乾好香口，細細塊又獨立包裝；但食吓又一包、食吓又一包，連身邊
嘅老公都忍唔住要試，佢都話好香口喎！係呀！佢一包有兩小塊，又有白芝蔴同
海苔芝蔴，唔怪得咁香啦！結果我一食就食咗好多包。佢最正係 D 味精唔太多，
仲少個上次果隻 Wasabi米餅，所以食完之後唔會好口渴！正！
↓Wasabi 餅乾↓
