閉關了兩個禮拜，終於都見到 R，上次見佢都已經成半年嗱！O！My
buddy, 好掛住你！Up sad 咗咁多日，心情好番一半，問題總重覆發生著…
很討厭！如果係連續行好運，又或者係中獎，你話多好呢？！不過，相比起 R
的問題，我的好像又沒那麼嚴重（今次的）。兩個人傾吓講吓最近的事，在笑
與淚中渡過了！
我們就是這樣的好朋友！諗番起，其實都幾好笑…我哋兩個都响慈雲山
長大，最勁嘅仲要係住埋一座，但我哋從來都無交雜；直至座樓拆咗多年後，
我轉行做 sales，佢係第二個 team 嘅 team manageress，佢覺得我熟口
熟面，咁我哋就响公司相認嗱，你話尼個機會率有幾高呢？（佢車然認得我係
當日嘅o靚妹！可能我當年個形像太過突出嗱–一個吋爆嘅死o靚妹！好彩，
我哋從來都無口角啫！）自從相認咗之後，我哋就變成咗無所不談嘅 buddy
囉！當時佢仲非常照顧我添！
所以話有時做人真係要小心自己嘅言行，咪諗住人哋唔識你；或且自己
年紀仲細人哋會原諒你，就放縱！若果有朝一日，唔覺意成咗名，以前嘅惡行
就會暴光！
我哋好夾，大家都鐘意食野，又係大胃王！（不過，佢除咗識食，仲係
一個廚神！）尼個下午，我哋就係咁依發咗 7、8成功力，消化咗一個法式 tea
set、mini pizza（薄批）、一客薯蓉田螺；再加一杯 hazelnut latte。埋單
都係 $190蚊。
食物水準，ok 啦！最好味係薄 pizza、芝士蛋糕同炸蝦餅；但士多啤梨
串唔夠新鮮、炸雞又太硬、薯蓉唔夠滑又無汁，田螺無味，如果可以改善尼 D
，就更好！
沒有留言:
發佈留言