許留山–朱古力火鍋

             之前見到「許留山」–巴黎戀人朱古力火鍋經已好想試。嘩！$49蚊

至喎咁抵，唔試點對得住自己！睇吓佢比 D 咩野朱古力醬都好呀！一個朱古力

火鍋最重要嘅係個朱古力醬！如果朱古力醬太濃，會漿住個口，個朱古力醬好

味還好，如果唔係就真係嘥晒；若然個朱古力醬太稀，又會包唔到 D 生果…扯

；若果個朱古力醬太甜，就乜野味道都係得個甜味，仲要千祈千祈唔好食棉花

糖添！嘩！諗起上次都打冷震！

       尋晚揸住張平$10 嘅coupon，就同仔仔入去試啦！嘻嘻...$49-$10=

$39 啫就可以享用一碟 5 種嘅水果，每款有 4 嚿；仲有一個好好味嘅雪葩

（有芒果、椰汁同另外一種唔記得係咩嘅口味比你簡。）（芒果好好味囉！）

仲有4 條手指餅同 4 粒棉花糖。兩個人唔多夠？哈哈…你只須要 +8蚊，就可

以 encore 啦！不論係手指餅同棉花糖、雪葩同生果，每款都係+8蚊啫！個

生果嘅 size 就細少少（每款都只係得 2 嚿）！不過隔離果 3個後生都夠喎！

A！食完仲有 coupon送添，等你下次再 encore！一唔係，下次你仲可以簡

唔平$10蚊，用飲品買一送一果張 coupon，你咪可以同你嘅戀人 sweet

sweet 耐 D 囉！嘻嘻...

       講番個朱古力醬嘅味道，ㄚ！又真係估唔到幾好味喎！稀‘傑’度適中

，又唔會太甜、朱古力味又香；食晒 D 生果之後，仔仔仲食咗一羹朱古力醬

添！正宗朱古力狂迷呀！唔…Yummy…鐘意朱古力嘅你千祈唔好錯過ㄚ！尋

晚埋單都係 $43 咋！唔…暖笠笠好正呀！^∪^

      A！你知唔知ㄚ，最好味同最夾朱古力火鍋嘅生果係邊種呀？Dan dan

...就係香蕉同奇異果啦！咁最唔好味呢？Dan dan...就係哈蜜瓜啦！（味道

唔多夾喎老友！）